سؤال بيتسئل فى الجامعة عادى ... الارتباط بقى حاجة عادية مين فينا مرتبطش او مشفش واحد صاحبه ارتبط
مع ان 99% من حالات الارتباط بتفشل (وهنا يكمن السؤال) انت لية بترتبط اساسا ؟
يا ترى كبت ؟ مهو مفيش اختلاط قبل الجامعة يعنى الشباب محرومة
ويا ترى الشعور اللى الواحد بيحس بية ده حقيقي ولا احلام مراهقة
وبعد الموضوع مايفشل كالعادة الواحد بيعرف ينسى بسهولة ولا الحكاية بتعلق معاه شوية؟
ولا بتفضل معاه على طول , ومين اللى بيتعب اكتر الولد ولا البنت؟ ....... نيجى بقى للسؤال
البايخ : طب لما الواحد عارف ان كدة كدة الموضوع مش هيكمل كان لزمته ايه من الاول وجع القلب والبهدلة ,
ولا الحكاية تستاهل ولو كان الواحد بيحب بجد , الاحساس اللى هيحس بيه اجمل شىء ممكن يحسه.....!!!!!
الجمعة، ٦ يوليو ٢٠٠٧
انت مرتبط؟
الاشتراك في:
تعليقات الرسالة (Atom)
هناك ٦٤ تعليقًا:
فى البدايه يا جماعه انا عايز اقولكم ان الارتباط ده بيكون بدافع الروشنه يعنى كل واحد فى الكليه زى مابيكون لازم ليه جروب اصحاب(شلة اصحاب) لازم يكون ليه واحده صحبته وكل ماكان مرتبط ببنات اكتر يبقى ولد روش اكتر. وبعدين نيجى بقى للنقطه التانيه الفرااااااغ..... فى ناس كتييييير شايفه ان ديه الحاجه الوحيده اللى بتشغل وقتهم وتقتل فراغهم مع العلم انه مافيش حد فيهم واخد باله من ان ديه اكتر حاجه بتضيع وقتهم. نيجى بقى للنقطه الاخيره "المصــــلحه"..... فى ناس بترتبط مصلحه يعنى علشان تظبطه فى الكليه محاضرات ، كورسات ،ورق ،مراجعه. يعنى حاجات من كده
ملحوظه: على فكره فى نسبه من الارتباطات ديه بتنجح حتى ولو كانت نسبه بسيطه. معلش طولت عليكم ولنا لقاء فى الحلقه القادمه بااااااااى
انا شايف ان معظم اللى بيرتبطو فى الجامعة بيحبو الحب مش بيحبو الطرف التانى
بص هى الحكايه فعلا نقص واحتياج للانك تحس انك بتتحب وده واضح جدا في لهفه الناس انهم يتحبوا
اما مين اللى بيتاثر اكتر..فمن الطبيعي انه البنت..ولكل قاعده شواذ
وانا عن نفسي مش مقتنعه بحكايه الارتباط ..اللى هو مش رسمى..
مش شرط ان البنت هى اللى تتاثر اكتر انا شايف ان اللى كان بيحب التانى اكتر هو اللى هيتعب
ما اتعس ان نحب و ان نتمرغ فى احضان السعادة
ثم تصفعنا يد الحب الذى كان وتتركنا شموعا مطفأة
انا شايف ان الا بيتاثر اكتر هو من كان يحب بجد او اكثر وممكن ان يتحطم حتي لو كان مبين امام الناس انه متماسك ممكن ان يكون كل يوم بيموت الف مرة
انا شايف ان الحكاية كلة بتبقى ملل من الطرفين يعنى هو الواحد يقعد فى الكلية اربع سنين دة اذا مكانوش خمسة وربما ستة وهكذا لوحدة او مع صحابة ألى كل يوم يشوفهم على القهوة لأزم حاجة تطرى القاعدة والدليل على كلامى ان
من المرتبطين بعد التخرج محدش90% بيستحمل الثانى
يا سنيوريتا الحب مش هو اللى بيصفعنا احنا اللى بنعمل كدة فى نفسنا احنا اللى بنتخلى عن الحب مش هو اللى بيتخلى عننا واحنا برضة اللى بندفع الثمن
يا حامد مش احنا الا كل مرة بنبقا السبب الظروف في اكتر الاحوال بتبقي اقوي مننا وعجبييييييي
ليه دايماً بندور على مين السبب فى فشل علاقة حب إذا كانت اصلاً علاقة فاشلة من كل الجوانب يعني الشاب من دول يتعرف على واحده فى الجامعه ويفضلوا مع بعض لحد مايتخرجوا بعد كده يتصدموا بالواقع يروح يتقدم لها- اهلها وده من حقهم طبعاً يسألوا بتشتغل أيه طبعاً ولاحاجة عندك شقه طبعاً لا طب عارف هتعمل ايه بعد كده لا طب أيه انت رايح ليه تتقدم وتخطب علشان تحرج نفسك أنا شايفه ان كل شاب وفتاه من الافضل انهم يركزوا على هدف واحد وهو التعليم والتخرج هدف أول ثم التخطيط للمستقبل هدف ثاني وبعد تحقق شروط الارتباط تبدء تفكر فى الهدف الثالث وهو الارتباط بشريكة العمر أنا شايفه أن ده التفكير السليم والصح وإلى يقول غير كده هو حر ويجعله عامر
