الجمعة، ٢٤ أغسطس ٢٠٠٧

يلا نحلم

فاكرين لما كنا صغيرين , كانت أحلامنا دى ملهاش حدود . كان سهل جدا مثلا انك تطير او تتكلم مع الحيوانات او تطلع على اى كوكب يعجبك او حتى تكون ظابط و دكتور فى نفس الوقت ... عادى بس احلامنا دى بقت بتقل كل ما نكبر و بقت ليها حدود او يمكن مابقتش موجودة اصلا .ليه؟ انا شايف ان احنا بقينا خايفين من الواقع , تفتكرو انه بقى خلاص مالوش لازمة نحلم؟

هناك ١٤ تعليقًا:

اسكندراني اوي يقول...

لو بطلنا نحلم نموووووووووووت
نتخنق
يبقى بننتحر بالبطيئ

الحلم مهم لانه بدونه مافيش امل
وبدون امل النسان يعيش ازاي

طبعا الاحلام بتختلف مع كل مرحله عمريه
بس على اي الاحوال لاااااازم نحلم

غير معرف يقول...

فعلا الحلم ده حاجة بتخلينا نكمل حياتنا بالرغم من كل الصعوبات اللي بتواجهنا . صح فعلا لما كنا صغيرين ماكامنتش احلامنا لها حدود , كنا ممكن نحلم بأي حاجة و كل حاجة , بس لما الواحد كبر بدا واقع الحياة يأثر على أحلامه و يرسملها حدود . ساعات يكون الواقع هو اللي بيسيطر على احلامنا وساعات تحس ان الحلم ده اكبر منك و يمكن متكونش عايزه يتحقق علشان مش حيكون فيه بعده حاجه تحلم بيها. أو يمكن الحلم ده بيكون احلى بكتير وهو حلم مش و هو واقع , علشان تتخيله و تحسن من صورته و تتحكم فيه زي ما انت عايز .

الطائر الحزين يقول...

هو دة مفهوم الحلم الذى اعرفة
ان نطير أن نلمس النجوم
لكن أن يكون الحلم شقة واكل وعيش

لا لى تدوينة اسمها معنى الحلم

مرتبطة بهذا الموضوع

تحياتى

غير معرف يقول...

مينفعش ان احنا منحلمش مش كفايه الواقع المرير إلى احنا عايشين فيه يبقي لا واقع ولا حلم ازاى طب دة الأحلام دى هي إلى مصبرانا على إلى احنا فيه ازى نعيش من نغير مانحلم ببكره ازاى نعيش من غير مانحلم ان احنا وصلنا فوق فى السماء ولمسنا النجوم ازى نعيش من غير ما نحلم بحياتنا بكره هتكون ازى وعاوزين نعمل فيها ايه على راى اسكندراني لو بطلنا نحلو نموت بس لو عاندنا نقدر نفوت

Pink Unicorn يقول...

الحلم فى حد ذاته شئ جميل
افتكر من غيره صعب نقدر نعيش
صحيح بيكون مؤلم جدا ان معظم الأحلام مش بتحقق .. لكن لازم نفتكر ان فيه بعض الأحلام بيتحقق ... ومنها أحلام ما حلمنهاش لكن ربنا انعم علينا بيها
وفى النهاية حنفضل نحلم لأن ده بيدينا سعادة ملهاش حدود

Esmat يقول...

ما ينفعش ما نحلمش
إزاى نعيش من غير احلام الاحلام يعنى احنا لسه عايشين
ويوم ماتتوقف احلامنا
يبقى إحنا انتهينا
والحمد لله
رغم كل الظروف الصعبة
لسه بنحلم
وغصب عنهم
حنفضل
نحلم
نحلم
وتحياتى

غير معرف يقول...

