اليومين دول عقبال ما تشوفوا ولادكم عيد ميلادى . هكمل 25 سنة
احنا فى البيت مش متعودين نعمل اعياد ميلاد مش لسبب معين بس مسألة تعود
السنه دى انا دماغى وخدانى فى سكك بعيده اوى عشان اليوم ده
لو حسبنا حسبة صغيرة اوى وهى ان متوسط العمر عندنا 70 سنة
طبعا الاعمار بيد الله بس الرسول (صلى) قال اعمار امتى بين الستين والثمانين
يبقى الواحد على كده قضى تقريبا اكتر من تلت عمره
يا نهار اسود !!!! تلت عمرى فات
تلت عمرى فات ولسه بقول بسم الله الرحمن الرحيم
انا خلصت الكلية ودخلت الجيش وهطلع منه كمان اسبوعين , صحيح انا بعمل كذا حاجة تانية
بس برضو لسة بدرى اوى على إن الواحد يبقى مستقر فى حاجة
الواحد كل ما يكبر كام سنة يشوف الدنيا بشكل تانى وبنظرة تانية
انا بتخيل العمر ده زى العمارة !!! الواحد بيتولد فى الدور الاول
وكل كام سنة يطلع دور اعلى فيشوف الدنيا بصورة اوضح وابعد
انا دلوقتى بسأل نفسى كذا سؤال
هل كان المفروض اعمل حاجات فى الفترة اللى فاتت ومعملتهاش ؟
وهل كان المفروض اكتشف واجرب حاجات ومجربتهاش ؟
وهل كان المفروض اشوف واحس حاجات ومحستهاش ؟
وهل كان المفروض احقق حاجات ومعرفتش احققها ؟
ممكن حد يقولى دلوقتى يا عم انت لسه صغير على الكلام ده
ماشى يا سيدى مقولناش حاجة بس يا جماعة اكتر من تلت العمر فات
طب الواحد لو كان اتولد وعاش بره مصر كان زمانه دلوقتى عامل ازاى ؟
يعنى كان زمانى عملت ايه زيادة عن اللى انا معملتوش وانا هنا
طبعا كل سن وله جماله مقولناش حاجة
بس الواحد فى الافلام الاجنبى بيشوف العيل عنده 17 سنة وعمل كل حاجة فى الدنيا نفسه فيها
وانت هنا تلت عمرك فات ولسة بتدور على الصفر عشان تبتدى منه
ولسة بتدور على النجار اللى هيعملك السلم اللى هتبدأ تطلع على اول درجة فيه
على فكرة ده مش يأس لكن رؤية مختلفة ليوم كان الواحد بيحتفل بيه زمان
سؤال تانى لو الواحد مات دلوقت هيدخل الجنة ولا النار ؟
ولو استمر على نفس الاعمال اللى بيعملها سواء خير ولا شر هتبقى النتيجة ايه ؟ وهيوصل لفين ؟
يا جماعة انا بتكلم فى تلت العمر اللى عدى من غير ما نحس بيه
انا عايز كل واحد يشوف هو عنده كام سنة ويعمل الحسبة اللى انا عملتها
ويشوف نفسه ماشى فى انهو طريق
لو فى حاجة غلط احنا بنعملها يا ريت نعرفها
ولو فى وقت بيضيع مننا نعرف مين اللى بيضيعه وبيضيع فى ايه
عشان حتى نخلى الجيل اللى بعدنا ميغلطش الغلط بتاعنا
وحتى لو مش هنقدر نرجع العمر اللى فات بس ممكن منضيعش العمراللى جاى
اللهم انت الحليم فلا تعجل , وانت الجواد فلا تبخل
وانت العزيز فلا تذل , وانت المنيع فلا ترام
وانت المجير فلا تضام
اليك مددت يدى فارحم ضعف قوتى واغفر خطيئتى واقبل معذرتى
اللهم لا تحرمنى وانا ادعوك , وتخيبنى وانا ارجوك
يا فارج الهم ويا كاشف الغم , يا مجيب دعوة المضطرين
يا ارحم الراحمين
ارحمنى برحمة تغنينى بها عن رحمة من سواك
هناك ٥٩ تعليقًا:
اول تعليق
ولى عودة
بس موضوع مهم
ويشغل بالى طوال الوقت
اولا : كول سنه وحضرتك طيب وبالف خير وعقبال 100سنه وتحقق كل الى انت بتتمناه .. امين يارب
اتمنى ان تكون دعوتى مستجابه .
