انا هدخل فى الموضوع على طول لانه زاد عن حده و بدأ يبقى شئ اساسى فى حياة الشباب , انا هكلمكو عن القهاوى , فيه ناس هتقول ان الراجل ده هيسمعنا الكلام اياه( ولابد ان نستغل الوقت فيما يفيد و استصلاح الصحراء و بناء مستقبل افضل ) و الكلام الممل ده , انا واحد من الناس بيموت فى قعدة القهوة و كييف طاولة , بس الغريب بقى ان القهوة ما بقتش لمة صحاب و طاولة و واحد شاى و خلاص , الشباب بدأت تطور قعدة القهوة عشان تبقى مسلية اكتر , بقو دلوقتى بيتابعو كل الماتشات اللى فى العالم مش فى مصر بس , و بقت القهوة مكان مالوش حل للعب ستيميشن , ده انتو ممكن تلاقو 3 شباب زى الورد قاعدين بيدورو على رابع عشان يبدأو اللعب , و بدأو كمان فى القهاوى النضيفة يعملو باند شرقى و غربى و بدل الكراسى كنب سفنج عشان الواحد يقعد هو و "اللى معاه" على راحتهم و طبعا ممكن تفرد الكنبة و تاخد راحتك اكتر "على ما تفرج" , على فكرة كلامى ده مش هزار ده جد اوى , يظهر كدة ان الشباب هيفضلو على القهاوى و ع الكنب ابو سفنج كتير "على ما تفرج"
ده معنى كلمة على ما تفرج بالنسبة لمجموعة من الشباب يا ريت تقولولى معناها ايه بالنسبالكو
السبت، ٣٠ يونيو ٢٠٠٧
على ما تــــُــفرج
الاشتراك في:
تعليقات الرسالة (Atom)
هناك ٢٣ تعليقًا:
على ما تفرج بالنسبالى هى الشغلانة اللى انا شغالها دلوقتى لحد ما تيجى حاجة احسن
اكيد حتنجح ان شاء الله ربنا يوفقك ياقمر
انا في رايي ان الشباب الا بيفكروا وقعدين علي القهوة صبح وليل ناس فضيه ومفيش في دمغهم حاجه للانهم لو حولوا يفكروا شويه في شغل او مذكره او مشروع في هيبقي عندهم وقت اصلا يشربوا واحد الشاي
القهوة شكل من اشكال عجز الشباب بتعنا لان المشكلة ان احنا اتربينا غلط متعودناش نفكر ونعتمد على دماغنا عمالين بس نشتم فى البلد والحكومة ونقول مفيش شغل والبلد حالها واقف وقاعدين على القهوة على ما تفرج مع انها مش هتفرج الا لما نفكر ونحاول مرة والتانية ونتاكد ان ربنا مش هيفرجها الا لما نشتغل بجد معلش انا رغيت كتير عموما ادينا بنفضفض مع بعض على ما تفرج
ياجماعه ده ربنا قال اسعي ياعبد وانا اسعي معاك
احنا شايفيين ان الشباب اللي بيفكروا في الكنبه الاسفنج اللي بتتحول لسرير دول اصلا مايعرفوش يتحملوا اي مسؤليه لان ماعندهمش اولويات اهم حاجه عندهم الكنبه الاسفنج مع اللي معاهم وانه الواحد منهم ياخد راحته مع الانثركوته وبس واخر حاجه بيفكر فيها هي الوظيفه ويرجع يقولك علي ماتفرج تفرج علي ايه ياابني وانت قاعد مريح علي الكنبه الاسفنج وواخد راحتك علي الاخر
انا رايي اننا نعزرهم يعني الواحد بعد مااتعلم وانصرف عليه وبيتخرج بتقدير او اخد سنين دراسته مباشره وفي الاخر فعلا مافيش شغل بيضطر انه يقعد علي القهووبصراحه احسن الواحد منكم بيخلص ولو قعد في البيت يقعد ينكد علينا واخر مايزهق ياما يصيع اوي يااما يستشيخ اوي يعني لازم نعزرهم علي الاقل بيفكوا عن نفسهم شويه يعني هما هايلقوها منكم ولا من الاهل ولا الحكومه ولاالبلد
السلام عليكم ورحمة الله وبركاته
