كل ما امشى فى حتة الاقى راجل ماسك عصاية كبيرة وقدامة يجي 100 خروف !!! واحد هيقولى عادى العيد الكبير قرب وكل سنة وانت طيب ........ وانت طيب يا سيدى ....... انا بقى لما بشوف المنظر دة بفكر فى الخرفان اللى ماشية لاعارفة هى رايحة فين ولا هيحصلها اية !!! هيرد عليا نفس الواحد ويقولى ماهى خرفان وكام يوم وتندبح عادى يعنى .......... ياسيدى اصبر عليا وانت هتفهم انا لما بشوف المنظر دة بفتكر حالى وحال الجيل كلة اقولكم انا قصدى اية .............. لو بصيتوا لحياة معظم الشباب من الطفولة لحد دلوقت هتلاقوا التسلسل الاتى:::::::::: من اول الولادة لحد ابتدائى بتبقى كلها عيال حتى الواحد ملوش ذكريات فى الفترة دية....................تروح الاعدادى تسأل اى حد عايز تطلع اية يبص لأمة وابوه الاول وبعدين يقولك يا مهندس يا دكتور يا ظابط وكأن مفيش مهن غير دول فى البلد............... اما الثانوى ده موضوع ثانى الواحد يا عينى يفضل يذاكر ويدح عشان يجيب مجموع يدخلوا كلية من كليات القمة ويا عالم بعد ما يجيب المجموع التنسيق هيودية انهو كلية فى انهو بلد.................................نخش الجامعة يا باشا تلاقى الموضوع اتغير خالص نسبة السقوط فى اول سنة فى مختلف الكليات رهيبة فتلاقى الطالب اللى كان لسة جايب فوق الــ %90 طالع بــ 3 ضعيف و 2 ضعيف جدا ولما يبدأ التخصص تلاقى الطلبة بتدخل القسم اللى فى عدد كبير عشان تبقى مع الزحمة وخلاص!!!!!!!!!!!!!!!!!! ويبدأ بقى الاختلاط ثم الارتباط ثم الفشل ثم محاولة الخروج من الفشل ثم استمرار الفشل وبدأ استيعاب الواقع وهنا بقى بيتقسم رد الفعل::::::::::::::::::::::::::::: - مجموعة بيجيلها احباط شديد وساعات بتوصل لدرجة المرض النفسى ------------مجموعة بتصلى و تقرب لربنا وساعات بتوصل لدرجة التطرف . مجموعة بتقلب معاها بلامبالاة يعنى بتبقى مش فارقة معاها حاجة خالص --------------- مجموعة بتضرب بانجو و بتحشش يمكن بتلاقى فى المخدرات حاجات احلى من الواقع ------------ -مجموعة اخيرة ودول عددهم قليل جدا دول اللى بيحاولو يفكروا فى المستقبل ويلاقوا لنفسهم مكان فية .
بعد الكلية تبدأ رحلة البطالة وانتم عارفين الباقى طبعا!!!!!!!!!!!!!!!!!!!!! انا عارف ان اللى انا قلتة دة مبيطبقش عل كل الناس بس الاغلبية بيحصلهم كدة عشان كدة انا عايز كل واحد فيكو يفتكر كويس هو خد كام قرار فى حياتة بدون ضغوط ولا تاثير من حد وكام مرة مشى مع الخرفان من غير ما يفكر وبعد ما تفتكر هتعرف انا قصدى اية وانك لازم تبص لحياتك الفترة الجاية بطريقة مختلفة عشان كدة ليكن شعارنا فى الايام القادمة انا مش خروف
الخميس، ٢٧ سبتمبر ٢٠٠٧
انا مش خروف
الاشتراك في:
تعليقات الرسالة (Atom)
هناك ٣٧ تعليقًا:
على فكره
موضوع جديد
وربط رائع بين حالنا وحال الخرفان
ربنا يقدر للجميع الخير يارب
تحياتي
الربع جنيه المخروم لو سمحتي
احلى حاجة فى الناس دى الراجل اللى بيحشش
ده راجل ملوش حل
مقضيها
مفيش حاجة بتزعله
جيش ماشى
مرتب 60جنيه ماشى
العملية جميلة معاه