وعقبال منبارك على نهاية اسبوعين الجيش
ثانيا : والله الموضوع صعب اوى اوى اوى
انا لما وصلت لسن العشرين فرحت ولما لقيت نفسى فى 23 خوفت قولت ايه دا انا دخله يعتبر على 30 وليسه معملتش حاجه من الى بحلم بيها وبعدين فضلت اسأل نفسى السؤال دا كول سنه....
ومتسألنيس ليه انتى عندك كام سنه
بلاش الاحراج وانبى ...
اى ينعم هى معدتش سنين كتير من 23 باس اهو بارده ياله حسن الخيار
وبرده لغايه دلوقتى بسأل نفسى الاسئله الى انت سألتها لنفسك وكل مره اقول السنه الجايه هحقق حاجه تطلع احلام تانيه طب وبعدين موش عارفه
اقولك سبها على الله
والى مكتوب على الجبين ....
سلاااااااااااااااااام
كل سنه وانت طيب وعقبال مليون سنه
ربنا يوفقك وتحقق كل اللى انت عايزة قريب
ومبروك انك هتخلص جيش
انا عن نفسى هكمل 21 سنه كمان 33 يوم
والحمد لله حققت حاجات من اللى كنت بحلم بيها
واهمهم انى دخلت الكليه اللى كنت بحلم بيها وخلاص هتخرج السنه اللى جايه
وربنا يسهل بقى واعرف احقق باقى احلامى
كل سنه وانت طيب ويارب سنه سعيدة عليك تحقق كل اللى بتتمناة وتحلم بية
اللهم انت الحليم فلا تعجل , وانت الجواد فلا تبخل وانت العزيز فلا تذل , وانت المنيع فلا ترام وانت المجير فلا تضام اليك مددت يدى فارحم ضعف قوتى واغفر خطيئتى واقبل معذرتى اللهم لا تحرمنى وانا ادعوك , وتخيبنى وانا ارجوك يا فارج الهم ويا كاشف الغم , يا مجيب دعوة المضطرين يا ارحم الراحمين ارحمنى برحمة تغنينى بها عن رحمة من سواك
اللهم أمين يارب العالمين
كل سنة وانت طيب ياحدوتة وعقبال 100 سنة
تلت العمر عدى
مش مهم عدى ازاى وعملت فيه ايه ومتفكرش كتير فيه ده ماضى وعدى استفيد من تجاربه بسسس
فكر كويس انت عايز تعمل ايه فى التلت اللى جاى وتوصل لايه فى التلت اللى بعده وتخطط كويس واتكل على الله
ربنا يكرمك على الدعاء الجميل ده
اللهم آمين
سلااااام
كلامك جه على الوجع يا حدوتة باشا
:)
بس هذا لا يمنع اني اقول لحضرتك : كل سنة وانت بألف خير وفرحة
وباذن الله يكون لك عمر مديييييد وكله نجاح واستقرار
كل التحية
اولا كل سنة وانت طيب وعقبال ال 85
وانت محقق كل اللي بتممني انك تكون حققته واحسن منه كمان
الايام بتعدي ومش بتستني حد , المفروض ان الواحد يكون محدد ليه اهداف في حياته ويكون بدأ فيها فعلا علي كل الجوانب بحيث حتي لو الهدف دا اتاخر يبقي وقتك ما ضاعش في انك مش عارف تعمل ايه او انت عايز ايه
اللهم امين
كل سنه وانت طيب يارب دايما وعادى ياحدوته عارف انا كل سنه من يوم مكملت العشرين قبل عيد ميلادى بااسبوع ببقه زعلانه وحزينه معرفش ليه الناس بتحتفل بعيد ميلادها بس في اليوم بقه بالظبط ببقه مبسوطه لانو ربنا مخلقناش كده عبث لينا هدف فى الحياه كل يوم بنعمل حاجه ومع كده بنعمل اخطاء لازم احنا بشر مش مليكه وعموما كل حاجه ربنا كتبهلنا هنشوفها متقلقش خالص بس عيش كل يوم بيوم وعقبال مليووووووووون سنه وبعدين الحياه زى اليوم وانت لسه في الظهر شوف هتعمل ايه السنه دى وانشاء الله هتحقق كل حلم