حلو يا جماعه الفكره بتاعت الموقع اوكى بس المهم انك تهدف بحاجه للشاب يحاول حتى يقرا الكلام يعنى تتكلم فى حاجه هدفه شويه الاخ اللى كاتب موضوع على اما تفرج دا اسم الموضوع صح كتب فى الموضوع عن الجلوس على المقهى والله هو دا اللى شاغلك فى الدنيا طب متبص لحاجه اهم غير القهوه ياريت ياشيخ يقعد على القهوه وبس دا الناس كلها قاعده تتكلم عن الخدرات ال كل الشباب بتشربها وداخل الجامعات تتكلم عن ان كل واحد من الشباب اللى ساحب واحده وعملها صحبته اتكلم فى مشكله انتا اتكلمت فى اقل مشكله احنا فيها وهيا الجلوس على القهوه اتكلم عن مشكله مغريه مش كله جااامده سورى انا مش بحاربك
بس فى اولويات عن اللى انتو كتبينه حاولو تنظمو موقعكم وتختارو مواضيعه عشان ينجح وان شاء الله هينجح
عمر
انا رأى مع وسنيورتا فى أن ربنا قال فعلاً قال أسعي يا عبدوأنا أسعي معاك ومع حامد في إن اهلينا معودناش على تحمل المسئولية واتعودنا على اهل البلد ساخطين على كل شئ على الدولة وإلي فيها طب ليه أحنا كمان منبقاش زيهم ونعلق مشاكلنا على الدولة وإلى فيها وكأن الدوله دى هتعمل لنا كل حاجة وأحنا قاعدين على ما تفرج ياسلام على منطق الشباب دلوقت قدينا قاعدين بناخد المصروف ونتفسح ونقعد على القهوه من الصحاب وكأن ده هو كل شي فى حياتهم طب ليه ما تطلع تدور على أى شغل أى كان مش لازم بشهادتك هتقولي امال أنا كنت بتعلم ليه معلش اعمل أى حاجه لحد ما تلاقي الشغل إلى يناسب مؤهلك أنا والله اعرف ناش شربوا المر لحد مالقوا شغل بمؤهلاتهم بس علبال مالقوه اشتغلو حاجات تانيه وأهم دلوقت ربنا كرمهم وأصبح لهم ببيوت واتجوز وربنا يارب يكرم كل شاب يسعي طلباً للزق
(وقل اعملوا فسيرى الله عملكم ورسولةوالمؤمنين )
والسلام عليكم ورحمه الله
تعليق الجماعة
3beautiful cats
انتو ليه حملت الشاب ثمن قعاده على القهوة أو زى مبتقولو ألكنبه الإسفنج هو دا بمزاجه انتو شيفين كده لا لو البلد بتاعتنا موفر ليه الشغل مكنش قعد على ألكنبه الإسفنج لو نوين تحاكموه على القاعدة من العدل أنكم تحاكمو الأول البلد هو فى شغل عشان يشتغل والنبي بصوا صح على السبب في عطلة الشباب أما يبقى خريج اى مجال وتبص تلقيه شغال في مجال تانى خالص يبقى دا زنبه ولا زنب مين كم من خريجين الصيدله والله عرفهم وشغالين على عربيات ايس كريم عرفين ليه عشان ممعوش حق تمويل صيدليه يبقى دا زنبه خريجين التجاره 90% منهم شغالين جرسونات وسيرفيس يبقى دا زنبه لو كل شاب اشتغل فى مجاله شوفوا كان يبقى الحال ازاى مش هتلاقى حد قاعد على القهوة وكل الحياة هتبقى مظبوطه بصو على البلاد العربية اللي جنبنا السعودية وغيرها يا جماعه اسكتوا أنت بتظلموا المظلوم وسيبين الظالم عمر