قبل ما اتكلم لازم اشكر واعترف ان الموضوع ده جااامد موووووت ومهم ولازم المرة دى نتكلم بهتمام اكتر عشان احنا مصريين وزى ما بيقولوا مصر ام الدنيا لكن بعد ما قريت الموضوع اكتشفت انها ام الخرفان... انتوا حطيتوا اديكم على كل المشاكل بتاعتنا وعشان اللى كاتب الموضوع ده شاب مصرى عرف ان العيب اننا مش بناخد ولا قرار فى حياتنا وطلب مننا اننا نبدا ناخد القرار ..انا قعدت مع نفسى كتير معرفتش اخد اكتر من قرار او اتنين ومش عارف هما صح او غلط ومش عارف هما دول اللى ابدا بيهم ولا لا بس اللى عرفت اوصله اننا محتاجين حد يوعينا وينصحنا اننا ناخد القرارات دى ازاى او ازاى ننفذها بشكل عملى وصحيح وانا شايف اننا احسن ناس ممكن ناخد راى بعض لاننا احنا صحاب المشكلة وشايف كمان ان الموضوع ده مش محتاج تعليقات لكن محتاج حلول يعنى المفروض اننا نساعد بعض ولو فى مشروع جماعى ندخل مع بعض انشاله حتى بالراى بس وبطلب من كل اللى موافقنى انه يحاول يقول حلول من عنده وانا متفائل اوى وحاسس انى بتكلم مع اخواتى ويارب تكون رسالتى وصلت للجميع انا اسف انى طولت بس انا بجد فخور بالمدونة دى وشايف اننا لازم ندعمها ونقف جمبها وبشكر لتانى مره اللى كتب الوضوع ده وكل سنة وانتم طيبين....
الموضوع هايل يا جماعة و احلى حاجة فيكوا انكوا بتدخلوا لصلب المواضيع اللي الشباب محتاجين يتكلموا فيها
انا معاك يا حسام ان فعلا كل المشاكل اللي الشباب واقع فيها بسبب قلة الوعي
انا واحدة من الناس علشان بنت دايما وهيه صغيرة اهلها يحبوا يخدوا القرار بحجة انها بنت مش هتعرف تاخده
بس الحقيقة انا لما جيت في الكلية أتخصص اخدت القرار لوحدي و فجأت الكل و الحمد لله القرار صح
عارفين احنا محتاجين ايه.... احنا محتاجين الجرأة علشان ناخد القرار و طبعا اللي مقننة بالاصول و الاخلاق و الدين
على فكرة كل شاب و شابة دماغهم كويسة جدا لان ربنا خلقنا بالفطرة نمشي صح خدوا الخطوة يا شباب و متخفوش طالما انتم عارفين دينكوا طالب منكم ايه و الاصول بتقول ايه
اتكلوا على الله و خدوا القرار و ارفعوا رايه (انا مش خروف )وربنا يوفقنا لطريق الهداية
اموضوع مش في الخرووف الموضوع في الي ماسك العصايا وبيضرب في الخرووف وانتي صغير بتضرب عشان ما تغلطش تلبس هدوم ابوك عايز يلبسهالك ولما تكبر شويا وتنزل الشارع عشان تلعب يقولوك لا ما تصحبش دة وماتكلمش دة ومتاخرش عن الساعة 7 وخلي بالك من السكة ويسلام لو اتاخرت او عملت مشكلة العصايل تنزل عليك وبعد ما تكبر شويا اكتر وتروح ثانويا عامة ذاكر 24 ساعة في 24 ساعة ما تخرجش ما تتفرجش علي التلفزيون او ماتجبش مجموع كبير ماتفكرش انت عايز تتدخل كلية اية احنا عارفين انت تدخل اية وبعد النتيجة لو جبت مجموع صغير العصايا تنزل في --------- ولو مجموع كبير تروح الكلية الي هما مخطارنهالك زبعد ما تروح الكلية تشوف دكترة تخنق ومدرج كبير مالوش اول من اخر لحد ماتلقي بنت تحبها عشان تحب تروح الكلية وبعد ماتحبها سنين الكلية وتتخرجوا وتيجي عايزين ترتبطوا يطلعلك واحد بعصايا يسودها في وشك وتتفركش الحوار وبعدين تدور علي شغل كام سنة واول ما تشتغل تلاقي واحد فوقيك بعصايا عارفين انا نقسي في اية
اكسر العصايا
شكرا يا استاذ محمود على تعليقك اللى انا بس اللى فاهمة ويا ريت نشوف تعليقاتك على كل الموضوعات اللى عندنا بس يا ريت تكون مركز فى صلب الموضوع ومش عايزين سياح وفضايح قدام الناس
على فكرة انا مبسوط من الردود اللى شفتها على الموضوع وفعلا ارأكم جامدة جدا وبتفتح سكك فى الدماغ
عارفة يا بوسى الموضوع دة بينطبق على الولاد والبنات والاثنين بيفكروا بنفس الطريقةوبيحصلهم نفس النتايج
يا زيكو انت رأيك دة جامد وعايز قاعدة لوحدة عشان لو اتكلمنا فى الراجل اللى ماسك العصاية مش هنخلص لانهم كتير من اول الاب لغاية اللى بالى بالك
