اعتقد ان اغلبنا شاف اغنية الضمير العربى ... طبعا الاغنية حلوة ومأثرة وفيها مشاهد توجع اى حد يشوفها ... فى ناس لما شافت الاغنية بكت وفى ناس اتأثرت وفى ناس مقدرتش تكمل فرجة !!! لان الاغنية تجسيد للحاله اللى وصل ليها العرب مش هقول الفلسطينى او العراقى او اللبنانى لان احنا كعرب بيحصلنا كلنا كده بس بصور مختلفة !!! عشان كدة المفروض يسموا الاغنية العجز العربى بدل الضمير العربى لان اول احساس بيجيلك بعد ما تشوف الاغنية احساس بالعجز اطفال بيموتوا ... رجالة بتتعذب فى السجون ... ستات بتتبهدل وتترمل وبتغتصب قدام عنيك وانت مش عارف تعمل ايه !!! وفى نفس الوقت تلاقى اصحاب الجلالة والفخامة الحكام العرب بيجبروا الشعوب على التطبيع والتعايش السلمى !!! تخيلوا بقة لما تشوف الجيش الاسرائيلى داخل بدبابة على مدرسة ولا بيت فى ستات وعيال صغيرة والدبابة دى ماشية بغاز مصرى مدعم !!!!! اه والله مصر بتصدر الغاز لاسرائيل وبسعر اقل من سعره العالمى وبسعر ثابت لمده عشرين سنة شوفتم خيبة ذى خبيتنا !!!! تعرفوا ان امريكا بتضغط على الاعلام عندنا عشان ميقولش على الفلسطينى اللى بيموت او بيعمل عمليات فدائية جوة اسرائيل شهيد عايزين المذيع يقول سقط اليوم خمسين قتيل وليس شهيد حتى الشهادة مش عايزينا نخدها !!!!!! انتوا عارفين نسبة المخدرات ذادت قد ايه الكام سنه اللى فاتت ... الشباب بقة اليوم كله عايز يحشش ويشم عشان ميفكرش فى اللى بيحصل واللى مش قادر يعمل فيه حاجة..... انتوا عارفين انا بقول كدة ليه ؟ لانى يمكن من اكتر الناس يأس فى ان اى حاجة ممكن تتصلح بس حتى اليأس خلاص انا زهقت منه !!!! انا عايزكم تقولوا افكار نبدأ بيها يمكن متتنفذش ومحدش يعرف عنها حاجة بس كأننا بنفكر بصوت عالى يعنى احنا ممكن نعمل ايه او ايه اللى المفروض يحصل وانتوا لو فى اديكم القرار ايه اللى هتعملوه .... انا مبقولش ندخل فى حرب ونعادى العالم والغرب مع ان ده مش عيب لو دفاعا عن ارضنا وكرامتنا إلا لو حد معتبر اننا ملناش دعوة باللى بيحصل هناك !!!!انا مش عايز مظاهرات كفيانا كلام انا عايز فكرة او حلم ممكن يتحقق ... انا مثلا نفسى مصر تصرح بأنها مستعدة لتدريب عناصر من فلسطين على يد الصاعقة المصرية لتنفيذ عمليات جوة اسرائيل تخيلوا ده هيبقى رد فعله ايه احنا فاكرين الجيش الاسرائيلى لايقهر بس اديكم شفتوا حسن نصر الله عمل فيهم ايه مقدروش يعملوا معاه حاجة وهو كان لوحده وبعد الحرب الاعلام حاول يشوه صورته ويكرهنا فيه ويقولوا ده شيعى وخطره علينا ذى خطر اسرائيل !!!! انا عايز كل واحد بعد ما يخلص الموضوع يقولى فكرة ممكن تتنفذ يمكن نقدر نغير حاجة من اللى وصلناله
الجمعة، ١٤ مارس ٢٠٠٨
الضمير العربى ..... العجز العربى
الاشتراك في:
تعليقات الرسالة (Atom)
هناك ٤٨ تعليقًا:
أكيد هيجي اليوم ياحدوته مش ندربهم لا احنا الناخد حقنا باايدينا انا وثقه انو اليوم ده جاى ممكن اتأخر بس اكيد جاى
تحياتى
نفسك مصر تعلن ان فرقه من الصاعقه بتدرب الفليسطنين على القيام باعمال فى اسرائيل ؟؟؟؟؟؟؟
