على فكرة انا طيب , بس اوعو تقولو لحد , اصل تقريبا كدة الطيبة لها معنى تانى ....ايوة صح .. الهبل
قولتلهم ان انا طيب بس مش اهبل قالولى ما ده هو ده ,
هو صحيح ده هو ده ؟
ولا لسة فيه فى الدنيا دى مكان للطيبة و لسة فيه ناس بتحب و تحترم الناس الطيبين
الأربعاء، ٢٥ يوليو ٢٠٠٧
كان طيب
الاشتراك في:
تعليقات الرسالة (Atom)
هناك ١٥ تعليقًا:
الموضوع ده جامد مووت وبيعبر عني انا بجد مشكلتي في الدنيا اني طيبه بعامل كل الناس بطيبه اوي حتي لما ارتبط بشخص وحبيته بكل احساسي وكان هو كل حياتي قالي اني طيبه بعد كده لما عرفني اكتر قالي انتي ساذجه وهبله في زمن ماينفعش فيه كده والسؤال ده فعلا محيرني هي الطيبه بتساوي في زمنا هبل وسذاجه ياريت تقولولي اعامل الناس ازاي بس انا شايفه نفسي كده كويسه وان الطيبه مش هبل الناس الوحشه هما اللي كترو انا منتظره رد بسبسه بالاخص ليا وتقولي اعمل ايه عشان يابسبسه هو سابني عشان طيبتي بس انا مش عايز اتغير انا حابه نفسي كده وبقول هايجي اليوم اللي اقابل حد يفهم ويحس طيبتي وياريت برضو ياعمرو تقولي الحل ايه انا محتاجه اوي اسمع رايكوا يمكن يخرجني من اللي انا فيه
الطيبه دى حاجه جميله اوى بس فى الوقت اللى احنا فيه لازم الواحد يخبى طيبته لأن زى ما انت قولت الطيب بيتقال عاليه اهبل , بس انا رأيي ان لو الطيبه معاها ذكاء الواحد هايسيطر على الوضع و مايخاليش اى كاءن يقول عليه اهبل
الصراحة انا طول عمرى مقتنعة بان مش كل الناس تستاهل اننا نتغير علشانهم وشايفة ان حتى لو كانت الطيبة بيسموها هبل اليومين دول احنا فينا عقل نفكر بيه ونعرف ان الطيبة دى صفة من احلى الصفات فى الدنيا.بس اهم حاجة ان الواحد لما يبقى طيب يشغل مخه وميسمحش لحد انه ياخد حقه او يستعبطه.ولو كل واحد فينا اقتنع بان الطيبة هى الهبل هنفضل كلنا نحارب بعض وهتضيع الثقة ومفيش حد هيقف جنب التانى وكل الصفات الحلوة هتختفى واحدة ورا التانية.
انا متشكرة جدا على الثقة دي في رأيي و مبسوطة جدا بجد اننا بنسمع بعض و نفهم بعض و نحس ببعض , كاننا بنتكلم بلغة احنا بس اللي فهمنها. عارفين لماحد يتكلم هندي في مصر؟ حيحس بايه؟؟
حيحس انه لوحده , ده مش بعيد كمان ان الناس تتلم في الشارع علشان تتفرج عليك. لكن ممكن الأمر يختلف لو قابل واحد بيتكلم هندي.
اللي بيتكلم هندي في مصر ده مش أهبل بس مشكلته انه معرفش يتكلم هندي مع مين.
اكيد فهمتوا قصدي
الطيبة دي يا جماعة لغة راقية جدا و نادرة بس ما ينفعش نتعامل بيها مع كل الناس لانهم ببساطة...مش حيفهموها.
أنا مثلا كنت بتكلم هندي ( كنت طيبة) مع كل الناس, بس مش كل الناس بتقدر , لازم الواحد يشغل غقله و يخلي عقله هو اللي يختارله اللغة اللي يتكلم بيها مع اللي قدامه.