شكرا ياحسام على رأيك وعلى دماغك النضيفة
الواحد لما يجى يركب عجلة لاول مرة بيبقى حاجة من دول
يا اما بيركب لوحده وزى ما تيجى معاه ربنا يوفقه ويمشى بالعجلة او مفيش توفيق وبيقع
او حد يمسكة لغاية ما يعرف ازاى يحفظ توازنه على العجلة ويعرف ازاى يمشيها كويس
او يركبوله سنادة تبقى معاه على طول وما يعرفش يركب عجل عمره من غير سنادة تسنده
وكذلك الواحد مننا
يا اما يقعد يخبط فى الدنيا والدنيا تخبط فيه لغاية ما ياخد طريقه ويتعامل مع الدنيا بالاسلوب اللى هو شايفه صح
يا اما ابواه يوجهوه لغايا ما يبدا يفهم الدنيا ماشية ازاى ويتعامل معاها على خلفية توجيهات اهله ليه
يا اما يفضلوا على طول اما بالعصا او بالتدليل ومايعرفش يتحمل مسئولية نفسه ابدا
واحسن حاجة فى كل ده
اللى يعيش تجارب الحياه مع بعض التوجيه المدروس والمحسوب وبحدود وحتى لو فى مرة وقع هايتعلم ازاى بعد كدة يحفظ توازنه من غير ياس ولا هروب
انا مقيد راى بوسى كات بس يا بوسى انا شايف اننا محتاجين نفهم يعنى ايه ناخد قرارات عشان منندمش عليها بعد كدة او حتى عشان تعملها وانت عارف انك بتعمل الصح مش اللى فى دماغك احنا فعلا يا بوسى دماغنا حلوه اوى بس محتاجة انها تشتغل بدل ما تروح مننا وبطلب للمره التانيه اننا ننصح بعض ونقول القرارات اللى خادناها يمكن نستفاد من بعض ونساعد اللى مش عارف ياخد قرار
ايه حيلكم حيلكم ليه ظلمين الخروف معاكم طب الخروف عارف ايه الهدف من تربيته عارف انه له سعر عارف انه بيترببي علشان هيندبح لكن احنا بنتربي ليه اهالينا بيربونا وبيخططوا ويقرروا ويرسموا لنا حياتنا ليه علشان نندبح فى الأخر بس مش على العيد زى الخروف لا نندبح على ايد اهالينا إلى مش عارفين يعملوا فينا ايه ولا ايه يخلونا نطلع دكاتره ولا مهندسين ولا محامين ولا مدرسين علشان لما نشتغل نجيب فلوس بصوا كده حواليكم هتلاقوا كل المواضيع إلى كتابنها فى المدونه بتدور حوالين نقطه واحده الفلوس والبيت والحياه والدنيا وإلى عايشين فيها انا عن نفسى زهقت مش شايف من حياتي اى فايده مش عارف أوصل اني اعيش زى الناس إلى بأشوفهم فى المولات واراكبين عربيات بيدوسوا بيها علينا وهما مش شايفنا ولا حاسين بينا انا عن نفسي شفت المثال ده صاحب الشغل إلى باشتغل عنده انسان مستغل بشتي الطرق هو عنده ولد وبنت هو عنده عربيه ومراته عربيه وبنته عربيه وابنه عربيه ولما نيجي تروح له مشوار خاص بيه وتقوله ركبت تاكس يقولك ليه ما المواصلات موجوده يعني احنا نتبهدل ونركب مواصلات وهما يركبوا عربيات احدث موديل لما تيجي تقول له سلفه يقول لك معنديش ومفيش اجيب فلوس منين وهو يكون لسه دافع 1000جنيه علشان يغير مساعدين العربيه بتوع ابنه ولما فكر انه يعمل فى حياته خير ويساعد حد كل شهر بيفكره ويذله بيها بنته ديه مش عاجبها الحياه إلى عيشاها وبتقول انها كان نفسها تعيش فى بيت تاني مع أسره تانيه طب بذمتكم قلولي انا اعمل ايه مش يجلي نقطه واتشل والله العظيم حرام احنا مساوناش الخرفان حد يقولي لو انت عايش وحواليك ناس بالشكل ده تعمل ايه تسرق ولا تنصب ولا تعمل ايه قولولي ماذا تفعل لو كنت مكاني ؟على فكره متفتكروش ان انا مش راضيه بنصيبي وبألي ربنا كاتب هولي لا الله انا الحمد لله بأشكره على نعمته وفضله بس اكيد لازم هيجي وقت واسأل ليه احنا كده وهما كده.