أنا شايفة ان مافيش حاجة اسمعا واحد بيحب روشنة او بيحب علشان مصلحة علشان هو لو بيعمل كدة مش حيكون بيحب لكن حيكون بيمثل على اللي قدامه. ماينفعش الواحد يقوم من النوم الصبح يقول : " النهاردة الاثنين أنا ححب بقى"
الحب زيه زي الفرح و الحزن هو مشاعر الواحد بيحس بيها و خلاص , بس علشان متتصدمش في حبك لازم لازم تخلي لمخك دور. أسأل نفسك دايما :
يا ترى فعلا أنا اخترت صح؟
هل هو ده الانسان أو هي دي الانسانة اللي انا عايزها تربيلي ولادي و اللي ممكن تحفظني وتصوني في غيابي قبل وجودي؟
ياترى هي بتحبني ليه؟
يا ترى علاقة الحب دي دافع ليه اني أكون أحسن في حياتي و دراستي و شغلي و لا بترجعني لورا؟
يا ترى ايه مفهومها عن الحب؟
الحب نفسه مش بيحطم لكن فهمنا ليه غلط و اختيارنا للشخص الغلط هو اللي ممكن يعمل كدة
الارتباط ظاهرة بالكليات البعض تقليد والبعض فراغ والبعض بيلاقي فى التاني الحاجة إلى نقصاه وعند سقوط الماسك يظهر الوجه الأخر لكل واحد فتنتهي الحكاية كما بدأت من لاشي
مش عيب ان الواحد يدور على الحب بس العيب ان أنا أكذب على نفسي واوهم نفس بالحب دة وانا عارف أنه هينتهي نهاية مأساوية الفشل الذريع لان بمعين اصح حب تيك أوى ولاايه ويجعله عامر
انا رايى يا جماعه ان اصلا دا مش بيبقى حب دا اسمه لعب عيال لان الحب مسئوليه وانا الحمدلله مش شايف ان اى حد من الطرفين عنده مسئوليه كل اللى شاغل بالهم ازاى اخرج وازاى اهزر وكلمتين بيتقالو بحبك وهيا تقوله بحبك وخلاص على كدهلوعملوا للحب يبقى مفيش زعل ولا سيبان لكن انا مش شايف تن دا حب والحب عمره مهيستمر طول ممحطوط فى لستة الهيافه او البرود لازم اللى يكون بيحب لازم يعمل لحبه لازم يحافظ على طرفه التانى يبقى ايجابى معاه يعمل لبكره مش يعيش اليوم وبس صدقونى حب الجامعه فاااااااشل وانا واثق من كده
انا مش معاك في الراي يا عمر لان في حالات كتيره بيكون الحب بجد ولكن الظروف هي الا بتعاكس الشخص وفي تجارب كتيره ناجحا
نسبة كااام اللى الظروف هيا اللى معكساااهم احسبهم فى جامعتك وقولى لايتعدوا الواحد فى الميه
على فكرة ياعمر مفيش حاجة اسمها حب الجامعة وحب بعد التخرج فى حاجة اسمها حب بجد حب ملوش مكان ولا عنوان مينتهيش الا لما تكون فى حاجة اقوى منة ودى تبقى قسمة ونصيب وكل واحد ونصيبة
ممكن تردو عليا مين فى الجامعات اللى حبه واستمر حبهم ياريت تحسبهم مع نفسك انا ليه مسميه حب الجامعات عشان كل واحد فى الجامعه عايز يرتبط وخلاص ببنت اموره والبنت عايزه ترتبط بواد روش عشان كده العلاقه بتبقى فاشله عشان مختاروش لبعض الاسلوب الارتياح الحب يبقى هو دا الحب وانا عارف ان كلكم عرفين كدا بس بتحبه تغلطو نفسكم انا مش ضد الحب انا ضد الهوائيه ياريت الانسان يحب بجد مكنش يبقى فى جرح اطلاقا سورى يا جماعه هو دا تفكيرى ممكن ننقشه
انا لما قلت فى الأول ان هى العملية بتبقى ملل طول فترة الدراسة كنت اقصد الناس ألى انت بتتكلم عليهم ياعمر بس مش الكل فى ناس بتحب بجدوبتستمر علاقتهم معا بعض وبتبقى احسن كمآن حاول تشوف الجزء الحلو علشان تعرف تغير الجزء الوحش
