الثلاثاء، ٣ يوليو ٢٠٠٧

طاطى

معظمنا كان بيلعب وهو صغير لعبة اسمها اولها جاني , واللى مش عارف اللعبه هي فكرتها ان واحد بيقف وقفة الركوع والباقي بينطو من فوقيه وتستمر اللعبه , ولكن من غير ما ندخل في تفاصيل اللعبه كان فيه كلمة بيقولها اللى بينط من فوق صحبه وهي البصله بتاكل مش , يعنى اذا رفعت راسك واللى فوقك بينط من حقه انه يضربك علي قفاك……ولكن هل ده في اللعبة بس ولا في الحياة بشكل عام , يعنى تفتكرو انه لازم دايما اللى فوق يدوس ع اللى تحت ؟

هناك ٢٠ تعليقًا:

غير معرف يقول...

لو بصيت حوليك هتلاقى كل واحد بيحاول يسيطر ويضغط على الشخص اللى تحت منة فتلاقى الحكومة بتقرف المديرين والمديرين بيقرفوا الموظفين والموظفين بيقرفوا الراجل اللى لية مصلحة عندهم فتلاقى الراجل مش لاقى حد يطلع غلة فية غير مراتة يروح مديها علقة محترمة مهو ميقدرش غير عليها تروح مراتة فشة غلها فى العيال .... دايرة من السيطرةعلى اللى تحتك والنفاق على اللى فوقك عشان تعرف تعيش ... وياريتك بتعيش

غير معرف يقول...

أول مرة أسمع عن اللعبة العجيبة دي- ما علينا-
و الله انا شايفة حاجة , لو أنت استغليت سلطتك و ضغطت على اللي تحتك , ما تبقاش تزعل بقى لمل تبوس ايد اللي فوقيك اللي فارض سيطرته عليك علشان انت في الحالة دي تبقى قبلت الفكرة.
أما لو رافض ده, انت مش مضطر ولا تبوس ايده ولا تنافقهعلشان انت في الحالة دي حيكون عندك مبدأ.
أكيد حتسألني: طيب أعيش ازاي ؟
أقولك
اوعى تنافق حد بس خلي عندك حاجة اسمها ذكاء اجتماعي
اعرف ازاي تتعامل مع الناس بشكل يخليهم يفهموا مبدئك و في نفس الوقت يحترموك و يحبوك.
هي معادلة صعبة بس لو قدرت تحققها حتعرف تعيش و تكون راضي عن نفسك كمان.

غير معرف يقول...

لعبه غريبه وجديده علي بس انا شايفه انها لعبه بس ليها علاقه بالحياه الواقعيه عشان احنا بنعلم اطفالنا علي لعب متخلفه علي انهم يطاطوا لاصحبهم وبكده هايتعودوا لما يكبروا وده عيب الكبار عايزين يفضلوا زي ماهما مكانهم فعودوا شبابنا علي كده من صغرهم ولو كل واحدفينا طموح عمره ماهيطاطي بالعكس هاتبقي منافسه بس بشرط مش يروح من وراه التاني ويطاطي يبقي كده ماعملناش حاجه وده اسمه نفاق ياريت نبطله يمكن حياتنا تتحسن عن كده وده طبعا اللي مخلي الكبار مكانهم ومابيتغيروش

غير معرف يقول...

ياريت ياعمرو عايزينك تخصص جزء لعلم النفس عشان بجد ضروري جدا عشان في مننا كتير محتاجيين يعرفوا عن شخصيتهم وشخصيه الناس اللي بيحبوهم وان شاء الله هانساعدك مش هاتكون لوحدك

حـــــدوتـــــة يقول...

عشان خاطر القطط التلاتة احنا بنحضر موضوع عن مشكلة نفسية ممكن تكون بتواجه كتير منا , و انشاء الله هتنزل اول الاسبوع الجاى

غير معرف يقول...

هي الحياة كلها في بلدنا كده وده واقع والا مش عجبه يشرب من البحر وسلملي علي اي منظمة او حقوق الانسان ولو حد معارض كلامي اسئلوا اي حد بيشتغل وملهوش ضهر

غير معرف يقول...

اولا ميرسى كتيييييير على التوبيك الجامداوى اوى ده ثانيا مش هو ده بس اللى بيحصل بيحصل اكتر منه بكتيييير وعلى فكره الموقع جامد اوى اوى شده حيلكوا عشان يكبر كده يالا سلام

غير معرف يقول...

ely 3agbo el kohl utkahl waaa ely mosh 3agbo uarhal.... 3auz agol haga (aw3a titaty l7d fe el dinya 3lshan dh u3tabir shirk )

غير معرف يقول...

ياعم كبر احنا علي طوووووووووووووووول بالنضرب بالقفه في كل حته ياعني طبيعي مش غريبه

غير معرف يقول...

