عايزكو تركزوا قوى قوى قوى فى الموضوع ده ....
خلينا نتخيل مع بعض ....افرض مثلا .... مثلا يعنى .... انك مهما عملت من ذنوب مش هتتحسب بس ليوم واحد... خلى بالك ... ليوم واحد بس ,
عايزك بقى تقولى هتعمل ايه؟؟؟
و خلينا نسأل نفسنا : هو احنا مش بنعمل الغلط عشان خايفين ولا عشان مقتنعين ولا ايه بالظبط؟
الجمعة، ١٣ يوليو ٢٠٠٧
اليوم المفـتــوح
الاشتراك في:
تعليقات الرسالة (Atom)
هناك ١٠ تعليقات:
لو النهاره مسموحلي اعمل أي حاجة حشغل مخي الاول قبل ما أتصرف و حسال نفسي أنا عايزة أعمل كدة ليه و حتى لو عملت كده ده حياثر عليه في الأيام اللي بعد كده ولا لا.
الانسان متكون من قوة جسدية و قوة عقلية و ضمير , و الضمير ده هو اللي بيخليك تحاسب نفسك حتى لو كنت مش حتتحاسب ليوم واحد .
انا شايف انه اساسا الدين بتاعنا لما قال على حاجه غلط فهى غلط علشان فيها ضرر علينا ف لو احنا مش حنتحاسب ليوم اكيد حنشوف ديه فيها ضرر ولا لأ علينا وساعتها نقدر نقرر بس على فكره "الممنوع مرغوب" يعنى كل حاجه غلط احنا بنعملها بس علشان بنكون ممنوعه علينا لكن لما تكون مباح اننا نعملها مش حنعملها.
انا شايفة ان لو ده حصلى او حصل لاى حد فى حاجات ممكن تكون مفروضة علينا ومنعملهاش وميبقاش غلط زى الصلاه او الصوم او العبادات عموما فده مش هيضرنى ولاهيضر حد ده طبعا على افتراض ان مفيش حساب لكن الاخلاقيات او الاشياء المتعلقة بالاخلاق فهنا الغلط لان ده هيعود علينا بضرر وهنا الضمير سوف يكون القاضى الذى سينفرد بالحكم وانا ارى ان لولا الجزاء والعقاب لاصبحنا فى مجتمع للناس فيه انياب حادة فبوجود الحساب يوجد ناس بيعملوا بلاوى تخيلوا لو كمان مفيش وانا اسفة طولت عليكم بس عايزة اقول ان الموضوع ده جامد اوى
تخيلوا كده يوم واحد من غير حساب أو عقاب يسلام ده هيبقي يوم مسخره كل واحد نفسه يعمل حاجة ومش قادر يعملها علشان خايف يتعاقب أو يتحاسب لو مش من الناس يبقي من ربنا طبعاً هيبدا يفكر ايه الحاجة الغلط إلى نفسي أعملها ومش قادر ويقعد يفكر ويفكر ويفكر وصدقوني هيخلص اليوم ومش هيعمل حاجة عارفين ليه علشان الغلط له أشكال وأنواع كثيرة وخطيرة وانا اعتقد ان اتعود يعمل الصح لو حتى وسط ناس كلهم غلط مش هيعمله يعني مش هيسني اليوم المفتوح إلى يعمل فيه الغلط ولان من شاب على شئ شاب عليه ولا ايه
اكيداليوم دة هيبقى يوم اخر يوم فى الحياة لأن انا مصدقش ان ممكن يكون فى حياة بعد
اليوم دة بسبب الفوضى ولو فى%60
من الناس حيكونو عقلاين فا ال%40
حيخربو الدنيا واكيد هيضرو الباقى وتخيلو معايا عيزين كام يوم عشان نعوض خراب اليوم دة الحكاية كلة مش الحساب الحكاية ان الانسان هيضر نفسة قبل غيرة مستقبلآ يعنى عشان اعمل كل العيزة فى يوم واحد اعيش حياتى بعد كدة فى معاناة== يبقى الموضوع كلة مبدء ونسبة صغيرة منة هى الحساب من فعل خيرآ فالنفسة ومن اساء فعليها ربنا مش هينهينى عن حاجة فيها منفعة لينا
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!
:D ha3ml 7asanaat kteeeeeeeeeeeerrrrr we asa3ed nas kteeeeeeeer w astaghfer rabena 3la ad ma2dar w a2olo same7ny we atooooob 3n ay zanb
w b3dain amawet nafsy wa5las :D
اول حاجة هتيجى على بالى هى ان اليوم ده اكيد هيخلص يعنى مجرد 24 ساعة وهينتهى اليوم وبالتالى اما الواحد هيعمل اللى هو عايزة فى اليوم ده وهيتعلق بيه ومش هيقدر يبطله يا اما هيكون فى نتايج وحشة وعوافب كتير للى عمله بس الاحتمال الاكبر ان الواحد بعد اليوم ده ميقدرش يعيش الحياة العادية بتاعتنا.اكيد كل واحد فينا نفسة فى حاجات كتير بس الانسان اللى يستحق يتقال عليه انسان هو اللى يتحكم فى نفسه وشهواته مش نفسه اللى تتحكم فيه
please visit www.m3loma.com
موقع مميز جدا يقدم خدمات رائعه
تفسير الاحلام - ابراج - موضه وأزياء وجمال - برصه واسهم وتداول - نيات وحيوان - صور واغانى متنوعه -ثقافه جنسيه وزوجيه - مكتبه ضخمه من البرامج المميزة -وظائف شاغرة- فتاوى واحكام والكثير والكثير من المعلومات الرائعه من
معلومه.كوم
www.m3loma.com
اللي فيه طبع مابيتغيرش سواء حلو او وحش سواء في عقاب اولا
إرسال تعليق