الحال هو هو , مافيش جديد
مين فينا سأل نفسه السؤال ده؟ حاولت!
حاول و اسأل نفسك و اخرج من مكانك و بص للبلد من برة.
سؤال بسأله لنفسى على طول و له عدد لا نهائى من الاجابات عشان كل واحد مننا بيرسم سكة لنفسه و حلم نِفسه يحققه, بس نقدر نقول ان كلنا مشكلتنا واحدة يعنى اجابة السؤال واحدة !!!!!!!!
مستنيين تعليقاتكو
الجمعة، ٢٢ يونيو ٢٠٠٧
و بعدين
الاشتراك في:
تعليقات الرسالة (Atom)
هناك ١٧ تعليقًا:
انانفسى احس بشئ جميل لكن الايام الى بنمر بيها بتعصرنا زى االقصب لماخده ياجماعه لكن انا بحاول ان اكون صريح ممكن اكون مريت باشياء جميله لكن انا مش حاسس بشئ ان نفسى حد يحس بى
موضوع جميل قوي يا عمرو , بس قبل مل أقول رأيي ححكلكو حدوته ( استحملوني معلش :))
مرة واحد و هو بيموت قال لأهله أنا حاولت طول حياتي انني أغير البلد و معرفتش, و فحاولت اني اغير معارفي و صحابي و معرفتش , فحاولت اني اغيركم أنتم و معرفتش برضه, بس فيه حاجة عرفت أغيرها.... نفسي )
الحياة طبعا مش فوشيا في تركواز , بس المفروض لما تبص في المرايا الصورة تطلع حلوة . ( ده مش اسم فيلم :)))
اسأل نفسك السؤال ده : " هوه أنا مبسوط مني ؟؟؟ ولو مش مبسوط أعمل ايه علشان أكون راضي عن نفسي؟و ايه اللي انا عملته لنفسي لحد دلوقتي ؟؟
صح الأيام ممكن تكون مكنة عصير قصب , بس مش كل الناس عيدان قصب .
رشا رجب
وبعدين ......؟ سؤال ملهوش اجابه وكلمه ملهاش نهايه; لانك مهما عملت مش حتوصل لنهايه اى حاجه. حتى حلمك لو حققته حتيجى برضه وتقول بعدين. عمرك ماحتقعد فى الدنيا مش بتعمل حاجه اكيد حتكون بتعمل حاجه فالسؤال هو وبعد مااعمل الحاجه؟ ايه ده شوفتوا برضه وصلنا لوبعدين ملهاش حل. هى ديه الكلمه اللى حتخلينا نقف لحظه ونفكر ونقول احنا بنعمل ايه وليه شكرا.......
الموضوع حلو جدا وربنا يكرمهم اللي عملوا الموقع واللي بيعرضو الموضوعات ياجماعه عايزا اعرف احنا ليه ماحدش بيخاف علي حد كل واحد ليه بيقول يلا نفسي وخلاص هانفضل امتي لحد كده كل واحد بيحلم لوحده ياريت كل واحد بيحب انسان اخ او حبيب او صديق يحاول يغير في حاجه يمكن نوصل لاحسن من اللي احنا فيه ولو كل واحد اثر في شخص او غيره فيه حاجه وحشه للاحسن اكيد هايكون مبسوط وسعيد وده كمان هايكونله في ميزان حسناته ياريت ياجماعه نتقرب لربنا عشان نحب بعض ونخاف علي بعض اكتر من كده وياريت لما ترسم لنفسك حلم حلوحاول يكونلك شريك فيه اكيد هاتحققه وتحس بمتعه اكتر وهاتكون اسعد لانك رسمت لشخص غالي عليك ابتسامه وياريت نحب بعض اكتر من كده وبالنسبه ان لما ابص في المرايا الصوره تطلع حلوه مش شرط ان الصوره تكون فعلا حلوه ممكن اكون انا شايفه نفسي حلوه وبالتالي بحس ان الصوره حلوه يعني مجرد ثقه بالنفس ويارب ماكونش طولت عليكوا
وبعدين؟ حاجه مش وحشه اوقات بتوصلنا لاعلي المراتب واوقات بتنزل بينا الارض بس هو مجرد انها بتفرق من شخص للتاني شخص ياستخدمها بطريقه سيئه توصله للاسوؤ وشخص تخليه اعظم انسان في الدنيا وده طبعا انسان طموح والطموح الكويس هو اللي بيعمر وده اللي بيعمر حياتنا انما الطموح السئ اللي بيودينا في دهيا وده طبعا معظم الشباب طموحهم يودي ورا الشمس مالوش اي فايده
حلو الموضوع بس ياريت ياعمرو نتكلم المره اللي جايه عن الهجره معظم الشباب بيفكر في الهجره لي ياشبابنا لما احنا نهاجر يعني نروح نعمر بلد تانيه اكتريتها مش مسلمين ليه ؟؟؟؟؟؟؟؟؟؟؟ السفر للدول وقلنا ماشي اهو الشاب بيسافر وبيرجع لاهله وعلي الاقل بيودهم وبيزورهم انما هجره كتير اوي وصعبه علي اي ام وعلي حبيبه وعلي اي اخت بجد ياعمرو ياريت تناقش الموضوع ده
يا ريت يا جماعة كل واحد يكون له Nike Name علشان الحوار يكون أسهل.
يمكن في حد فهم كلامي غلط. انا لما قلت لازم لما تبص في المرايا الصورة تطلع حلوة , مكنش قصدي المرايا اللي بنشوف فيها شكلنا, كل واحد جواه مرايا بتحكم عليه و تقوله انت كويس ولا وحش . و في المرايا دي علشان تبقى كويس مش شرط تكون أموووووور, علشان المرايا دي بتحكم عليك بشكل موضوعي جدا, يعني لازم تكون راضي عن نفسك و مقتنع بتصرفاتك علشان الصورة تطلع حلوة.