يا سنيوريتا في اي مجال لو راس المنظمة حرامي هتكون المنظمة كلها حرميه ولو نصاب هتكون المنظمه كلها نصبين ولو شيخ ومربي دقنه هتلاقيها كلها شيوخ وممكن يكونوا مبيركعهاش ومدام بيطاطي يبقي لازم كلنا نطاطي

Ho$$ يقول...

المشكلة مش اللعبة ولا وجة الشبة الكبير بينها وبين الحياة العامة المشكلةالكبيرة ان ألى بيطاطىللأنسن بيظهر دعفة للأنسان دة وهو ألى بيخلية يزداد جبروت ودى بداية الشرك باللة ياجماعة كلنا عبادة وضعفاء اوقى بين يدية اتزللو للة وربنا مش هيزلوكو لعبد من عبادة ابدآآآآآآآآآآآ

غير معرف يقول...

طب بذمتكم فى أيه فى البلد مش ماشي على الحال ده ده كل حاجة دلوقت بقت كده لازم أراضي ده وأحايل ده وأدلع ده وأطاطي لده علشان أخلص مصلحتي احنا فى بلد الكبير بيها بيدوس على الصغير يفعسه علشان يكبر هوه والصغير يعيني مش قادر يعمل حاجة غير أنه يقول حاضر يعني بمعني أصح أطبط وأدلع على رأى الأخت نانسي .........

غير معرف يقول...

الظاهر ان اغلبنا متفق على ان اللى تحت دايما بيطاطى للى فوق وعلى فكرة دة بيحصل للبلد كلها فمصر بطاطى لامريكا عشان هى الاقوى وامريكا بتبيع وتشترى فينا ذى ماهى عايزة وعلى فكرة فى ناس شايفة ان دة صح ودية سياسة حكيمة تحد من خراب البلاد على اساس انها مش خربانة بس كتر المطاطية بينسى الانسان حاجات كتير ذى الكرامة

Ho$$ يقول...

يا استاذ حامد دى سياسة بلد بكاملها حاكم ومحكوم لما الشعب كلة يبقى عندة كرامة هياكل منين وبعدين احنا عملنا فى نفسنا كدة والدليل ان احنا راضين عليى بيحصل لنا من امريكا وغيرة عيزك تبص لمصر و تبص للصين وقارن فى الوقت الحالى وتوقع اى بلد من دول هتكون افضل بكرة وبعدين لما البلد تتغير من جوة تبقى تتغير من برة ويبقى ليها كرامة بين الدول

غير معرف يقول...

حلوه مش هتكون لوحدك دى

غير معرف يقول...

ياعمر ايه بقي التعليق البايخ ده علي مااعتقد ده تعليق انسان معقد وانت كل تعليقات في كل المواضيع صدقني اقل من مواضعتنا بكتير مش عيب اننا نساعده في نشر موضوع او اي حاجه مش احسن مانكون متفرقيين ومابنساعديش بعض في اي حاجه وياريت تبطل حقد علي الموقع وياريت لما تحب تعلق علي حد تراعي اللي قدامك شويه الموقع ان شاء الله هاينجح وياعمرو ماتيأس من تعليقات بايخه وياريت ياعمر تقولنا ايه اللي معقدك كده من كل حاجه اكيد ليها سبب نفسي وياريت تقولنا واحنا برضو هانساعدك

غير معرف يقول...

وانتى يا سنيوريتا الدكتور النفسى هنا حتى ولو انتى مش هتعالج على ايدك عارفه ليه عشان انتى اكبر هوائيه فى تعليقاتك وعلى فكره مفيش ابوخ منك كل واحد حر فى تعليقاته وخلى عندك دم ومتتدخليش فى مواضيعى سورى يا عمرو معلش هيا اللى اضطرتنى لكدا وياريت تفتح ايميلك

غير معرف يقول...

وفى ناس كتير اوى بتطاطى وبتهين نفسها وبيسمحوا لغيرهم انه يهينهم ويدوس عليهم ويوافقوا بالسيطرة والاستبداد على امل ان هما ممكن فى يوم من الايام يعلوا ويوصلوا ويخدوا مكان الناس ايلى اعلى منهم بس على ما يوصلوا هيكونوا اتنازلوا كتير اوى وخدوا على قفاهم كتير اوى واتهانوا وخسروا كرامتهم واحترامهم ادام نفسهم قبل ما يكونوا خسروهم ادام الناس ده لو وصلوا اساسا انا عيزة اقوللك يا سنيوريتا ان تعليقاتك بتعجبنى جدا جدا انتى وbesbessa

غير معرف يقول...

على فكرة انا نسيت اقول انا مين انا merooooooooo

غير معرف يقول...

الموضوع دا جامد اوى بس انا اعرف ان اللى بيطاطى مره هايطاطى طول عمره وليه اصلا الواحد يطاطى عشان الفلوس موت فقير احسن ماتموت وانت عيالك بيتكسفوا من اسمك ولا عشان الخوف . الخوف احنا اللى بنعملو واللى يخاف مره هايعيش جبان طول عمره . عشان كده انا عمرى ما هاطاطى لحد لو حتى هايكلفنى حياتى