وطبعا انت بتعمل لغوشه عشان منكلش من التورته فين التورته ؟؟ انا عايزها بالشوكلاته البيضا اوك مستنياها
تحياتى
السلام عليكم
بجد موضوع غاية فى الاهمية يعنى أنا دايما أقعد أحسب أنا عملت أيه فى حياتى و أنا دلوقتى عندى 20سنة و بعتبر نفسى أنا أبتديت حياتى و أنا عندى 18 سنة و الحمد لله فى السنتين دول انا حققت حاجات كتير و خسرت شوية حاجات بس الحمد لله و دايما قاعد ببص على المستقبل و بستعد ليه علشان الواحد لازم يستمتع بنجاحة فى الحياة و كمان لما يقابل ربنا يكون كان ليه دور ايجابى فى الحياة.مستنى زيارتك و تعليقك كمان.سلام
ولدتك أمك يا بن ادم باكيا
والناس حولك يضحكون سرورا
فاجهد بنفسك ان تكون اذا بكوا
يوم موتك ضاحكا مسرورا
وكل سنه وانت طيب
وعقبال مليون سنه
كل سنه و انت طيب و ارجوك اتعود اتك تتفائل فى عيد ميلادك ..
ربنا يتقبل دعائك اخى الكريم يا رب و ان شاء الله اللى جاى احسن من اللى فات يااارب ..
تعرف لما كملت واحد وعشرين سنه و انا زوجه اتضايقت جدا و قلت لما كنت صغيره كنت باسمع دايما ان السن ده سن الرشد و الاحساس بالذات .. طيب انا ما فرقتش معايا لانى زوجه و زعلت لانى ما حسيت بالاحساس ده و بعدها حسيت ان العمر بدأ يجرى و كل سنه كنت باسأل نفسى ايه اللى حققته السنه دى ..
لقيت ان احسن حاجه احققها هى انى افضل قريبه قوى من الرحمن و ان مهما حققنا فلن يفيدنا الى اعمالنا التى تقربنا منه سبحانه ..
و انى مع الرحمن بحقق كل احلامى لان هو سندى و وكيلى ..
كل سنه وانت اقرب الى طاعة الله
حفظك الرحمن و رزقك سعادة الدارين
تحياتى
حدوتـــة
السلام عليكم الاول وصباح الخير
كل سنة وانت طيييب يابلدياتي اخيرا هتحتفل باليوبيل الفضي عقبال مليون سنة يارب
الواحد لما يحسب هو انجز اية في ثلث عمره ممكن هيلاقي نفسه محصدش الا الهوا بس لسة السكة مفتوحه قدامك وتقدر تحقق كل اللي انت عايزها في باقي العمر باذن الله المهم انك تبقي محدد انت عايز تعمل اية
مش لازم دايما نبص للغرب ونقول في شباب اقل مننا في السن قدروا ينجزوا حاجة المهم اننا يكون عندنا العزيمة في تحقيق احلامنا
الف مبروك علي انك هتطلع من الجيش
تحياتنا
كل سنة وانت طيب عقبال 100 سنه ويكون اللى فات يدوب خمس عمرك
حلوه اوى الاسئلة اللى انت سالتها اعياد الميلاد فايدتها اننا نفكر فى اللى فات ونقيمه ونخطط للى جاى
ربنا يديك طولة العمر وتحقق كل احلامك
ولا
بلاش نكد
انا زيك برضه لسة مكمل ربع القرن ده بس قبليك ب اسبوع تقريبا
باقولك
انا مش زيك
يا عم انا عايز اموت شباااااااااااب
مش ناقصة ذل في العيشة
ههههههههههههههههههه
تهريج طبعا
بلاش حقد عالعيال اللي عندها 17 سنة
بذمتك لو كان في بلوجر و احنا في الجعفري كان زماننا خلصنا دراسة من اساسه ؟
كل سنة و انت طيب
كل ربع قرن و انت جااااااامد
سلاااااااااااموووووووووووووز
بالموووووووووووووووووووووووز