شوف يا ظاظا انا حاسس بكل اللى انت قلتة بس الاول انا عايزك تهدى
انا مش عايزك تقارن نفسك بصاحب الشغل لان ده راجل لازم نحترمة لانه عمل لنفسة مكان وفلوس ومظبط ولادة اما معاملاتة الشخصية فده موضوع تانى
اما ابنه ولا بنته اللى معاهم عربيات فدي حاجة متحطهاش فى دماغك لانهم مش ذنبهم ان ابوهم غنى ولو اعتمدوا على نفسهم ذيك مش هيعرفو يركبوا العربيات دية فانت ممكن تكون دماغك احسن من دماغه بس دية حاجة بتاعت ربنا هو اللى بيقسم الرزق بس انت اعمل اللى عليك وارضى باللى هو قاسمهولك ولازم تعرف ان نصيبك فى الدنيا ذى نصيبه ونصيب اى واحد بالظبط بس بحسبة مختلفة ودة من عدل ربنا ان الناس كلها متساوية بس اللى يرضى هو اللى هيستريح
يارب اكون قدرت اريحك شوية وياريت ترد عليا
يا اخت ظاظا
دلوقتى انتى وضعك ايه لو بصيتى حواليكى اكيد هاتلاقى ناس مستواهم ماديا اقل منك بكتير ونفسهم يوصلوا لمستواكى المادى او نصه حتى
لو انتى قابلتى واحد من الناس اللى مش لاقيه دى وحسيتى انه هو عمال يديكى عين بالشكل ده هايكون موقفك منه ايه
ربنا ان شاء الله يكرمك ويباركلك فى رزقك بس لازم تخافى ربنا احسن تفكيرك ده ممكن يجرك للسرقة او للنصب زى ما بتقولى
اللهم اقسم لنا من خشيتك ما تحول به بيننا وبين معصيتك
ومن طاعتك ما تبلغنا به جنتك
ومن اليقين ما تهون به علينا مصائب الدنيا
يا عم حامد انا مقولتش حاجة وانا راضي بنصيبي وبأشكر ربنا على فضله انا بس حبيت اعرض عليكم مثال حي واضح انا عايشة وكتير غيرى عايشينه ويقولوا بردك الحمد لله لكن ليه احنا بس إلى نرضي بده ونستحمل العذاب والهوان ده كله علشان ايه عاوز حد يقولولي ليه ومتقوليش اصبر وبكره اكيد احسن وهتفرج والكلام ده إلى لا بيجيب ولا بيودى طب انت عارف انا نفسي في ايه نفسي الدنيا ديه ربنا يعيد تقسيمها من تاني ويعطي كل ذى حقاً حقه واستغفر الله العظيم وحسبنا الله ونعم الوكيل
يا جماعه انا اتفهمت غلطت وكلامي كان قافش شوية بس والله انا مش بأقصد الماديات بس انا قصدى كمان المعامله إلى بيعاملها لنا اصحاب الأعمال والمال والنفوذ ليه بيعتبروا ان احنا علشان بنشتغل عندهم يبقا لازم ينداس علينا ونتفرم فى الشغل علشان ملاليم متأكلش عيش حاف والله انا مش بأبالغ مبتأكلش عيش حاف لكن هنعمل ايه اهو راضين لحد مربنا يحلها من عنده وانا متشكر جداً لاهتمامكم بالرد وفعلاً احنا بنتكلم وبنلاقي ناس بتسمع
استغفر الله العظيم
ان الله لايظلم مثقال درة وان تك حسنة يضاعفها ويؤت من لدنه اجر عظيما
ربنا عدل ولما قسم الارزاق قسمها بعدل ولو شاءت ارادته اعادة تقسيمها لقسمها بعدل وبدون ذرة ظلم
ويا ظاظا فى قول مأثور بيقول
الرضا لمن رضا والسخط لمن سخط
وده معناه ان اللى بيرضى بنصيبه ربنا بيرضيه واللى مش عاجبه مالوش غير رزقه برضه اللى نابه بس انه اتزهق واتخنق ومش هايشوف الا اللى ربنا كاتبهوله وهايعيش دايما فى هم وغم وسخط
بجد الموضوع طحن
جديد موت
بس على فكرة
لقب الخروف ده يطلق على الرجال
اما النساء هيطلق عليهم اية المعيز