الطيبة موجوده وفي ناس كتير طيبه بس إلى يقول على الطيبه هبل يبقي هو إلى أهبل جرب كده تكون طيب مش بس مع الناس فى البيت مع والدتك ووالدك مع الزوج والزوجة مع الأولاد جرب والله وهتلاقي رد فعل جميل مش عيب أن الواحد يعامل الناس بطيبه احنا كلنا محتاجين حد يطبب علينا بأيد حنينه تحسسنا ان لسه فى أمان وطيبه وحب وحنان فى البلد إلى احنا فيها ماهو أصل لو الطيبه انعدمت يبقي خلاص قول على الدنيا يا رحمن يارحيم الكل هياكل فى كله ومحدش هيحترم حد ولا ايه حد يرد عليا وقولي كلامي صح ولا غلط انا ده رأى الطيبه هي الأمان والحنان والحب ده حتى الكلمه الطيبه صدقه ولا أيه .
ايه ذنب الانسان اللى بيتعامل بطيبه بس المشكله ان كل اللى حواليه مش يستاهلوا كده يعمل ايه ميتعاملش مع الناس اساسا ويعيش لوحده مثلا؟
لا اكيد مش ده الحل.....
الحل ان الانسان يبطل طيبه ويتعامل مع الناس بحرص وده ميمنعش انه لو اكتشف ان فى شخص يستاهل الطيبه يتعامل معاه بطيبه بس الاساس ميكونش الطيبه مع كل الناس وسامحونى صعب اوى انك تلاقى الشخص اللى ممكن تتعامل معاه بطيبه وانت واثق انه مش حيغدر بيك "وياريت كل واحد فينا يدور على الناس اللى تستاهل فى حياته ويحاول يعدهم" وتبقوا تقولولى
اولا: الموضوع ده مهم جدا.وانتوا كمان ناس جامدة جدا.... ثانيا:انا شايف اننا لازم نعرف ايه هى الطيبة .فى ناس لما متعرفش تاخد حقها بتقول انها طيبة واللى مكبر دماغه وملوش لزمة بنقول عليه طيب.الطيبة انك تحب الناس وتفرحلهم وتحب من قلبك وتكون صادق مع نفسك ومع كل الناس ...انا شايف انى لو عملت كل الحاجات دى عمرى ما حد هيؤل عليا اهبل ابدا...انا اسف لو طولت عليكم
الطيبة شى جميل او حاجة جميلة بس للاسف فى الزمن دا معدومة وصعب تلاقى شخصيةطيبة الناس تحترمها او تقدرها بس الطيبة دلوقتى ملهاش مكان فى الزمن اللى احنا فيا زمن الكل بياكل فى بعض ومحدش يحب حد اللى قليل والانسان الطيب دايما يتفهم غلط والناس بتبص ليا بطريقة غريبة بس هو مش زنبة اللى طلع فى زمن كلة بيكرة بعض وقليل اوى لما تلاقى حد طيب بس زمان كان عكس كدا ممكن يكون الناس اتغيرت بس الدنيا هى النيا بس فى الاخر فى مقولة جميلة جدا بتقول تعلمت القناعة والرضى بما لدى وان انظر لمن هم اقل منى واحمد ربى واقتنعت بان من ترك شيئا لله عوضة الله خيرا منة فتعلمت ان لااضغى اذانى لكلام الناس فالبعض يعيش ليتنقد وليسخر ويذم وان ارى بحياتى ماهو جميل وطيب فشرت بالسعادة فعلا فتمسك بقنعتك وطيبتك
طيب وايلى مابيعرفش يتعامل مع الناس بغيرها يعمل ايه على فكرة عمر الطيبة ايلى انا عارفاها وبتعامل بيها ماكانت هبل وبجد للأسف احنا مفتقدين الطيبة دى اليومين دول مش هانقول ان كل الناش وحشة بس99%منهم هما ايلى وحشين ومش عارفين معناها اجمل معنى وهى تشمل معانى كتير وهى الحب والحنان والايد الرقيقة ايلى تمسح دمعتك من على خدك وايلى تساعدك فى كل مشكلاتك وازماتك الجامدة اوى وتخرجك منها مش هاقول بسهولة بس كفاية انه بيعمل كل ايلى ممكن يتعمل واكتر علشان يخرجك من مشكلتك بأقل خسائر من غيربقى اى غرض لتحقيق مصلحة او منفعة الطيبة ايلى من القلب عارفينها ولا خلاص نسيناها من قلتها مش الطيبةبتاعة اليومين دول ايلى هيا كويس اوى معاك وواقف جنبك واول ما مصلحته تخلص ماتشوفش وشه تانى وفي بقة نوع تانى من الطيبة ايلى هو فعلا بيبقى هبل ايلى بيسكت عن حقه وبيسيب الناس تظلمه وتسرق منه حقه وهو واقف يتفرج ويقول مش هقدر اعمل حاجة دى ناس جامدة ياعم مانقدرش عليهم ربنا يعوض علينا فى ايلى راح اسفة طولت عليكوا
الطيبة لها اشكال كتيير و درجات.