الاول كل سنة وانت طيب وعقبال ما نبارك لك على كل امنية تتمناها تحققها بالنسبة لتلت العمر اللى فات من غير ماتحس بيه هو ان شاء الله يكون كله خبرات ومخزون عشان تعيش الجى صح وعلى اساس احلى حاجة حتى وانت بتحلل حياتك وشايف انك لسه قدامك كتير نبرة الامل واللهم آمين على الدعاء عارف الاية الكريمة(والذين جاهدوا فينا لنهدينهم سبلنا) ان شاء الله ربنا يكرمك وتحقق كل اللى بتتمناه لانك بتحاول ربنا يوفقك
سلام
شيماء سمير
هستناكى ويا ريت متنسيش
سلالالالالالالالالالالالالالالالالالالالالالالالام
مشيها غير معروف
وانتى طيبة وشكرا على المتابعة
سلالالالالالالالالالالالالالالالالالالالالالالام
di el2mr
وانتى طيبة وعقبال ما تحققى باقى احلامك
سلالالالالالالالالالالالالالالالالالالالالالالالالالالالالام
ســـهــــر
منورة المدونة فى اول زيارة
ويا رب تكون عجبتك واشوفك علطول
وانتى طيبة وبخير
سلالالالالالالالالالالالالالالالالالالالالالالالام
رصيف نمره خمســــــه
وانتى طيبة وعقبال ما تحققى احلامك انتى كمان
سلالالالالالالالالالالالالالالالالالالالالالالالام
خيال
وانتى طيبة
ولا يهمك المهم انك متابعة
سلالالالالالالالالالالالالالالالالالالالالالام
dr.Roufy
وانتى طيبة يا دكتورة
وشكرا على المتابعة
سلالالالالالالالالالالالالالالالالالالالالالالام
سنووايت
وانتى طيبة وبخير
وربنا يسهل فى التلت التانى
ده لو لينا عمر
سلالالالالالالالالالالالالالالالالالالالالالالالالام
ماء تشرين
وانتى طيبة يا ستى
شوفى انا بتكلم فى ايه وانتى بتتكلمى فى ايه
وايه الشوكلاتة البيضا دى
دى حاجة زى السحلب كدة ولا ايه
عموما هسأل عليها فى الصيدلية
انتى هتلاقى كرنفال ماشى على البحر وهيصة وضرب نار تعرفى ساعتها ان ده عيد ميلادى وهتلاقى فيه اللى انتى عايزاه
سلالالالالالالالالالالالالالالالالالالالالالالالالالالام
mamato2010
ربنا يوفقك وتكمل المشوار يا باشا
سلالالالالالالالالالالالالالالالالالالالالالالالالام
الفراشة الصغيرة
وانتى طيبة
سيبك انتى الفنان فنان برضو
سلالالالالالالالالالالالالالالالالالالالالالالالالالام
rovy
وانتى طيبة وشكرا على النصيحة الغالية
ويا رب تقبل منا ومنكم
سلالالالالالالالالالالالالالالالالالالالالالالالالالالام
بنات صاحبة الجلالة
اسكندرية وجدعان اسكندرية
وانتى طيبة وبخير
ويا رب نحقق احلامنا كلها السنة الجاية
سلالالالالالالالالالالالالالالالالالالالالام
عصفورة من الشرق
وانتى طيبة
خمس عمرى لا ده انا كده هزهق اوى
سلالالالالالالالالالالالالالالالالالالالالالالالام
محمد الكومي
ده انت فايق وبتهزر اهو
ماشى ياعم وانت ايه اللى فكرك بالجعفرى والايام دى
ساعتها مكنش ينفع نعمل اى حاجة
يلا كله بيطلع فى الغسيل
سلالالالالالالالالالالالالالالالالالالالالام
كلام وخلاص
وانتى طيبة وشكرا على النصيحة
سلالالالالالالالالالالالالالالالالالالالالالالالام