اكيد يا انا معاك فى رايك وايه اللى بيسبب الملل اكيد انه مفيش جديد بينهم هو تعود على الطرف التانى بحاجه ومبتتغيرش اللى بيحص النهارده هو اللى بيحصل بكره عشان كده هما مش بيبقى حبيبه وعلى فكره فى ناس فعلا مازال حبهم قائم وبيزيد عشان هما اللى بيحيوه . والملل دا يا جماعه هو عباره عن نقط ضعف بين اللى اتنين لو عدوها يبقى مفيش خوف يبقى هما كدا وصلوا لاقصى درجه من الحب انا معاك يا هووس
يا جماعة انا عارف ان فى نسبة كبيرة بتبقى لعب عيال بس فى على الاقل 1% من العلاقات دية بتبقى حب حقيقى بس الظروف اللى احنا فيها بتمنعهم من الاستمرار ...... يعنى الطبيعى دلوقت ان الشاب بيتجوز وهو عندة 30 سنة طيب هيعمل اية من20 لغاية 30 يعنى الـ 10 سنين دول هيقضيهم اذاى هل طبيعى انة لا يحب ولا يتحب يا ريت حد يرد عليا عشان الحكاية دية شغلانى
من 20 لغاية 30 انت مش فاضي أصلاً تبص وراك يعتي فى 10 سنين دول بتدأ تفكر فى انك تخلص الجيش وبعد كده تشتغل وبعد كده تبدأ تكون نفسك وتأسس بيت وخلال فترة الاعداد والتكوين تكون بتدور على واحده كويسه تساعدك وتكمل معاك إلي بدأته مش معني كده انك متحبش حب بس حب صح من غير تجريح فى حدمن الطرفين يعني انا مش هأقول ان الواحد يفضل قاعد كده من غير ميتعرف على واحده لان مفيش اصلاً راجل بدون تجارب وحالياً بردك مفيش بنت من غير تجارب وعبيط إلى يقول انه ممرتش عليه تجربه بس التجارب دى المفروض نتعلم منها وانا فى رأى انه بردك اسمه حب تيك اوى وده رأى
يعنى انتا لازم تحب فى العشر سنين دول انتى بتقولى حب تيك اواى ومين البنت اللى هتقبل على نفسها كده مفيش لاااازم حل لمشكلتنا دى ولا ايه ردو علينا يا خونا
لو عشرة سنيين تيك واي تبقي في رائي قلة ادب علشان مفيش تيك واي بيعدي كده لازم حاجه بتحصل بينهم حتي لو حاحة بسيطه برده قلة ادب ومنعملش زي النعام وندفن راسنا في التراب ونقول انهم معملوش حاجه غلط
بس تفتكروا لو واحد عنده كذا حاجة تشغله , يعني بيدرس و بيشتغل و بيخطط لمستقبلهو كمان بيشارك في اي نشاط سواء رياضي أو اجتماعي ( أو جيش) مثلا تفتكروا ساعتها حيفكر في حب تيك take away?
هى بقت كدة ماااااااااااااشى
لا طبعا مافيش حاجه اسمها حب تيك اوي ومافيش حد بيحب وحس الحب وعرف معناه يقول كده (الحب جحيم يُطاق . . والحياة بدون حب نعيم لا يطُاق )وياريت اكون صديقه خفيفه عليكوا ولو حد زعلان مني بجد انا مش بحب حد يزعل مني
في قديم الزمان
حيث لم يكن على الارض بشر بعد
كانت الفضائل والرذائل تطوف العالم معا .... وتشعر بالملل الشديد
وذات يوم وكحل لمشكله الملل المستعصيه؟؟؟؟
(( اقترح الابداع لعبه واسماها (( الاستغمايه
احب الجميع الفكره ..... وصرخ (( الجنون )) اريد ان ابدأ
انا من سيغمض عينيه وانتم عليكم مباشره الاختباء ... وبدا العد
1
2
3
وبدأت الفضائل والرذائل بالاختباء
............ . وجدت الرقه مكان لفسها فوق القمر
............ واخفت الخيانه نفسها في كومه قاذورات
............ دلف الولاء بين الغيوم
......... ومضى الشوق الى باطن الارض
............ .الكذب قال بصوت عالي ساختفي تحت الحجاره .. ثم توجه الى
قعر البحيره
واستمر الجنون
78
79
80
خلال ذلك اختفت الفضائل والرذائل ما عدا الحب
كعادته لم يكن صاحب قرار وبالتالي لم يقرر اين يختبي ؟؟؟؟
وهذا قرار لم يفاجأ احد ... فنحن نعلم كم هو صعب اخفاء الحب
تابع الجنون ..