السلام عليكم انا شايفة ان الواحد لو حط ايده على خده وسكت وقال على ما تفرج يبقى عمرها ما هتفرج لان الواحد لو فكر كده يبقى مايستاهلش المخ اللى ربنا اداهوله يفكر بيه ولا الصحة اللى ربنا انعم علينا بيها.بس بجد كدة كتير يعنى الواحد يبقى معاه مؤهل عالى ماستفدش منه باى حاجة ويتبهدل فى التدوير على اى شغل يقبض منه ملاليم ويطلبوا منه ياخد كورسات بالهبل يدفع فيها كل اللى حيلته واللى حيلة اهله وفى الاخر برضه بيلاقى نفسه عاطل وفاضى وزهقان واصحابه اللى يمكن يكونوا حاربوا اكتر منه قاعدين مستنيينه على القهوة.ميروحلهمش؟على فكرة يا جماعة الموضوع مش تافه ولا حاجة بالعكس ده من اهم الموضوعات اللى لازم نلاقيلها حل.وان شاء الله هنلاقيلها الحل قريب.بس على ما تفرج لازم نلاقى حاجة مفيدة نضيع فيها وقتنا ولازم نتعب نفسنا شوية عشان لما هنوصل للحاجة بعد كدة هنحس بقيمتها
ياعمر انت شايف ان ده اقل موضوع ممكن نتكلم فيه لا طبعا كل حاجه مرتبطه ببعضها انت شايف ان المخدرات اهم من كده طب مااكتر الشباب اللي بيخلصوا ومابيقلوش وظيفه بيضطر انه يقعد علي القهوه ولو مابيشربش حتي سجاير ساعتهابيشرب سجاير ومخدرات يبقي المخدرات نتيجه لجلوسه علي القهوه احنا بقي بنحاول نحل المشكله من اولها مش من اخرها يمكن تفرج
انتى بطريقتك دى مش هتحلى مشاكل انتى سنيوريتابتعقديها قهوة ايه اللى بنتكلم عنها لو مشكلة قهوه يبقى مفيش مشكله اتكلمى عن النت الشباب قعدين فيه اكتر من القهوه اتكلمى عن البلايستشن اتكلمى عن كله القهوه مش المشكله ولا القعده عليها فيها مشكله ممكن يقعد بس يبقى لى طموووح المشكله فينا علرفه ليه عشان احنا عقد
انشاء الله باذن الله هتنجح
انا ارى ان القهوة المصدر الرئيسى للضياع بالنسبة للشباب فعندما يتخرج الشاب من الكلية ولايجد وظيفة يجد ان الصدر الحنون والملجىء الوحيد له هو القهوة التى تعد مصدر للفساد فعندما يجد القاعدة طاولت على القهوة ومفيش امل يتجه لوسيلة اخرى قد تكون المخدرات اواى شىء من وجهة نظره يجعله ينسى ولكن فى الواقع هو يضيع
ياريت ياعمر توضح لينا رايك اكتر من كده عشان انت الوحيد اللي معارضني في راي ان القهوه هي اول المشكله والمشكله لازم نحلها من اولها مش من اخرها واعتقد ان semsemaموافقه معايا في الراي وعلي فكره انا مش بعقدها بالعكش انت اللي معقدها اوي كل حاجه في حياتنا ليها مميزات وعيوب زي مالقهوه ليها عيوب ليها مميزات بس للاسف عيوبا اكتر نفس الشئ النت وان شاء الموقع هاينجح وعلي فكره هو ناجح بالفعل بس احنا بندعي باكتر من كده ان شاء الله واوعي ياعمرو تيأس
ياريت ياعمر توضح لينا رايك اكتر من كده عشان انت الوحيد اللي معارضني في الراي ان القهوه هي اول المشكله والمشكله لازم نحلها من اولها مش من اخرها واعتقد ان سمسمه موافقه معايا في الراي وعلي فكره انا مش بعقدها بالعكش انت اللي معقدها اوي كل حاجه في حياتنا ليها مميزات وعيوب زي مالقهوه ليها عيوب ليها مميزات بس للاسف عيوبا اكتر نفس الشئ النت وان شاء الموقع هاينجح وعلي فكره هو ناجح بالفعل بس احنا بندعي باكتر من كده ان شاء الله واوعي ياعمرو تيأس
على ما تفرج بالنسبالى يعنى على مالاقى البنت المناسبة ليا ودى صعبة اوى،وعلى مالاقى الشغلانة اللى تبقى معقولة مش لازم اللى بحلم بيها ودى اصعب،وعلى مالاقى الصحاب اللى تشجعنى على الصلاه واننا نعمل حاجة مفيدةودى مستحيلة،من الاخر على ما تفرج بالنسبالى يعنى على مالاقى نفسى