و على فكرة ممكن تلاقي ناس مش كويسة و واثقة في نفسهالأقصى درجة أو احنا شايفنهم كده, بس مرايتهم بتقول عكس كدة.
رشا رجب
الحال هو الحال ممكن يكون اسم فيلم او مسلسل كل شاب عايش فى حالة فية او على الاقل بيشارك فى دور فية بس لو كل شاب سال نفسة لية الحال هو الحال او بالمعنى الاصح اللى ننام فية نصبح فية ومفيش جديد هيكون ما فيش اللى رد واحد وهو اللى احنا اتواجنا فى زمن او حال صعب يتحقق فية حلم او طموح مش بايدنا بس فى ظروف بتطرا علينا ولكن لو كل شاب تمسك بحلمة او طموحة هيوصل هيوصل وفى امثلى كتيرة على كدة فى زمانا عرفناهاوشيفانها بس المهم ارداة الشاب وتمسكة بحلمة او طموحة
يا "طائر بلا عنوان" انا معاك ان كل واحد فينا لازم يتمسك بطموح و حلم , لان ممكن يكون الحلم هو الحاجة الوحيدة اللى فى ايدينا دلوقتى .
بس انا عايز اسألك سؤال , تفتكر الحل بتاع كل الاسئلة بتاعتنا دى هو الفلوس ؟ يعنى ممكن تكون كل كلمة "و بعدين" بنقولها بنبقى بيها بندور على الفلوس ؟
ياريت ترد عليا و ياريت كمان لو اى حد تانى عايز يقول رأى .
السلام عليكم انا فى موضوع محيرنى اوى وكنت نفسى اعرف اراء الناس فيه انا كنت بتكلم مع اصحابى فى موضوع الحالة النفسية وانى بقيت بتضايق واتخنق كتير ومن ضمن الاراء فى راى لفت انتباهى اوى:ان الانسان عشان يكون مبسوط ومستريح نفسيا لازم يتوافر خمس حاجات فى نفس الوقت:اولهم الحالة الروحية:ان الانسان تكون علاقته بربنا كويسة.تانى حاجة الحالة العقلية:انه يكون بيفكر صح.تالت حاجة الحالة الاجتماعية:ان علاقته بالناس اللى حواليه تكون كويسة.رابع حاجة الحالة الجسمانية:ان صحته تكون كوية.اما بالنسبة لخامس حاجة فهى الحالة العاطفية:ان الواحد يكون عايش قصة حب مستريح فيها.يا ترى بايدينا اننا نتحكم فى الحاجات دى؟يا ترى هنقدر نحقق الحاجات دى كلها فى وقت واحد قبل ما نموت؟
يارب حد فينا يعرف هدفه....................................
وبعدين حفرة كبيرة كل الناس بتقع فية بس ميتلعش منها ألا ألى بيشغل دماغة ويتعلم من اخطائة واخطاء الأخرين وواثق من نفسة ويسعى انة ميقولش وبـــــــعديـــــــن
يعنى هو فعلا سؤال ملهوش اجابه نهائى اصلا وميرسى على التوبيك الجامد
مش كل حاجة طبعا الفلوس بس فيا حاجات لازم تتحقق عن طريق الفلوس والحلم لازم يتحقق عن طريقها كمانانتة لو مش معاك فلوس هتقدر تحقق حلمك اللى انتة بتحلم بية من الصعب دلوقتى اللى الواحد يلاقى مصباح علاء الدين او الفانوس السحرى اللى هيحقق بية حلمة بس احنا لو مش معانا فلوس مش هنقدر نحقق حلمنا هنفضل نحلم بحاجة مش هتحقق
عايز اسئلكو سؤال ياجماعة لية فى الزمن دة ألى يغش ويسرق وينافق ويطاطى هو ألى بيعلى ويحقق حلمة وليبقى صادق وامين يتقى اللة فى الناس وميبصش للحرام بيفضل مكانة محلك سر تفتكرو هى الدنيا مشيا كدة وهتفضل كدة على طول دة لكل شىء نهاية وكدة تبقى النهاية اية طب وبعـــديــن
أنت في الدنيا دي المفروض بتعمل اللي عليك كل اللي عليك تعمله فعلا, بس أقولك على حاجة من الاخر ؟ متستناش مقابل , متفضلش تقول و بعدين عارف ليه؟؟؟
علشان الناس ممكن يكون كتييييير منهم ظالم بس ربنا مش ظالم ... و عمره ما حيضيع تعب حد بس لو انت ما أختش نتيجة تعبك دلوقتي تأكد انك حتاخده بعدين.
كلمة وبعدين دى بحس انها سلاح ذو حدين يعنى بمعنى اصح دى مسألة نسبية حسب الشخص اللى بيتسأل.اذا كان ضعيف,تافه,بيتحطم بسرعة,مش طموح,مش عارف هو عايز ايه,وقتها هيتكسر اسهل من عود الكبريت.وهييأس بسرعة ومش هيلاقى لنفسه مكان فى اى حاجة....اما الانسان اللى عارف هدفه فى الدنيا.الطموح.الواثق من نفسه وقدراته.اللى عارف ان الحاجة القيمة مبتجيش بالساهل ولازم يتعب اوى عشان يحس بقيمتها فده لازم لما يسأل نفسه أو لما حد يسأله وبعدين أكيد هيفكر ويوصل لحاجة مهمة هو عايز يوصلها
إرسال تعليق