95
96
97
وعندما وصل الي المئه قفز الحب في وسط اجمه من الورد واختباء بداخلها
فتح الجنون عينيه وبدا بالبحث ...... كان الكسل اول من انكشف لانه لم
يبذل اي جهد في الاختباء
ثم ظهرت الرقه من فوق سطح القمر ....وبعدها خرج الكذب من قاع البحيره
مقطوع النفس ..... واشار الي الشوق ان رجع من باطن الارض
......... وجدهم الجنون جميعا الواحد تلو الاخر
ما عدا الحب
كاد الجنون ان يصاب بالاحباط و اليأس في بحثه عن الحب ... حين اقترب
منه الحسد وهمس في اذنه ... الحب مختبئ في شجيره الورد !!!!!!؟
التقط الجنون شوكه اشبه بالرمح .... وبدا في طعن شجره الورد بشكل
طائش .... ولم يتوقف الا عندما سمع صوت بكاء يمزق القلوب .........؟
ظهر الحب وهو يحجب عينيه والدم يقطر من بين اصابع يديه
صاح الجنون نادما ............ . يا الهي
ما ذا فعلت ..........؟؟؟؟؟؟؟؟؟
ما ذا افعل كي اصلح خطئي .....؟؟؟؟؟؟؟
بعد ان افقدتك بصرك ............ ...؟
اجابه الحب .........لن تستطيع اعاده النظر لي ولكن
لا زال هناك ما تستطيع فعله لاجلي .......؟؟؟؟
كن دليلي .......... !!؟
وهذا ما حصل من يومها ...... يمضي الحب اعمى يقوده الجنون
الحب زهرة ناضرة لايفوح أريحها إلا إذا تساقطت عليها قطرات الدموع
اللة على كلأمك ياسنيوريتا انت وبسبسة فى ناس الواحد بيفرح لما يسمع كلمهم بعدين ياجماعة عشر سنين اية ألى انتو بتتكلمو عليهم انتو هنا فى مصر ألى بتقدم يدى المساعدة للصغير قبل الكبير يعنى الحكومة عملة اسكان للشباب والحمد للة فى فرص عمل كثيرة للشباب وكمان الدولة عمللكو حفل زفاف جماعى وربنا يخلى الكبير مش حرمنا من حاجة تيجو انتو وتقولو عشر سنين بالزمة مش حاجة تكسف ===== الكبير كدة يزعل ومن حق الكبير يدلع
أجمل ما قرأت عن الحب:
في عينيك ....... عنواني
وقالت : سوف تنساني
وتنسى أنني يوما ً وهبـتــُك نبض َ وجداني
وتعشق ُ موجة ً أخري وتهجر ُ دفءَ شطآني
وتجلس ُ مثلما كنا لتسمع َ بعض ألحاني ولا تعنيك َ أحزاني
ويسقط كالمُني إسمي
وسوف يتوه عنواني
تُرى .. ستقول ياعمري بأنك كنت تَهواني؟؟؟؟
فقلت : هواك ِ إيماني ومغفرتي ... وعصياني
أتيتك ِ والمُنى عندي بقايا بين أحضاني
ربيع ٌ مات طائره ُ علي أنقاض بُستاني رياح الحزن ِ تعصرني
وتسخر ُ بين وجداني
أحبك ِ
واحة ً هدأ ت عليها كل ُ أحزاني
أحبُك ِ
نسمة ً تروي لصمت الناس.. ألحاني
أحبُك ِ
نشوة ً تسري وتشعل ُ نار َ بركاني
أحبك ِ
أنت يا أملا ً كضوء ِ الصبح يلقاني
أمات الحب ُ عشاقا ً وحبك ِ .. أنت ِ أحياني
ولو خُيرت ُ في وطن ٍ لقلت ُ هواك أوطاني
ولو أنساك ياعمري حنايا القلب تنساني
إذا ماضعت ُ في درب ٍففي عينيك عنواني
( فاروق جويدة)
كلأم جميل جدآآآآآآآ شكلك كدة رمانسية جدآ وانا بحترم الأنسان الرمانسى لأن الرمانسية شىء جميل وميهتمش بالجمال ألا الاجمل منة
مآوحشتك
في داخلي شبّاك يشكي غيابك
إيده على خده ..يناديك وينك .؟!
صدقني !!
صرت اعيش الشك كله
في يقيني !
وش يهم إن مرّت اللحظة .. بدونك !
وش يهم إن مرّت الليلة ... بدونك
وش يهم إن مرّت ايامي .. بدونك
صدقني !!
من فقدتك !!
ما بقى حاجة مهمّة :
لي مع نظر عينك دروب ومشاوير
ولي مع سناء ضحكتك عهد وتحالف
لاقلتـ آسف.. تقبل المعاذيـر
طيب فديتك ياهوى الروح)آسف(
صباح الورد متعطر بعطركـ
أقدم لك كلمة أحبكـ
مع مشاعر ماتهدكـ
وهمس يذوب على خدكـ
وشوق يغني على قلبكـ
وعيون بس خاطرها تشوفكـ
وإذن ماتريد تسمع غير صوتكـ
ولي قلب يصون حبكـ
وماقدر أقول شي ثاني غير اني
~ أحبكـ موت ~
يا شمس عمري يـا دفاي وحنيني
جيتكـ حـروف الحب وعيونكـ كتاب
بلحيل احبكـ يــا رجاوي سـنيني
وحـبكـ فتح للعاطفه كــل الابواب
احسـاسي الصادق معـكـ يحتويني
واحساسي لغيركـ مـن الحب كـذاب
طارت طيور المشاعر
من سما القلب الرقيق
ترسل لقلبك موده
وتاخذ زهور ورحيق
وتخبرك أني اعيشك
)صاحب(
)وخل(
)ورفيق(
بعدك اضناني وكسرني
وروحي من دونك
تضيق
ليه احس اني معاك
انسان ثاني واني اسعد
شخص في هذا الوجود
وان بيديني مفاتيح
الاماني كل درب امشيه
مفروش بورود بكل
ماشفتك تسمرت بمكاني
كن في عيونك
لخطواتي قيود كلمتين