بداية كل سنة و حضرتك طيب و عقبال 100سنة
فعلا معك حق في كل كلمة كل سنة بتمر بعمرنا لازم نراجعها و نشوف احنا استفدنا منها ايه و خسرنا ايه و ايه الي كان المفروض نححقه فيها و محققنهوش كدة عشان مبقاش حياتنا ماشية من غير منحس بيها
موضوع قيم فعلا
بارك الله فيك اخي
كل سنة وانت طيب وان شاء الله السنة دى تحقق فيها حاجات كتير جميلة ومفيدة
كل سنة وانت طيب يا حامد وعقبال مليون سنة
جميل انك بتحاسب نفسك ومش عايز عمرك يضيع على الفاضى بس حاول ماتعقدش نفسك وماتبصش للشباب فى البلاد التانية ولو ضرورى يعنى يبقى تنقى بلد على قد حالها كده وبلاش تبص للعالى
وانشاء الله كل سنة تمر عليك هتكون محقق فيها حاجة
تحيـــــــاتـى
من نعم الله علينا إنه جعل رزقه مالوش وقت أو عمر محدد , فلو إعتبرت إن أمنياتك اللي انت نفسك تحققها دي رزق , فبقولك متقلقش ممكن ما بين عشية وضحاها تلاقي نفسك في وضع أفضل مما كنت تتمناه وتحلم به , بس المهم إنك تتوكل مش تتواكل وتسعد وانت في طريق تحقيق الحلم , لأن في ناس كتير بترهن سعادتها بتحقيق الأحلام وتقول لما يحصل كذا وكذا هكون سعيد وفي النهايه العمر بيعدي وهما لسه مستنيين كذا وكذا !!
حب كل لحظه وحاول تسمتع بيها
كل سنه وانت طيب , وربنا يحققلك أحلامك ويستجيب دعائك الجميل
تحياتي
كل سنة وانت طيب !!!!
Bon anniversaire!!!
يعني مش حرام بزمتك مكتئب حتى يوم عيد ميلادك؟ ده يوم المفروض تحتفل بيه مصر كلها :)هو انت شوية في البلد؟؟؟
بص يا يابني .. كلنا في المرحلة دي نعتبر في مرحلة بناء لنفسنا.. كل واحد المفروض يحاول يكتسب خبرات و معارف جديدة و يحاول يطور من نفسه.. ربنا زي مل بيحسبك على دينك و عملك بيحاسبك كمان على وقتك.. كلنا بنضيع وقت كتير في حاجات مالهاش فايدة ..في ناس بتفرق معاهم الدقيقة .. و على فكرة الناس دول مصريين .. يعني مش من طينة تانية .. الفرق بيكون بين حد عارف ينظم حياته و حد سايبها على البركة .
Besbessa
اولا كل سنة وانت بخير وفى تقدم مستمر
ثانيا الله ينور عليك يا باشا
تلت عمرك تقريبا فات ومش عارف لو قابلت ربنا فى اي وقت هايكون لقاء المحب لحبيبه ولا العكس
قال فضيل بن عياض لرجل : كم أتت عليك ؟ ( يعني كم مضى من عمرك )
قال : ستون سنة .
قال : فأنت منذ ستين سنة تسير إلى ربك . توشك أن تبلغ .
فقال الرجل : يا أبا علي إنا لله وإن إليه راجعون .
قال له الفضيل : تعلم ما تقول ؟
قال الرجل : قلت : إنا لله وإنا إليه راجعون .
قال الفضيل : تعلم ما تفسيره ؟
قال الرجل : فسِّره لنا يا أبا علي .
قال : قولك إنا لله تقول أنا لله عبد وأنا إلى الله راجع . فمن علم أنه عبد الله وأنه إليه راجع ، فليعلم بأنه موقوف ، ومن علم بأنه موقوف فليعلم بأنه مسئول ، ومن علم أنه مسئول فليعد للسؤال جواباً .
فقال الرجل : فما الحيلة ؟
قال يسيره .
قال : ما هي ؟
قال تُحسِن فيما بقي يغفر لك ما مضى وما بقي . فإنك إن أسأت فيما بقي أُخِذتَ بما مضى وما بقي .