ياحسام انت ليك حق تقول صعب انك تلاقي وظيفه بس مش صعب انك تلاقي بنت تناسبك مش صعب انك تلاقي اصحاب يشجعوك علي الصلاه ماهو انت ماتبقاش ليل ونهار علي القهوه وليل ونهار مع اصحاب بيشربوا وبيهيسوا وتقولي علي ماتفرج وعلي بال ماتلاقي نفسك انت كده عمرك ماهتلاقي نفسك حاول تقرب لناس كويسه مش تروح تصاحب الناس الفاسدين وتقول مش لاقي زي مافي ناس فاسده في ناس مفيده وكويسين ياحسام خليك متفائل اكتر من كده وااتقرب لربنا عشان يكرمك بالزوجه الصالحه والرزق الحلال والصحبه الصالحه وان شاء الله ربنا هايكرمك وخلي الوالده تزود الدعي شويه وخليها تدعلنا احنا كمان
علـــى مــا تــفرج يعنى على محال البلد يتعدل يعنى لما الطمع والجشع يقل. على ماالدنيا تدى المحتاج زى مااغلب الأوقات بتدى ألى مش محتاج على ما الوسايط(الكوسة) تنتهى فى الوقت دة حتفرج ودة بالنسبة للناس ألى بتسعى واغلبهم مش لاقى ربنــا معاهـــم
يا جماااعه المشكله والله مافى القهوه المشكله فى الانسان والمجتمع الشباب مبقوش يعدو على القهوه زى الاول عارفه ليه يا سنيوريتا عشان بقى فى اكثر من مجال للترفيه زى النت وغيره انا اهوه بقعد مثلا على القهوه بعمل ايه بنتعد شويه وبعد كده نكمل الباقى نت فى البيت يبقى فى مشكله حتى ان القهوه مبتسرقش الوقت زى النت ولا ايه القهوه مبقتش للشباب القهوه خلاص بقت للناس الكبيره النت هو مجال الشباب دوقت صدقونى انا مش بهاجم الموقع الموقع دا اجمل موقع شبابى دخلته وموضعاته كويسه وانت يا عمرو اجمل مخ فينا انتا اللى صممة الموقع فى رساله صغيره ل سنيوريتا ملكيش دعوه بتعليقاتى
انا مع سنيوريتا في اننا لازم نمسك بداية المشكلة مش من اخرها يعنى لازم الشباب يكافح ويعمل ايلى عليه ومايقولش طب ماهو فلان اتخرج وبشهاده اعلى منى وبرضه قاعد من غير شغل لان الانسان ايلى بيبص لغيره عمره ما بيتقدم بالعكس يااما بيفضل واقف مكانه او بيرجع لورا ويحقد على الناس ايلى كافحت واتقدمت ومااستسلمتش لكلمة على ماتفرج الناس ايلى ماعندهاش طموح وماعندهاش اى تحمل للمسؤلية ومش عايزين يتعبوافى اى حاجة فى الدنيا هما ايلى بيستسلموا لقعدة القهوة وصحاب السوء وبعد كده لو لقوا القعده طولت اوى بيحاولوا يوصلوا للفلوس وللغنى بالطرق السريعة والغير مشروعة زى تجارة المخدرات والسرقة والنصب والاحتيال لان لو فى شغل وكل واحد بيحاول يستغل وقته صح مش حتزيد حوادث السرقة والقتل ولو كل واحد قبل كل ده قرب من ربنا اكتر ربنا مش هيخزله ومش هيوقعه فى حاجه وحشة وهيقل الحقد والكره وكل واحد هيفكر الف مرة قبل مايعمل اى حاجة ممكن تغضب ربنا وبرضة فى حاجة كمان النت والقنوات الفضائية حتى ولو فى شغل الشباب حيهرب من الشغل ومن اى حاجة ممكن تعطله عن ايلى بيشوفه وهو ده ايلى بيخططلوا الغرب انهم بيحاولوا يشغلونا عن اعمالنا وعن عبادتنا واحنا للأسف بنستجيب لكل حاجة هما بيعملوها حتى لبسهم وهمابيعرفوا ازاى يشدونا ويبعدونا عن ديننا وهما بكده بقوا اقوى من العرب والمسلمين
برضة نسيت اكتب اسمى meroooooooooo
إرسال تعليق