وكني مضيع لساني
نظرتين وكل مافيني
يجود
سطرت أحروف المحبه غـلا وأشـواق
للغالي اللي وسط القلـب ماأخـذ محلـه
ناديتكـ حبيبي لا تتـركـ القلـب يشتـاق
هات الفـرح والبعـد مـا أقـواه خلـه
يانبض شعري يااسم داخل القلب خقـاق
أنت الحبيب اللـي قلبـي مايـوم ملـه
لوأكتب أحساسي تضيـق بـه الأوراق
أنت الشعر وريح العطـر والغـلا كلـه
سأرسم حدودي على
خارطة عمركِ
فعشقك
وطن لاحدود له
لاأحد سواك على قلعة قلبي
سأنصب خيامي فوق
واحة عينيك
وأغرس أعلامي في
ظلمات ذاتك
وأزرع ورودي في
تربة دمائك
وأكون لاجئاً عاطفيا
إلى وطن أحضانك
ليلة فراق
يوما رايت دموع القمر
تسيل على خدودى كالمطر
علمت انه فرقنا القدر
ورايته يجف ماء البحور
وبركان احزانى يثور
ولا تنمو البذور
وتذبل الزهور
وتبكى الطيور
اصبحت الحياه امامى
لوحه الامى
وتبعثرت الامانى
وسقط الثمار
من اعلى الاشجار
وعصفور الحب الجميل طار
وكتب اقرار بالفرار
من قلبى المحتار
وقلبه الغدار
وضاع دفىء الشمس
كنت اتمنى قلبه يحس
بانى اشتاق له وحده بس
اشعر انه سريعا جاء الخريف
وتمايلت اسجار العشق
وسقط اوراق الحب
وليل الحزن يندث علينا
مثل الشبح المخيف
وانتهت القصة
انتوا عارفين يا جماعة؟انا لما كنت صغيرة كنت دايما بحلم انى اعرف ايه اللى فى قلوب الناس وايه اللى بيدور فى دماغهم فكركوا ان اللى احنا فيه ده احسن ولا انك تبقى واقف ادام اللى بتحبه فاهم بيفكر فيك ازاى وحاسس ايه من ناحيتك,نفسه يقولك ايه ومش قادر,وبيكدب عليك فى ايه؟المهم ان احنا عارفين ان ده لا يمكن يحصل بس لو احنا عجبتنا الفكرة ليه منحاولش نحققها باننا نكون صرحا مع نفسنا قبل ما نكون صرحا مع الناس.كدة كلنا هستريح. ولا ايه؟ نور الله
السلام عليكم ياجماعة انا ميرو انا بحب شخص جدا جدا جدا اكتر من اي حد في الدنيا بحبه والله العظيم والله اكثر من نفسى وبفضله عن اى حاجة تانية لدرجة انى بجد بحس بيه وهو بعيد عنى وهو عمره اساسا ما كان قريب منى بحس بفرحه بحس بجرحه وبمشاكله كمان تخيلوا بحس بيه في اصحابه رغم ان انا ماببقاش عارفة ان هما اصحابه بعد كده بشوفه معاهم مابنامش الا عشان احلم بيه مابخرجش الاعلشان ممكن المحه فى الطريق برفض اروح مكان احس ان احتمال وجوده فى ضعيف وانا احساسى بيه بيبقى صح على فكرة وجربت كده كزا مرة ورغم كل ده مش بكلمه معانه حاول معايا بس انا مش بتكلم مع حد وخايفة اواجهه بس فى مشكلة هل هو بيحبنى فعلا ولا عايز يتسلى بيا زى شباب اليومين دول اعرف ازاى بس من غير ماكلمه بجد عايزة نصيحة مفيدة
بصي يا ميرو يا بنتي , انتي لو حاسة ان الانسان ده كويس شوفيه عايز ايه .
عارفة لو الانسان ده بيحبك بجد, عمره ما حيسمح احد انه يقول عليكي كلمة مش كويسة و حيحافظ عليكي جدا علشان انتي حتكوني بالنسبة له زوجة المستقبل, حتحسي انه بيحترمك قبل مايكون بيحبك.
بما ان انتى يا ميرو بتقولى ان احساسك بيه دايما بيبقى صح , يبقى تسألى احساسك , جربى و قوليلى احساسك قالك ايه .
احساسى بيه وبيلى في عنيه بيقول ان في حاجة لكن بيقول حاجات وبيعمل حاجات غريبة غير ايلي بشوفها في عنيه بحس ان الانسان ايلى انا بشوف الكلام ده في عنيه غبر ايلى بيتكلم خالص مش عارفه ليه كده فقولى بقى اصدق كلامه ولا عنيه والله العظيم انا احترت وكتير اوى من صحابى قالولى ان هو بيحبنى من تصرفاته لاني مابكلمهوش الا فى حدود المكان ايلى انا شفته وعرفته فيه مش بتعدى حدودى بس هو محيرنى مش عارفة ده لانه مابقاش عنده ثقه في اي بنت زى ما كان بيقول دايما فخايف لاكون انا كمان زى اي واحده من ايلى هو عرفهم ولا هو بيتقل علشان انا ايلي اضعف واقلهالو الاول بس ده طبعا عمره ما هيحصل مني فعشان كده عايزة اعرف طريقة اتاكد بيها وبرضة هو مايحسش ان انا مهتمة علشان مايتغرش عليا على فكره يا BESBESSA هو بيحترمنى لانه اصلا اما كان بيحاول يكلمنى كان بيبقي خايف لانه عارف انى هاصده لانه قالهالى قبل كده انه بيخاف يكلمنى علشان بحرجه
بصي يا ميرو يا بنتي
انتي بتحبي الحب نفسه , الانسان ده بيخاف منك بس مش شرط يكون بيحترمك. الخوف حاجو و الاحترام حاجة تانية خااااااالص.