ههههههههه
انا ضحكت بجد
طيب
تفتح المعابر لعلاجهم وتعلن انها لن تغلق المعابر
فعلا الموضوع مهم ولازم كنا نتكلم فيه
بس انا عن نفسى شايفة اننا شعب مش قادر يحرر نفسه فمينفعش يحرر غيره يعنى مثلا لما يظهر عندنا ظباط محترمين بيعذبوا الناس بطريقة بشعة جدا ومهينة زى القضية بتاعت عماد الكبير وعلى فكرة ديه قضية سمعنا عنها ضمن مئات متدارية ولا لما ابن حد مهم يعمل حادثة ويموت 4.5فى حد يقدر ينطق ازاى بقى نحاول نساعد فلسطين واحنا محتاجين اللى يساعدنا وغير كده انا مفتكرش اننا عندنا جيش متدرب كويس يقدر يدخل معركة ويصد فيها ومعتقدش كمان ان عندنا رئيس يقدر يغامر ويخلى السلام اللى بنا وبين اسرائيل فى خطر وعلى فكرة كلامى ده كتير هيقول انه ياس واستسلام بس المواطن اللى ميقدرش ياخذ حقه فى بلده ميدورش على حق ناس تانيه وحتى الاغنيه كانت بتفكرنا ان العرب اخوة وفى نفس الوقت ظهرت الاغنية السعودية اللى بتشتم فيهااخواتها المصريين اخوات بقة
وبالنسبة للحل احنا منقدرش غير على المقاطعة
معلش طولت عليكم بس طلعت اللى جوايا
كلامك جميل انك عايزنا نساعد الفلسطينين
والاجمل ان العرب كلهم يتحدوا ويقفوا وقفه راجل واحد قدام الاحتلال اللى احنا بنواجهه
بس فعلا الاهم ان كل شعب يحرر نفسه من الصمت والاستسلام للوضع اللى عابشبين فيه
لما احنا هنا فى مصر وفى ملايين مش عارفين ياكلو عيش حاف
علشان كام مسئول على كام حرامى يعرفو يسرقو وينهبو ويعيشو يومين والشعب يموت من الجوع والمرض سنين
مش اولى بجد اننا نحرر نفسنا علشان نقدر نقف قدام الغرب واللى بيعمله فينا
انا عاوزة اعرف انت مش عاجبك حاجة ولا ايه حتى البكاء بقي كتير علينا حتى لو مفيش فى ايدينا غيره طب بذمتك عاوزنا نعمل ايه شعب مطحون من الجوع والغلاء والتعليم والمواصلات وكل حاجة عاوزة يعمل ايه بعدين هو جيشناهيعمل ايه ولا ايه يحمينا ولا يحمي الأخرين بعدين ما انت نفسك تكون اسرائيلي بتعترض ليه دولقت عليهم ومش عاجبك إلى بيعملوه وبتعترض ليه على مصر انها بتدى لهم الغاز مش هو ده التطبيع يا استاذ حامد ولا ايه مش هو ده إلى عاجبك فيهم انهم بعرفوا ينجحوا ويوصلوا ويكبروا ولو حتى على رقاب الأخرين بعدين اغنيه الضمير العربي إلى انت شايف انه من الأفضل نسميها العجز العربي انت اول واحد مقدرتش تتفرج عليها وتكملها طيب انت دلوقت حطيتناقدام الحيط عزل وبتقول لنا عدوا الناحيه التانيه طب نعمل ايه انا عندى ليك حل حلو شوف انت عاوز تعمل ايه وانا هأكون اول واحده تشارك معاك عاوز تروح تحارب هأروح معاك عاوز تعمل مظاهرة بردك معاك شوف أنت الحل واحنا كلنا هنشارك فيه وانا اول واحده بس ارجوك بلاش تبقي متناقض فى كلامك الضمير العربي موجود بس الانسان العربي هو إلى مش موجود كل واحد مشغول بهمه وكيله المليان ومش عارف يعمل ايه كل اب مطحون علشان اسرته كل اخ مطحون بيفكر علشان يتجوز ويكون اسره كل ام بتتكفي على عيالها من الصبح لحد اخر الليل وبتنام ربنا عالم بيها فكر فكر انت وقول واحنا معاك حرام عليك بقي وكفايه كده احنا تعبنا تعبنااااااااااا