نيهاهاهاها
بجد هم يبكى وهم يضحك
ياريت نكون اجرأ من كدة شويه
وكل اللى فى قلبه حاجة وعايز يعملها
يعملهاحتى ولو كانت غلط
على الاقل لو غلط ساعتها هنكون اتعلمت من غلطنا وعشت التجربه بنفسى
واتحملت فشلها
ولو صح هنحس ان دى اول خطوه ايجابيه صحيحه فى حياتنا
الخرفان أكيد مش بتحس بكل ده علشان هيه خرفان . بس اللي بيحس بكل ده هو الانسان اللي عنده هدف في حياته و عنده ارادة و ايمان .
هدف: يعني أنا عارفة أنا عايزة ايه.
ارادة : يعني عندي رغبة قوية و دافع لتحقيق الهدف ده
ايمان : يعن اكون مؤمنة بقدراتي و أمكانياتي و اني أقدر أحقق الهدف ده و اني اكون أولا و أخيرا مؤمنة بربنا و عارفة كويس قوي انه حيقدملي الخير.
لما يكون جواك كل ده , ممكن تقابلك صعوبات كتيير, ممكن كمان تحس أنك الوحيد اللي مش خروف, مش مشكلة . بس خليك متأكد انك كسبت نفسك .
عارفين... موضوع الخرفان ده بيفكرني بمسرحية فرنسية أسمها " وحيد القرن"
المسرحية دي عجيبة جدا. الأبطال بيتحولوا واحد ورا التاني لوحيد القرن . بيظهر الموضوع كأنه وباء بينتشر بينن كل الناس . و بيفضل في الاخر بطل المسرحية _ بعد ما فقد كل الناس اللي بيحبهم- بس فضل يقاوم وأصر أنه يتمسك بانسانيته و بارادته و بقدرته على اتخاذ القرار . في الاخر حس انه كسب نفسه .
" الحرية ليست ان تقوا نعم , الحرية هي أن تستطيع أن تقول لا "
دي مقولة لكاتب فرنسي, بيدعو فيها الناس انها متكونش خرفان . أنها تبتدي تشغل المادة اللي موجودة في الدماغ . تبتدي تخطط لنفسها و يبقى لهل مبدا و وجهة نظر و هدف.أنها تحس أن ما فيش عصايا بتمشيها و أنها قوية بما فيه الكفاية علشان تثبت انا موجودة .
الله ينور يا بسبسة وحشتنا تعليقاتك من زمان
بس تعرفى الايام اللى عدت عليا وانا فى الجيش خلتنى اتمنى ان ربنا كان يخلقنى خروف على الاقل كنت استريحت
كنت حتستريح اه صح . بس مش حتبقى حامد
المشكلة ان فى ناس كتير نفسها تاخد قرار ولو مرة واحدة فى حياتها بس فى ناس شايفها نفسها انها صح ويوم ما تاخد القرار دة بتبوظ الدنيا لكن فى ناس مخها نظيف اوى وعارفة هى عاوزة اية بس المشكلة الاكبر مش ان الواحد ياخد قرار وبس المشكلة هل الواحد هيقدر ينفذ قرارة عشان للاسف احنا مش كلة حاجة عاوزنها بنلاقيها عشان الاصعب من اتاخد القرار تنفيذ القرار؟ والحمدلله اننا طلعنا خرفان بس مش حاجة تانية..؟؟ (bossy)
لاول مرة بالاسكندرية :
دعوة لكل مواطن ولكل مدون حر: لحضور ملتقي الدفاع عن سجناء الراي وحقوق الانسان
بالإشتراك مع
تجمع المدونين الطامحين في وطن عربي بدون سجين رأي واحد و بحضور نخبة من الصحفين والسياسين والمدونين
فرصه حقيقيه ليجتمع المدونين مع بعضهم البعض
ويعلنوا تضامنهم مع حرية الصحافه والكلمه في مصر
موعدنا : الخميس 18/ 10
الساعه 5 بنادي المحامين بجليم كورنيش البحر الاسكندرية
لمزيد من المعلومات شاركنا على مدونة ياللا نفضحهم
http://yallanefdahom.blogspot.com/
لاول مرة بالاسكندرية : دعوة لكل مواطن ولكل مدون حر: لحضور .............
