السبت، 30 يونيو، 2007

على ما تــــُــفرج

انا هدخل فى الموضوع على طول لانه زاد عن حده و بدأ يبقى شئ اساسى فى حياة الشباب , انا هكلمكو عن القهاوى , فيه ناس هتقول ان الراجل ده هيسمعنا الكلام اياه( ولابد ان نستغل الوقت فيما يفيد و استصلاح الصحراء و بناء مستقبل افضل ) و الكلام الممل ده , انا واحد من الناس بيموت فى قعدة القهوة و كييف طاولة , بس الغريب بقى ان القهوة ما بقتش لمة صحاب و طاولة و واحد شاى و خلاص , الشباب بدأت تطور قعدة القهوة عشان تبقى مسلية اكتر , بقو دلوقتى بيتابعو كل الماتشات اللى فى العالم مش فى مصر بس , و بقت القهوة مكان مالوش حل للعب ستيميشن , ده انتو ممكن تلاقو 3 شباب زى الورد قاعدين بيدورو على رابع عشان يبدأو اللعب , و بدأو كمان فى القهاوى النضيفة يعملو باند شرقى و غربى و بدل الكراسى كنب سفنج عشان الواحد يقعد هو و "اللى معاه" على راحتهم و طبعا ممكن تفرد الكنبة و تاخد راحتك اكتر "على ما تفرج" , على فكرة كلامى ده مش هزار ده جد اوى , يظهر كدة ان الشباب هيفضلو على القهاوى و ع الكنب ابو سفنج كتير "على ما تفرج" ده معنى كلمة على ما تفرج بالنسبة لمجموعة من الشباب يا ريت تقولولى معناها ايه بالنسبالكو

الجمعة، 22 يونيو، 2007

و بعدين

الحال هو هو , مافيش جديد مين فينا سأل نفسه السؤال ده؟ حاولت! حاول و اسأل نفسك و اخرج من مكانك و بص للبلد من برة. سؤال بسأله لنفسى على طول و له عدد لا نهائى من الاجابات عشان كل واحد مننا بيرسم سكة لنفسه و حلم نِفسه يحققه, بس نقدر نقول ان كلنا مشكلتنا واحدة يعنى اجابة السؤال واحدة !!!!!!!! مستنيين تعليقاتكو

الاثنين، 11 يونيو، 2007

عالم خنيقة

فيه ناس بتفرح اوى لما تلاقى انك فاهمهم بس فيه ناس تانية بتتخنق من ده و بيبعدو عنك , ايه رأيكو فى الموضوع ده مستنيين تعليقاتكو