للاسف معنديش اقتراح حالي
غير اننا يبدأيبقى عندنا كرامه فعليه جوه بلدنا
الانسان الحر هو الي يقدر يدافع عن نفسه و عن غيره
الانسان المسلوبه ارداته و الي بقى كل همه يدور على اقل اقل اقل حقوقه في الحياه عمره مايقدر يدافع عن نفسه او عن غيره
حلو منك الروح دي يا حدوته بجد
حدوته
هيا مصر حاسه بينا لما هتحس بغيرنا
دول بيفكروا يبعونا احنا
موضوع الغاز دا انا لسه عارفاه قريب
بس بجد قصر فيا اوي لاء ولمين لاسرئيل
زمان مكنتش بفكر في السياسه خالص دلوقتي حاسه اني بقيت اكرهم اوي واقول هما بيعملوا فينا كدا ليه
بس ياتري مين يسمع كلنا بنتكلم
موضوع مؤثر اوي
بحييك علي اختيار المووضع ده
حاسه بوطنيتك اوي وانت بتتكلم
سلامووووووووووز
وزة
يا سيدى الفاضل انت غريب جدا وايه يعنى لما نصدر الغاز الطبيعى لبلاد الخواجات هو احنا مش عاوزين بلدنا تتقدم اقتصاديا
وبعدين ايه المشكلة فى كدة اى نعم الغاز الطبيعى دخل كل بيت فى مصر ما عدا الحضرة الجديدة طبعا احنا عارفين السبب( علشان هاعدوا الغاز الطبيعى من ترعة المحمودية ازاى )ودى طبعا مشكلة مالهاش حل لانهم لو حاولوا يوصلوها البر التانى من ترعة المحمودية دى محتاجة خبراء ماليزيين وتمويل يابانى وتكنولوجيا لازم نستوردها من تشاد
وبعدين اختلفوا هل الغاز يعدى البر التانى من الترعة عن طريق عربيات محملة غاز تيجى من تحت كوبرى محرم بيه ولا واحد يقف على المعدية ينقل الغاز المعبأ فى جراكن بلاستيك بس هما تقريبا شايفين ان الحل التانى احسن اهو منه يشغلوا اتنين صعايدة
ma2tshren
والله انت جدعة وفيكى الخير
وكتير غيرك شايفين ان كل واحد ياخد باله من ارضه احسن
تحياتى
فرنسا هانم
يا ستى سبينى احلم
هو حتى الحلم مبقناش نقدر عليه
سلالالالالالالام
semsema
انا عارف ان كل الحاجات اللى قولتيها مرتبطة ببعض بس مشكله فلسطين تهون جمبها اى مشكلة تانية لانها الجرح اللى بقاله 60 سنة بينزف اما اى مشاكل داخلية مهما كان حجمها هيجيلها وقت وتنتهى
تحياتى
di el2mr
كلامك مظبوط
والموضوع ده ممكن يبقى دعوة لعدم السلبيه والخروج من المشاكل الداخلية الى المشكلة اللى بتجمع العرب كلهم وهى مشكله فلسطين
تحياتى
رحـــــــــاب
ما تيجى تدينى قلمين احسن
اولا مين اللى قال ان مفيش فى ادينا غير البكاء
ثانيا هو الجيش ده لازمته ايه هنفضل خايفين من الدخول فى اى مشكله فنستحمل الاهانه من اى حد إلا لو اعتبرتى ان فلسطين دى ناس اخرين ذى ما بتقولى
ثالثا انتى عارفة انا كان قصدى ايه فى الموضوع اللى فات وانى مش عاجبنى اللى بيعملوه بس انا مش عايزنا نعلق خيبتنا على وحشيتهم وعلى الضمير العالمى الغايب
رابعا ايوه هما نجحين فى الوصول للى عايزينه وده غصب عنى وعنك
خامسا انا فعلا مقدرتش اكمل فرجه على الاغنية لانى حسيت بالعجز من انى اعمل اى حاجة قدام اللى انا شايفة فانا معيطش ذيك ولا حطيت ايدى على خدى انا كتبت موضوع وبسأل اية اللى ممكن اعمله يمكن الاقى الرد عند حد
وبعدين انتى بترميها عليا ليه انا كنت واضح وبقول شاركونى برأيكم واحلموا معايا يمكن نقدر نحقق حاجة