ملتقي الدفاع عن سجناء الراي وحقوق الانسان بالإشتراك مع ....
تجمع المدونين الطامحين في وطن عربي بدون سجين رأي واحد
و بحضور نخبة من الصحفين والسياسين والمدونين
فرصه حقيقيه ليجتمع المدونين مع بعضهم البعض
ويعلنوا تضامنهم مع حرية الصحافه والكلمه في مصر
موعدنا : الخميس 18/ 10 الساعه 5
بنادي المحامين بجليم كورنيش البحر الاسكندرية
اعلن عنا في مدونتك
اكيد انا مش خروف
موضوع مهم متناول باسلوب جديد :)
اول واكبر تجمع حقيقى للمدونين
لاول مرة بالاسكندرية
الخميس القادم الساعة الخامسة بنادى اللمحامين بجليم
الخرفان لهم قائد ويمشوا خلفة
وهذا هو الذى يوجههم
فاذا تاه القائد تاهت الخرفان
تحياتى
في انتظار اغنية
الخروف الخروف الخروف الخروف ايه الخروف الخروف الخروف هههههههههه
أكبر خروف مترأس الخرفان وهو القدير بالذكر حسني ابن ...... لولاه مكناش في حالتنا دي
وشكرا على البوست الجميل دة
وفي انتظار بقية تدويناتك يا جميل
المدونة باظت والله يرحمها
هاي يا جماعة عاملين ايه .... وحشتوني كتير اسفة لاني انقطعت عنكم شوية
بس معقولة اسيبكم شوية الاقيكوا بالتشائم ده ................ يا خسارة يا شباب
انا فاهمة قصدك يا ظاظا و اسمحللي اقولك ان اغلب الناس اللي امتلكوا المال ظنين انهم امتلكوا الانسان . و على فكرة اغلب اصحاب العمل كده
بس انا عيزاك تعرف حاجة مهمة طالما انت دلوقتي ماشي بما يرضي الله و فعلا راضي باللي ربنا كتبهولك تأكد تأكد ان ربنا هيعوضك في حاجة تانية و جايز انت دلوقتي بتشوف ظلم صاحب العمل ده علشان لما بكرة تكون مكانه متظلمش حد
و الاهم من كل ده حاول مرة تنزل الشارع و تبص في عيون الناس بتأمل و شوف اللي مش قادر حتى يحصل على 1/2 الوظيفة اللي انت فيها بسبب اعاقة في جسمة ( حفظك الله ) او بسبب عدم حصوله على شهادة او لانه مش متعلم
و تخيل ان ممكن يكون بيبصلك انت بنظرة تمني و يتمنى انه يكون مكانك
ظــاظـــا قارن نفسك باللي اقل منك علشان تحس اكتر بحلاوة النعمة اللي انت فيها
و اخيرا تذكر قول الله تعالى " و ان شكرتم لازيدنكم " و ان شاء الله حالك هيبقى أحسن كتير بس متبقاش تنسى اصحابك في المدونة
انت عندك حق يا حسام احنا فعلا لازم نفكر مع بعض اننا نأخد قرارات مع بعض و ده هيكون مفيد لينا جدا و ياريت اسمع ردودكم و المشاكل اللي عايزين نحلها و ان شاء الله المدونة ديه تبقى بيتنا الكبير اللي بتتجمع فيه العيلة علشان يفضفضوا مع بعض و برضوا يخرجوا بقرارات سليمة
تــحـــيـــاتـــــي
بطلوا هيافة وكلام فارغ بقا
وانت يا اسكندراني اوي بتقول كلام غير ال بتعملوا
وأكبر خرووووووووووووف كمان
إرسال تعليق