اقل درجة منها هي الكلمة الطيبة و اعلى درجة هي انك تفضل الناس عن نفسك.
احنا اكيد مادمنا طيبين يبقى حنتعامل بطيبة , بس اللي انا كنت عايزة اقوله انك ما ينفعش تتعامل بكل اشكال لطيبة مع كل الناس.لازم تبقى عارف ازاي تبقى طيب مش تبقى طيب و خلاص. مش بس علشان الناس متفهمكش غلط لكن كمان علشان محدش يحاول يستغلك و علشان متتصدمش في الناس.
الطيبة في كتير من الأحيان بتعبر عن السذاجة والهبل وبم إننا تعميميين فخلينا الطيبة مرادف للهبل وخلاص مع إن أجمل حاجة في الدنيا الطيبة,أو يمكن المجتمع من كتر ما اتعود عالخبث والشر بقت الطيبة هبلة في نظرهم0
المهم إن الطيبة طيبة ملهاش معنى تاني00
ولا انت رأيك ايه؟
مع تحياتي00
والسلام عليكم0
ده مش هوا ده
لأ أبدا استحالة يا أخينا والله إنه فرق،
بس اللي يزود من الطيبة يكون أهبل.. لا تكثر بس
walahy ya gama3a ana bardo moshkelty el kbeeeeeeera awy eny tayyeb geddannnn w walahy b shahadet kol el nas elly et3amelt m3ahom w 3erfony kwayes......tab3an ana el mawdoo3 dah mesh medye2ny bas sa3at bgad bala2y nas matesta7a2esh el mo3amla el kwayesa di wel teeba 5ales bas bardo barga3 a2ool l nafsy enta el sa7 w mesh 7a3'ayr nafsy 3ashan nas zay dool wana ra2yy en el tiba men a7la sefat el ensan w beny w benko ana lama garabt at3'ayar washeel el teba aw 7ata goz2 mnha ma2dertesh bgad w delwa2t 5alas ektana3t en howa dah el sa7 w 2eny m2darsh a3eesh men 3'erha
مين اللي قال تتغيري
بالعكس اوعي تتغيري ماهو لو انتي اتغيرتي و انا اتغيرت و انت اتغيرت يبقى خلاص فعلا كده وصلنا لاخر الزمان و ساعتها الدنيا بقت غابة فعلا
بس الواحد لازم فعلا يكون طيب بس بشوية نصاحة و ديه بتيجي بالتجارب وواحدة واحدة مش هتلاقي نفسك اتغيرتي بالعكس هتلاقي نفسك بتتعاملي مع الناس بسهولة شوية
على فكرة انا كنت بعاني من نفس المشكلة بتاعتك و كنت بلاقي كل اللي حواليا بيستغلوا حاجة زيه ديه لكن دلوقتي مش هقولك بقيت شرانية بس بقيت اعرف اذا كان اللي قدامي يستاهل الطيية ولا لأ...... وربنا يوفقك في حياتك
to be agood person and kind not to be idiot....but alot of people think that...coz they used to deal with bad and evil people..so when they saw good and kind person they thought that he is an idiot
and by the way alot of people told me that i am kind person and they really mean it good meaning and i trust my self so i do not care all the time about thier opinion
إرسال تعليق