والنبى مطلعيش غيلك فيا
عشان كلنا فى الهم سوى
rosa
والله الروح دى عندك انتى كمان
والروح دى غايبة عند ناس كتير
تحياتى
انين الحزن
المسألة مش وطنيه ولا حاجة
دة مجرد دم بيغلى عند الواحد
وبعدين الايام دى السياسة بقت بتدخل من اول رغيف العيش لغاية التطبيع فغصب عنك لازم تهتمى بيها
تحياتى
acc_makhd
والله هم يضحك وهم يبكى
انا عارف ان مشكلتك كبيرة وحاسس بيها بس صدقنى هتتحل قريب
انا سمعت ان اسرائيل امرت بتوزيع سخان غاز مجانى لكل سكان الحضرة الجديدة بمناسبة مولد ابو حصيرة اعاده الله علينا وعليهم بالخير واليمن والبركات
سلالالالالالالالالالالالالالالالالالالالالالام
السلام عليكم
الضمير العربى يعنى
العجز العربى
الخيبه بالعربى
الهبل العربى
تماما السيد ابو العربى
تحياتى ابو مفراح
سؤال لو سمحت انت بتتكلم عن الضمير العربى والشعب افلسطينى والعراقى والاطفال والرجاله والاغتصاب ..... صح اومال متكلمتش ليه عن 3 جنود المصرين الى ماتو على الحدود بأيد الفلسطنين والا دول ولاد حيوان ماشى بأربع رجلين متكلمتش ليه انهم هما الى باعو ارضهم متكلمتش ليه عن يوم ما دخلو سيناوهجمو على البدو وضربو حرس الحدود ودخلو خدو اوت واكل البدو لدرجة انهم مكنوش لقين الاكل هه متكلمتش ليه ... اغنية ايه وشعب يوقف معاهم ليه انت عارف بيقولو علينا ايه بلد الشحاتين ... بلا ضمير عربى بلا زفت اكتب عن الغلا اكتب عن الناس الى عيشه فى الشارع وعلى الارصفه اكتب عن الحاكم الى حاكم بلدك والا انت خايف ببتكلم عن الظلم فى فلسطين والعراق اتكلم عن الظلم الى احنا شيفينه .... صلى على النبى يا راجل واهدا وقول هدات
معلش نسيت احط اسمي إيمان
الدليل الشامل للمدونات العربية
سياسة - اقتصاد - دين - ثقافة و المزيد
http://www.blogsguide2.blogspot.com/
قال رسول الله (ص)الجنة تحت ظلال السيوف وما دام رقصت سيوف العرب عند زيارة بوش الاخيرة فسلامات يا قدس وبغداد والرياض و القاهرة و دبي......الخ الخ
سلام عليكم
عايزنا نتغير يبقى تغير كل الادراة المتحكمة فى مصرينا ومصير دول ضعيفة زى فلسطين
احنا كشعوب عايزين نعمل حاجة لكن كفاية السياسات الى قاطمة وسطنا لما كل حاجة تغلى ..هيبقى اول حاجة تهمنا نفكر فيها هيا لقمة العيش وازاى متروحش منا
=========
الموضوع معقد ومش بالسهولة دى
الله يخربيت السياسة الى خلت من العدو صديق
===========
اتمنى انك تكون بخير
ابو مفراح
حصلنا الشرف يا ابو السيد
منورنا
ايمان
انا فاهم انتى تقصدى ايه وفى ناس كتير رأيها ذيك كدة
بس انا شايف ان الطريقة دى مش هتوصلنا لحاجة
اخرتها ايه لما نقعد نقول العرب يستهلوا اكتر من كدة وانهم خونه وبيكره مصر والمصريين وان الفلسطنيين لو كانو سمعوا كلام السادات كانت المشكله اتحلت من زمان
الكلام ده هيوصلنا لفين
هنفضل نكره بعض لامتى الحل اننا نتحد مش نتفرق
كل شعب فيه الكويس والوحش وطول عمر مصر الاخ الكبير للعرب وده بيحملنا مسؤليه يعنى لو اخوك الصغير شفته بيغلط تعاتبه وتفهمه غلطه مش تسيبه وتقول هو يستاهل ولازم يتربى