zizi
منورة المدونة فى اول زيارة
ويا رب تكون عجبتك واشوفك هنا ديما
وانتى طيبة وبخير
سلالالالالالالالالالالالالالالالالالالالالالالام
موناليزا
وانتى طيبة
ويا رب السنة الجاية كلنا نحقق احلامنا
سلالالالالالالالالالالالالالالالالالالالالالالالالام
semsema
وانتى طيبة يا اختى
صحيح مجبتيش هدية ولا حاجة
بس يلا مش مهم كل واحد وقيمته
سلالالالالالالالالالالالالالالالالالالالالام
محمد فوزي
وانت طيب يا استاذ
وربنا يتقبل منا ومنكم
وتعليق ده اسعدنى جدا
سلالالالالالالالالالالالالالالالالالالالالالالالالالام
Besbessa
بغض النظر انى بكره اللغة الفرنسية موت
لكن يا ستى وانتى طيبة وبخير
انتى عارفه الواحد فقرى من يومه
بس ربنا يسهل وفات الكتير ما بقى إلا القليل
سلالالالالالالالالالالالالالالالالالالالالالالالام
خواطر رئيس شاب
الله يباركلك يا معلم
طيبه اوى كده
يعنى الواحد ممكن وممكن وانت اللى فى ايدك تختار
سلالالالالالالالالالالالالالالالالالالالالالالالالالام
كل سنة و انت طيب برضه
حتى لو نص عمرك مش تلته هو اللى فات
:)))
صدقنى هيا المشكلة مش انه العمر بيعدى بسرعة
المشكلة تكمن ف الآخر
لما نلاقى انه العمر عدى بسرعة و محققناش اللى بنتمناه او اللى عايشيين عمرنا نحلم بيه
لا قدر الله يعنى
:)
ربنا يرزقناو إياكم
لكن ربنا ان شاء الله يخليك متحسش بالعمر انه عدى بسرعة لما تلاقى نفسك حققت حاجات كتير و ساعتها تقول يااااااه ده العمر عدى ببطء اوى!!!
........
آه و ربنا
:)))))))))
كل سنة و أنت طيب و عقبال ميت سنة يا رب ...أما بخصوص أن تلت العمر عدى فقلك حاجة يعني الأعمار بيد الله ...و أنا عندي نفس الإحساس على الرغم إني عندي 18 سنة بس مش بحاول أفكر كده أوي عشان مكتئبش ...أول زيارة لمدونتك و ماشاء الله مدونة رائعة و الجيات أكتر من الريحات إنشاء الله
كل سنه وانت طيب بالرغم من انها متأخره اوي
ويارب يعدي الاسبوعين بتوع الجيش بسلام ونقولك كفاره ياباشا
اما موضوع تلت العمر ففعلا ان يوصل سنك 20 سنه دا شيئ بيخوفني فعلا لان بحس ان جرس انزار بأن عمرك هيزود السرعه وهتوصل علي 30 منغير ماتحس
وتكون طبعا لسه يادوب مخلص درستك
شئ يخوف فعلا
علي العموم ميهمكش السنين اللي فاتت لانها خلاص بااااي لكن اللي جاي ان شاء الله حتي ولو قليل (ربنا يعطيك طولة العمر))ان شاء الله يكون فيه خير وثواب ليك كبير عند ربنا ويغفرلك اللي فات
يااارب
كل سنه وانت طيب وعقبال 100سنه
تلت العمر اللي عدي خلاص شئ وعدي المهم انك اتعلمت منهوربنا يكرمك في الايام اللي جايه
انا فاضلي 10 ايام واتم 22 سنه وفكرت وسألت نفسي كتير وفكرت في اللي جاي والحمد لله اهم حاجه عملتها ونفذتها فعلااني بعدت عن اي بني ادام واي حاجه بتبعدني عن ربناوالحمد لله حسه براحه نفسيه
ويارب تحقق كل اللي انت بتتمناه لانك بجد انسان تستاهل كل خير
ارجوك ده يوم في السنه لو سمحت خليك متفائل فيه واحتفل بيه والمفروض كلنا نحتفل بيه وماتاكلش علينا التورته وانا هديتي ليك موجوده ومستنياك
بداية كل سنة و حضرتك طيب
عجبني جدااا تشبيهك للعمر بالعمارة اللي كل بنطلع فيها بيورين الدنيا اوضح
و لو طلعنا دور استحالة نعرف ننزل الدور الي تحته تاني
فكرة تلت العمر و ادراكك ليها ممكنتخليك تغير تفكيرك في حاجات كتير