بتقولي بيتقل, طب ليه و ما فيش حاجة واضحة بينكم. سيبك من موضوع الكلام اللي في عنيه ده علشان كده انتي بيعلقي نفسك بحبال دايبة. هو لو بيحترمك حيقلك هو عايز منك ايه و لو ما قلش تاكدي انه هو الخسران.
مطلوب منك بقى الفترة اللي جاية دي انك متدهوش اي اهتمام زيادة , كلميه عادي جدا جدا و متستنيش حاجة معينة تحصل.
انا عايزة اقولك ان انا فعلا بتكلم معاه عادى جدا ويمكن يكون اقل بكتير اوى من كل الموجودين انا كمان عايزة اقول ان في ناس كتير اوى بيقولوا لى ان ده مايستاهلكيش بس انا بيبقي صعب عليا اوى انسى حد انا متعلقة بيه اوى ودى مشكلتى حتى مع اصحابى ايلى افترقت عنهم بس انا عايزة اعرف حاجة ليه انا دايما بفترق عن كل الناس ايلى بحبهم ودى بقى المشكلة ايلى انا بعانى منها ياعمرو مش انت كنت عايز تعرفها اهى هى دى المشكلة ورغم انى عارفة ان الموضوع ده عمرة ماهيكمل بس مش عارفة ليه بتعلق وبدى نفسى امل حاولت انساه مليار مرة قبل كده وماعرفتش وصحابى كمان كانوا بيحاولوا معايا بس انا برضة مش عارفة لو عندك نصيحة جامدة وجديدة قوليهالى لان انا لتنصحت بكل النصائح
انا عندى ليكى رأى مش عارف اتقالك قبل كدة ولا لا , بس هو متجرب قبل كدة و بيجيب نتيجة .
حاولى تحبى حاجة تانية يعنى مش شرط حد تانى , ممكن يبقى اهتمامك كله فى مجال تانى سواء شغل او دراسة او موقع زى حدوتة كدة او رياضة او ملاجئ او دراسة موسيقى , جربى و قوليلى اللى حصل .
ma3takedsh en mawdoo3 el ertebat dah byeb2a rawshana wala 7aga zay ma 2al (to be or not to be)....mashy fi shabab keda bas dah yeb2a sorry tafeh w mo5o so3'ayar.......howa yemken byeb2a bey3ady 3al wa7ed wa2t byeb2a mosta3ed feh eno y7eb aw yertabet ya3ny w dah 3'aleban byeb2a awel sneen el koleya....bardo el fara3' loh 3amel kbeeeer awy fel 7ekaya dih 3ashanel wa7ed byeb2a mafish 7aga sha3'laah f byebtedy yefakar fel mawdoo3 dah wey7es en na2so 7aga w bezzat lama yshoof so7abo tab eshme3na homa ba2a???....w ana ra2yy en fe3lan elly bey7eb aktar howa elly byet3ab aktar..ummmm bas keda w ya rait a3raf ra2yoko ya shabab w thx 3ala el mawdoo3 el gameel dah :)
ممكن يكون الارتباط عند بعض الناس يكون تسليه لكن مش كل الناس لان فى ناس حبت بجد وارتبطت وفى اللى حب بجد و فشل بس دى حياتنا ولازم نعشها حتى لو من غير ارتباط و اكيد مش ديه النهايه ممكن تكون البدايه وديه نصيحه منى لاى حد ناوى يرتبط
Don't Marry a person You can Live With...
Marry Someone You cannot Live Without
مرسي جدا على رايك هو فغلا الرأى ده اتقالى قبل كده بس انا وقتها ماكنش الرأى ده بينفع معايا لأنى اصلا ماكنش عندى اى استعداد ان انا اخرج الموضوع ده من دماغى لكن دلوقتى بجد بعد كلام بسبسة ايلي دمرنى جدا بحاول اخرجه وعلى فكرة انتوا مش اول ناس نصحونى بالتكبير منه علشان كده فعلا بحاول اعمل اى حاجة في حياتى غير ان انا احب البنى ادم ده لأنى زهقت من الانتظار والنهاردة اتعرض عليا اتقدم فى دار ايتام وبجد فرحت جدا لأنى محتاجة اشغل وقتى بحاجة تانية
برافو يا ميرو , بجد انا فرحانة بيكي قوي.
بس يا رب كلامي يكون اكلامي مدمركيش ولا حاجة زي ما بتقولي.
محاولنك لنسيانه بانك تعملي خير في ملجا أيتام دي رائعة و بتأكد انك انسانة قوية .