الرسول (صلى) بيقول انصر اخاك ظالما او مظلوما
ومهما كانت المشاكل اللى عندنا فهى لا تساوى شىء جمب اللى بيحصل هناك
وعلى فكرة انا مبخفش من حاجة واقرى المواضيع اللى فاتت وانتى تعرفى
صلى على النبى كدة واهدى انتى
سلام
الفرعون
الله ينور
انت كده جبت من الاخر
طول ما انت مركب القرون متستناش حاجة من حد
بس انشاء الله اللى جاى يكون احسن
سلالالالالالالالالالالالالالالالالالالالالام
البنت الشلبية
حمد الله على السلامة , انا بخير والحمد لله بس انتى غبتى علينا كتير
انا عارف ان الموضوع معقد ومش هيتحل ولا بمليون بوست ذى ده بس ادينا بنفضفض مع بعض
تحياتى
الله مصلى عليك يانبى وادينى شربت شويه ميه وهديت ...
باس بارده انا عند رأيى
ايمان
الاختلاف فى الرأى لا يفسد للود قضية
منورة المدونة
سلالالالالالالالالالالالالالالالالالالام
على فكرة انا مشفتش الاغنية ولا هشوفها اصل لما بلاقيها بقبل على القناة اللى هى عليها على طول مش علشان انا قلبى روهيف ومش بستحمل ولا عاملة عملية وانا صغيرة وشايلة قلبى وحاطة مكانه حجر
انما علشان الجميع بيقول من غير ما ينفذ
الناس اللى بتغنى وتتباكى فى الاغنية نفسها بعد ما خلصوا الاغنية مش بعيد يكونوا راحوا سهروا مع صحابهم او خرجوا خروجه يرفهوا بيها عن نفسهم
احنا كمواطنين مطحونين عمال نعيط على مناظر بنشوفها بره ومتناسين نفسنا طيب ما احنا هنا حالنا يقطع القلب برضه احنا مش احسن منهم ف حاجه بالعكس هما بيموتوا علشان بلادهم واحنا بنموت من الجوع فى بلادنا
مش مهم مين يحس ومش مهم مين قلبه يتقطع ومش مهم مين يجرى له ايه
المهم احنا عملنا ايه او ايه فكرنا علشان نعمل لنفسنا حاجه الاول
تحياتى يا حدوته
بص انا عيطت على الصور وشكراااااااااا
انما الكلام نوووووووووووووووو
وكفايه بقى لانه بقى ادمان عندى كل ما يتذاع اشوفه علشان اتوجع ونحس على دمنا
قطة الصحراء
مالك ناشفة ومستقويه كدة ليه
يا سيتى ده لو الواحد شاف كلب مجروح وبينذف فى الشارع هيصعب عليه
انا مبقولكيش روحى حاربى معاهم
بس على الاقل مشاركة وجدانية
ولا ايه
سلالالالالالالالالالالام
appy
يعنى انتى مش عايزة تتعدى مرحله العياط
محدش قالك اتكلمى
بس فكرى يمكن التفكير يوصلنا لحاجة
سلالالالالالالالالالالالالالالالالالالام
أنا عندي فكرة ـ خبطة خفيفة علي الدماغ بشرط ماتسببش أرتجاج ـ أصلها فكرة عبقرية ماتجيش من مخ البت فوفو
نستورد تقاوي كرامة وإنسانية نزرعها في دول العالم العربي
ماتعرفش نقدر نستوردها منين أصلها شاحة في العالم اليومين دول
آه قبل ماأنسي
مدونتك راااااائعة مالهاش حل وموضوعاتها كلها تحفة
جزاكى الله خيرا على حسن الطرح
وروح الايجيابية فى عرضك للموضوع
وتأكدى يا أختى أن النصر هو وعد من الله لمن ينصره فعلينا نصرة الله فى أنفسنا وفى أهلنا وفى بلدنا وفى أمتنا وإلا فقد خسرنا كل شئ وكفى بتسجيل التاريخ لمهانتنا وتخاذلنا
اللهم لا تؤخر نصر إخواننا بشؤم معاصينا
تقبلى تحياتى
frist
ana mabsoot awi en fe 7ad etkalem 3ala el mawdoo3 do..