و اكيد ربنا لما جاب علي بالك الفكرة دي مكنتش هباءا كده
اكيد في حكمة معينة من انه خلاك تفكر التفكير ده في الوقت ده بالذات
يارب ناس كتير تستفيد من البوست بتاعك ده و تحاول تعيد رسم حياتها
و ربنا يوفقك و تحقق كل اهدافك
تحياتي لك و لقلمك المميز
كل سنه وانت بالف صحه وسلام يا حامد باشا بس ايه ده يا عم الايام مبقاش فيها بركه كده خالص يلا عموماً انا من وجهه نظرى شايفه انك بدأت تطلع السلم من فترة مش لسه هتبتدى
عارف يا حمودى لو كل شاب عمل زيك فى طموحك واصرارك انا مش باقول انك شيخ لانك عارف انك متنفعش
لكن بجد انت تعتبر نموذج لشاب مثقف مؤدب محترم متطلع مش بتبص تحت رجليلك لا دائماً بتبص للأمام وفى نفس الوقت دائماً مرح وحبوب والى حواليك كلهم بيحبوك على فاكره احسن حد يفتكر اني باغازلك ولا حاجه انت عارف انك زى اخويا الصغير بعدين ده انت خال بسنت لكن بجدان باحترمك وبحبك وبقدرك جداً جداً جداً وكان نفسي بجد ان يبقي لى اخ مثلك بس ربنا عوضني بيك بعد كده وبقيت انت فعلاص بالنسبه ليا اخويا الصغير مع انك ساعات بتندل ومش بتتصل عموماً هنروح من بعض فين الايام دول ومره تانيه كل سنه وانت طيب وبالف صحه وسلامه ورمضان كرييييييييييم
Eman Eltaher
حمد على السلامة وكويس انك لسه فكرانى
عموما وانتى طيبة وبخير
ويارب متتأخريش علينا تانى
سلالالالالالالالالالالالالالالالالالالالالالالالالالالام
Zanooba
وانتى طيبة وبخير
منورة المدونة فى اول زيارة
بس انتى لسة صغيرة على الاحساس ده
سلالالالالالالالالالالالالالالالالالالالالالالالالالام
ساسو
وانتى طيبة وبخير
منورانى فى اول زيارة
شكرا على الدعوة الجميلة
وياريت اشوفك هنا دايما
سلالالالالالالالالالالالالالالالالالالالالالالالالام
سنيوريتا
وانتى طيبة يا ست الكل
وهدية ايه بقه ما انتى كنتى فى اسكندرية وحتى مفيش رنة
بس ولا يهم وكفايه الكلمتين الجامدين دول عليا
سلالالالالالالالالالالالالالالالالالالالالالالالام
Esraa Hamed
وانتى طيبة وبخير
وكويس ان فى حد عجبه حاجة فى البوست
ويارب حد يستفيد زى ما انتى قولتى
سلالالالالالالالالالالالالالالالالالالالالالالالالام
فى حب الله
اخوكى ايه بقه بعد الكلمتين دول
ده انا خلاص الدمعة هتفر من عينى
بصى بقة احنا نخلع ناصر ويبقى زيتنا فى دقيقنا
وانتى عارفة مواصفاتى ومواهبى
قوى البنية
عريض المنكبين
شـلـولــخ
وبعدين قارى وفاهم ومستوعب الاشياء
وانتى عارفة لا ليا فى الدخان ولا المكيفات
يبقى معندكيش حجة خلاص
هستنى الرد يا جميل
سلالالالالالالالالالالالالالالالالالالالالالالالالالالالام
كل سنه وانت طيب
والبوست بتاعك يعتبر دعوه لينا كلنا لإعادة النظر في مجريات عمرنا وسنين حياتنا الي فاتت
تحياتي
عمــاد الدين يوســـف
منور المدونة فى اول زيارة ليك
وشكرا على رأيك فيها
وكل سنة وانت طيب
سلالالالالالالالالالالالالالالالالالالالالالالالالام
يانهار اسود ؟؟؟؟؟؟ تلت العمر فات
اااااااااااه
ايه الجمله الى بتوجع دى .. انا كمان هقول الجمله دى شهر 10 الجاى ... يارب نكون فعلا عملنا حاجه فى العمر الى عشناه الى يعتبر مش قليل ... قطعنا شوطا طويلا ..
كلامك جميل اوى يدعو للتفكر . الله يكرمك ...
إرسال تعليق