عارفة لما تشوفي الايتام دول كتير و تحسي انهم محتاجينلك مش بس حتحسي ان فيه حد بيحبك, حتحسي بحاجة أقوى من كده بكتيييير..... حتحسي ان ربنا بيحبك, حتحسي بيها قوي جواكي, حتحسي انه واقف جنبك بجد .
عارفة بجد انتي انسانة جميلة قوي , و ربنا فعلا بيحبك. أوعي تفكري في حد مش بيحترم مشاعرك..أوعي
من اصعب الحاجات فى الدنيا دى كلها ان اللى قدامك يكون عارف انك بتتالم وبرضه ييجى عليك.والاصعب من كده انك تكون محتاجله اوى وتلاقيها مش فارقة معاة بس اللى يجن بقى انه يكون واثق انه هيلاقيك جنبه لما يحتاجك وانت تبقى واثق انك لو بتموت مش هتلاقى حد جنبك اما الحاجة اللى تقتل ان الواحد يفضل يفكر ويفكر لحد ما يوصل لدوامة مش عارف يخرج منها اعتقد انى وصلت لمرحلة اصعب من كدة بكتير انا مبقيتش قادرة اثق فى حد ولا فى نفسى ووصلت لمرحلة انى مش قادرة اتكلم مع حد ومش قادرة اعمل حاجة والناس شايفانى بتألم اوى ومنهم اللى مش عارف يتصرف ومنهم اللى فرحان بكده.ما علينا اهى ايام وبنعيشها
مرسى جدا المرة دى رأيك ادانى امل جامد جدا فى ان انا مااهتمش بأى حد ما بيحترمش مشاعرى وربنا بيحبنى كمان علشان حاجة تانية لآن انا عرفت الموقع الجامد اوى ده بجد لقيت حل لمشكلتى معاكوا انا مش عارفة انساه خالص فعلا بس على الاقل اليومين دول ولآول مرة بفكر بجد ان انا انساه ومرسى جدا وعلى فكرة انا حبيتكوا من غير ما اشفكوا ممكن اعرف اسم سنيوريتا الحقيقى علشان انا بحب رأيها ورأيك جدا يا بسبسة وعلى فكرة انا عرفت اسمك يا بسبسة
الواحد ممكن يكون مرتبط بأهله,وممكن يكون مرتبط باصحابه,ممكن يكون مرتبط بواحد بيحبه.بس اهم حاجة أنه يقتنع بقول سيدنا جبريل لما نزل على سيدنا محمد صلى الله عليه وسلم:يا محمد عش ما شئت فانك ميت وأحبب من شئت فانك مفارقه
من واحنا صغيرين مشفناش فيلم اكشن,كوميدى,مغامرة,او حتى فيلم ملهوش اى لازمة الا وبرضة اتكلم عن الحب,بس مش اى حب لأ دايما يتكلم عن قصص الحب المثالية اللى تخلى الواحد بيحب على نفسة ونفسه يجرب يحس بالأمان -الكلمة دى انا شايلاها من قاموسى من زماااااان-ما علينا وبيفضل يدور فى وشوش الناس على الشخص اللى هيعوضه عن الحياة معدومة الأمل اللى بيحارب فيها بهدف الأستقرار,لحد ما ياخد على دماغه ويفهم ان الحب ده زى السراب ميجريش وراه غير الناس الساذجة ويلاقى نفسه عمال يجرى ويجرى لحد ما يموت.بس الأنسان هو اللى بيحب انه ياخد على افاه بمزاجه ولو حد واجهه بيرفع راية العبط مش هقول الراية الحمرة لأ هقول الراية السودة الراية اللى ملهاش أى وجود دلوقتى من وجهة نظرى
كتر البكا يعلم الاسيه ايه رايكوا صح ولا ياريت تقولوا رايكوا بجد يهمني قوي عايزا اعرف ده حقيقي ولالا
العشق مرض ليس فيه أجر ولا عوض
by the way all the colleage students..teenagers..and they do not understand the life like adult..or what they care about is spend good time only...