second
m3a e7terame lekol ele sharek fe elmawdoo3...ezay to2olo lama ne7el mashakelna da'7el egpt elawal...howa law ay wa7ed 3ando mshakel fe 7ayato.we shaf en a'7oh 3ando mashakel haysebo lama ye7el mashaklo weba3den yes2al fe...ezay bet2oolo keda .ana 3aref en e7na mish fe edena 7aga bas lazen nekon 3arfen enohon goz2 min mashaklna ..
hossam hamed
المفقوعة مرارتها
اولا منورة المدونة وشكرا على كلامك الجميل ويا رب متكنش مجاملة
ثانيا نستورد ليه والله احنا عندنا كرامه تكفى العالم كله صحيح هى قلت كتير والنظام الحاكم بيحاول يلغيها مننا خالص بس برضه لسه موجوده ومستخبية وبتبان فى المواقف الصعبه احنا دورنا ننشطها عند الناس
تحياتى
عمر المصرى
بغض النظر انى ولد مش بنت انما شكرا على كلامك ورأيك فيا
وانت عند حق فى اللى قولته لان علاقتنا بربنا هتغير حاجات كتيرة
بس احنا نحاول
منورنى ويا ريت متكنش اخر زيارة
سلالالالالالالالالام
حــســــــــــام
ايوة كده انت فين من زمان
انا قلت السفر غيرك بس سيبك انت المهم الاصل
رجولة يا سمسمة
سلالالالالالالالالالالالالالالام
بوست حلو قوى
بس انت عارف وانا بقراه كنت بفكر فى حاجة واحده
هو احنا عاملين كدة ليه
عابف ليه لانهم لقوا مليون حاجة تشغلنا عن سياسه بلدنا
واخرها غلاء الاسعار وازمه العيش
اللى مخليه الناس تلف حولين نفسها
وكل واحد بيقول هو انا لاقى اكل عيش علشان احارب ولا ادخل فى السياسة
يمكن يكون كلام محبط جدا انا عارفه
بس للاسف هى دى الحقيقه
كلامك يا حامد جامد قوىىىىى
لدرجة اني مش عارف ارد اقول اية تاني
بس انا بضم صوتي لصوت الفراشة ان في حاجات تانية بيشغيلونا بيها غير الفساد الشهداء في كل العالم العربي
حسبيا الله ونعم الوكيل
thank's hamed
bas ana batkalem min na7ya tanya..elmawdoo3 min awelo mawdoo3 mabda2..hena fe dubai mafesh mshakel we mafesh 7ad etkalem 3ala el clip ..e7na lazem ne7es min gowana en moshkelet flesteen we ele zayaha nafs moshkelet el batala , drigs, ...! yarab tekon fahamt fekrete...