كل واحد فينا لازم يتمسك بحلمه , لان ممكن يكون الحلم هو الحاجة الوحيدة اللى فى ايدينا دلوقتى عشان الواقع اكتر الوقت يبيقي غصب عننا والظروف هي اللي بتحكمنا انما الحلم الحاجه الوحيده اللي في ايدينا وادينا بنحلم يمكن يجي يوم ويتحقق انما نبطل نحلم تبقي حياه مملله ومالهاش لازمه ده الحلم الحاجه الوحيده اللي مصبرانا علي اللي احنا فيه

غير معرف يقول...

قست الايام على قلبى كثيرا لكنى لم اشعر بقسوتها الحقيقه سوا عندما راءيتك تنسكب من بين يدى كالماء وترحل بعيدا عنى وانا اقف خلفك باكيه فى صمت وانا اراك تبتعد بلا راجعه

غير معرف يقول...

زمان كنا بنحلم من غير تقيد علشان مكناش واعين للواقع
لكن دلوقتي اللي بيفكر يحلم مثلا انه يتجوز فتاه احلامه اكيد بيقف في طريق الحلم معوقات كتير زي الشقة بكام و المرتب أد ايه و هنعيش ازاي و لو ربنا رزقنا بالعيال هناكلهم منين و هندخل مدارس ايه .... الخ
كل ديه حاجات الواقع اللي بيفرضها علينا و هيه اللي بتعطل الاحلام الوردية لكن المهم انها مش بتوقفها لاننا لو استسلمنا لكل المعوقات اللي هتقابلنا يبقى نروح نموت احسن
لازم نحلم و برضه نشوف الواقع و نحاول نسخر الواقع لتحقيق الحلم مش نهد الحلم بسبب الواقع

washwasha يقول...

القدرة على الحلم ارادة بتعبر عن امل وقدرة على التواصل مع الحياة
اعتقد الي مش بيعرف يحلم صح مش بيعرف يعيش صح
الحلم ده حرية فكر مش لازم تتقيد ابدا لان تقييدها هو تقييد للطاقة والارادة الي موجودة جوانا

تحياتي

Unknown يقول...

والله صحيح لو بطلنا نحلم نموت
بس احنا لسه بنحلم ودى اشارة نور جوانا انا هقولك سر صغير يا حدوته
انا بحلم ان فى يوم الاقى مفيش ولا انسان فى المستشفى ادخل يقولولى الناس كلها بخير
بحلم ان كلمه اه ميكونش ليها مكان وتبقى مجرد ذكرى نسمع عنها
بحلم انى اكتشف علاج يخفف الآم الناس
بحلم ترجعلنا مصر بهدوئها وبطيبة قلب شعبها وحنية ورقة شوارعها
بحلم بشباب جدع رجاله فعلا بيخافوا على بنت بلدهم وبيخافوا على اى كلمه تتقال فى حقها
بحلم وبحلم وبحلم
وان شاء الله احلامنا تكمل
سلامى ليكى ومدونتك رائعه جدا جدا جدا من اجمل المدونات اللى بدخلها
ربنا يوفقك
لماضة

known يقول...

i draem all the time ,this dreama what make me still live until now,so dreams very important to me.until now

عروس البحر يقول...

احنا لو حلمنا حنكون لدينا صفة الطموح
لو ماحلمناش يبقي احنا خايفين من الواقع
تحياتي

غير معرف يقول...

انتى بتقولى وحنا صغيرين كنا بنحلم ودلوقتى لا ... لا طبعا باس الحلم بيتغير بمعنى واحنا صغيرين كنا بنحلم اننا نطير نلمس النجوم اما دلوقتى احلمنا كبرت واتغيرت يعنى بنحلم اننا نشتغل فى شغله كويسه نعيش عيشه كويشه وخودى بالك كل دى احلالالالالام ولو كونا لامسنا النجوم او طرنا واحنا صغيرين وحققنا حلمنا يباء هنحقق حلمنا واحنا كبار وادينا بنحلم يأم كده يأم نموت ....نموت