صعب ان الواحد يحب وهو فى الجامعة لكن غالبا الواحد بيلاقى نفسة حب من غير ما يقدر يتحكم فى مشاعرة اكيد بسبب الاختلاط بس الاختلاط مش هو السبب لوحدة ولو امتنع المشكلة مش ح تتحل عشان الواحد لو محبش من جوة الجامعة بيعرف وبيحب من برة الجامعة هى هى يعنى وعشان الحب دة فطرة وغريزة فى الانسان بس المشكلة ان الشباب بتدخل فى علاقة حب وهما عارفين انها مش حتكمل ودة اكبر غلط لان معظم اللى بيحبوا فى الجامعة والموضوع دة بيفشل لاسباب كتير ولازم اللى يحب يجب بجد واللى معاة تقدر ظروفة وتساعدة كمان بس بردو فى نفس الوقت فى ناس بتقدر تتحكم فى مشاعرهاوتحجز مشاعرها عشان مش عاوزة تتدخل فى موضوع عارفة نهايتة عشان مش اى حد يقدر يستحمل الفشل؟
متهيالى صعب اوى حد يتحكم فى مشاعرة خصوصا لو كان لسة فى سن صغير وتجاربة قليلة ممكن يتحكم بعد ما يكون خد درس جامد وطلع من نفوخة بعد كدة يتحكم ذى ماهو عايز
يا حامد انا ماقولتش انة سهل الواحد يقدر يتحكم فى مشاعرة بالعكس دة صعب اوووووى واللى بيتحكم فى مشاعرة دة بيتعب اوى لكن هو مضطر يعمل كدة عشان لو ما تعبش فى الاول ح يتعب فى الاخر لما الموضوع يفشل فالواحد يتعب شوية فى بداية الموضوع احسن ما يحب حد قصة حب جامدة اوى وبعدين تفشل كالعادة ويتعب اكتر عشان زى ما انت عارف حب الجامعة قليل اوى لما ينجح وربنا معة الناس كلها؟ولعلمك مش شرط السن الصغير ولا يكون خد درس عشان يتحكم فى مشاعرة ممكن ما يكونش مر بحب قبل كدة بس من كتر الواحد ما شاف وسمع بيخاف يدخل فى قصة حب عشان النهاية معروفة؟
يا ريت تكتب اسمك او اسم مستعار عشان اعرف ارد عليك وبعدين انا شايف ان رايك دة مهم بس هل هو دة الصح يعنى المفروض الواحد بعد كدة يدخل الجامعة او الشغل او اى مكان وهو ناوى وعامل حسابة انة ميدخلش فى اى علاقة ولا حتى يفكر فى اى حد من الناس اللى هيتعامل معاهم انت عارف دة هيخلى الواحد مش على طبيعتة وهتخلية يتعامل بحذر وخوف مع الناس ودة ممكن يتفهم غلط للى ميعرفش اصل الموضوع ياريت تكون فاهم انا عايز اقول اية
اكيد يا حامد انا فهمت قصدك بس مش لازم الواحد لما يدخل الجامعة او شغل يكون ناوى زى ما انت بتقول بس على الاقل يعمل حسابة ويفكر كويس قبل ما يدخل اى علاقة عشان فى ناس بتدخل مجرد انها تحب وتتحب بس مش مهم الارتباط الرسمى وتكون عارفة ان الموضوع حيفشل ودة غلط المفروض اما الواحد فى علاقة جد وينوى الارتباط بجد ويكون واثق ان الطرف اللى معاة هو شريك حياتة بجد وهو الوحيداللى ينفع يكمل معاة باقى حياتة عشان لو معملش كدة حيظلم نفسة واللى معاة كمان BOSSY
الله ينور عليكى انا كده فهمت قصدك بس الناس اللى انتى قصدك عليهم واللى دخلين فى علاقات وخلاص وهما من الاول عارفين النهاية اية دول ميهمنيش ومش هما دول اللى كتبت الموضوع عشانهم انا كتبت الموضوع على الناس اللى بتدخل فى علاقة بجد وعايزة تكمل وتفتح بيت وتصون نفسها ومش قادرة هما دول اللى المفروض نتكلم فى مشكلتهم اما الناس اللى بالى بالك دول ربنا يهديهم
اكيد انت صح يا حامد بس الموضوع اللى انت كتبة بيتكلم فى العموم مش لحد معين زى ما انت بتقول اللى هما عاوزين يفتحوا بيت وكدة الموضوع دة عبارة عن علامة استفهام ان لية الواحد بيبقي عارف ان العلاقة ح تفشل وندخل فيها واكيد بردو على كلامك فى ناس بتحب بجد وعاوزة تفتح بيت بس اللى عاوز يعمل كدة فعلا لازم يكون واثق من نفسة ومن ظروفة وانة يقدر يفتح بيت مش ان الواحد يقعد يحب فى واحدة وهو عارف ان اهلها ح ترفضة عشان ظروفة للاسف دلوقتى اللى ظروفة حلوة هو اللى يقدر يحب ويتجوز ودة بيظلم ناس كتير وربنا يهدى ويوفق الناس كلها؟؟
انا متفق معاكى وانا كنت لسة بتكلم مع واحد صاحبى وبقولة ان الحب بقى دلوقتى عبارة عن اوبشن ذيادة مش طبيعى يكون عند كل واحد واللى معاة هو اللى يقدر يجيب الاوبشن دة واللى ممعهوش يخلية جمب امة احسن ...................عايزين نشوف تعليقاتك فى باقى الموضوعات ويا ريت باسمك عشان اعرف ارد
كلامكم حلو اوى
عزيزى حدوتة
أقولك بقى سر شويبس0الحكاية ببساطة اننا مجتمع التناقضات0الواد من دول يعد يحب يحب ويوم ميفكر يتجوز مبيفكرشى فى اى حد من الى حبهم 0بيروح ينقيها كده ولا اجدعها شوال بطاطا0يعنى الجواز عنده لمجرد فكرة الجواز 0شفت مرض اكتر من كده0وغير كده حجات كتيير لو قعدنا نتكلم من هنا لتانى يوم مش هنخلص0بس انا بس حبيت ادى مثال0
إرسال تعليق