weba3den mish kol shwaya te2ole elsafar '3ayarak enta khana2tene...thanks
الفراشة الصغيرة
والله انتى عندك حق
موضوع الغلاء والعيش دول عايزين 100 بوست لوحدهم
بس اه الواحد بيفضفض
سلالالالالالالالالالالالالالالالام
الحاج
ماشى يا حجيجة
عموما منورنى كالعاده
بالمرة بقة اليورو وصل كام النهارده
سلالالالالالالالالالالام
حســـــــــــام
عظمه على عظمة يا سمسمة
ايوة كده وريهم
اى خدمه ادينى ببص لقدام
سلالالالالالالالالالالالالالام
الاخ الفاضل
اعجبنى فى موضوعك فتح باب الحلم والامل والفكر
وايه المشكلة لما نحلم ونفكر
اينعم ضحكت زى فرنسا على ان مصر تدرب فرق من فلسطين
بس بعد شوية لقتنى بزعق لنفسى وااقولها
طب وايه المشكلة هل ستعرضين على سنن الله فى الابض
نشوف كدة
وتلك الايام نداولها بين الناس
احنا فى يوم كنا فوق وغيرنا كان تحت
واحنا دلوقتى تحت وهما فوق
وبكرة هنكون فوق
دى سنة الله فى ارضه
امتى الله اعلم لكننا موقنين بده
حاجة كمان تخلينا نحلم براحتنا (بس حلم هدفه التحقيق)
الاية وكان حقا علينا نصر المؤمنين
ربنا وعدنا بالنصر لكن امتى لما نكون فعلاا مؤمنين
حاجة تانية
ان النصر مش هيجى الا بعد اشد لحظات المجاهدة
ام حسبتم ان تدخلوا الجنة ولما ياتكم مثل الذين خلوا من قبلكم مستهم الباساء والضراء وزلزلوا حتى يقول الرسول والذين آمنوا معه متى نصر الله
الرسول(صلوات الله وسلامه عليه)
بيقول لربنا امتى النصر
فيرد الله سبحانه وتعالى(الا ان نصر الله قريب)
اكيد هو جااااااى
لكننا بنستعجل يمكن لو جالنا النصر دلوقتى واحنا فى الحالة دى منكونشى اده ونوصل لانهيار اكتر من اللى احنا فيه
تاخير النصر لحكمة عند الله سبحانه وتعالى
ممكن نبص على المعادلة دى
تكنولوجيا ماليزيا واندونسيا+ بترول الخليج والقوقاز + مزارع السودان وتونس + مناجم افريقيا +يورانيوم كازخستان + نووية باكستتان+صواريخ ايران +قناة السويس وباب المندب +طاقة بشرية تجمعها نفس العقيدة
معادلة مدمرة للعالم عندما يرونها امامهم بيترعبواااااا فيبداوا بالتدمير والتخريب والتفريق والسيطرة والارهاب
طب يعنى احنا اللى هنجمع الدول دى الاجابة بكل سذاجة لا طبعا
بس سهل اوى اننا نعمل اللى هقوله
وهو ده حلمى اللى انت سالت عليه فى الموضوع
نفسى كل بيت تكون الروابط الاسرية فيه تمام
كل عائلة صلة الرحم فيها تمام
كل عمارة او بيت يكونوا بيحبو بعض
كل حى بيحاول ينهض بيه
كل محافظة بتحاول تكون الافضل
كلنا بنحب بعض
بنختلق باحسن الاخلاق
والله لو كدة لنغزوا العالم غزوا
ما دام اجتمع الحب والاخلاق الطيبة
بعيدا عن حب النفس والكره والشر والمحسوبيات كل تلك الاخلاقيات التى تدمر فينا
يطول الكلام عند السؤال عن الاحلام....
على رأى أنا جعان
البربور العربى
ههههههههههههه
:))
..........
كل سنة وانت طيب
shimaa smir
اول حد يفهم بجد انا عايز اقول ايه
احنا وصلنا لدرجة اننا مبقناش نعرف نحلم
حتى الحلم بقة صعب ولو حلمت بحاجة وقولتها يضحكوا عليك
حلمك جميل ويا ريتنا نحلم معاكى
ارجوا التواصل دائما
تحياتى
مروة الزارع
بغض النظر مين الاستاذ انا جعان
بس نورتى المدونة
سلالالالالالالالالالالالالالالالالام
إرسال تعليق