انا متدايق ومخنوق وقرفان وذى ما الشباب بتقول انا منفوخ من برنامج استار اكاديمى
ساعات بفكر بينى وبين نفسى انى لو كنت شاب روش ذى الشباب دول كنت عملت اكتر من كده
بس يلعن ابو الروشنه اللى تخلى الشباب كدة يا اخى
مش عايز اكبر الموضوع واقول إن فى جهات غربية من مصلحتها ان الشباب دول يبقى نجوم وقدوه
لان ده هيدخلنا فى نظرية المؤامرة والحوارات الكبيرة ديه بس الموضوع فعلا كبير
انا شايف قدامى شباب الناس بتابع حياتهم اليومية دقيقة بدقيقة على مدار حوالى ثلاثة شهور
وغصب عننا كلنا الشباب دول بيتأثر بيهم الاولاد الصغيرين اللى لسة تفكيرهم وشخصيتهم بتتكون
واللى متابع هياخد باله من كذا حاجة ..... اولا ولا واحد فيهم بيصلى مع إن اغلبهم مسلمين !!!
واغلبهم بيتكلموا يا انجليزى يا فرنساوى مع إن كلهم عرب !!!
والنهار كله يبوسوا ويحضنوا فى بعض على الفاضى وعلى المليان !!!
يمكن حد يقرا الكلام ده ويقولى انت بتغير منهم ونفسك تبقى مكانهم وتهيص ذى ما هم هايصين
بس اللى بيحصل ده فعلا صعب ومش طبيعى انا نفسى اعرف ابهات البنات دى فين
يعنى اذاى تبقى بنتى النهار كله بتتباس من اول بواب الاكاديمية لغاية الطلبة والاساتذة
و النجوم اللى بيغنوا معاهم كل ده والناس كلها بتتفرج عليهم وانا قاعد قدام التليفزيون ومركب القرنين
ويمكن كمان بلعب فى شنبى وفرحان أن بنتى مزة ومتظبطة على الشاشة قدام العالم كله
فى ناس هتقول ان ديه حرية شخصية وان كل واحد حر فى تربيتة !!! وانت لو مش عاجبك
ممكن تغير القناه وتشغل قناه اقرأ او المجد ..... كلامهم صح وعلى عينى وراسى
بس الاعلام بيغير حياة وتفكير وشخصية الشعوب !!! فانت متجبليش مجموعة
ولاد وبنات وانت مختارهم بيتكلموا انجليزى اكتر من العربى وبيقلعوا اكتر ما بيلبسوا
وبيبوسوا اكتر ما بيتكلموا ومقدمهم على الشاشة 24 ساعة والناس بتتأثر بيهم غصب عنهم
وتقولى فى الاخر ديه حرية !!! انا عايز اسأل سؤال الشباب دول طول قاعدتهم مع بعض
متسمعش منهم حوار مفيد بس لو سألت اى حد فيهم عن رأيه فى التطبيع
او رأيه فى امريكا مثلا تتوقع رده هيبقى ايه !!! ومحدش يقولى انت متعرفهمش فمتظلمهمش
لان المظهر العام للانسان يعنى طريقة لبسه وكلامه بيوصلك لطريقة تفكيره وشخصيته
يعنى بذمتكم دول هما اللى هيحرروا فلسطين !!! انا عارف ان الشباب العربى كله محبط
وان فى جو عام بيحاولوا يوصلوه للناس بأن اللى احنا فيه ده وضع طبيعى وان القوى لازم قانونه هو
اللى يمشى واحنا مفيش حاجه فى ادينا وان اسرائيل بقت امر واقع لابد انك تقبل بيه وتعيش معاه !!!
بس الحل مش انك تقدم نسخة من انصاف الرجال وانصاف العاهرات وتقول للناس
هم دول المشهورين والناجحين واللى الاعلام متابع اخبارهم اكتر من اخبار العراق ولبنان
انا اسف على اللفظ بس هما بيحولوا يقلدوا الغرب فى الكلام والرقص وقلة الادب !!! بس حتى التقليد احنا فاشلين فيه فبقينا ذى المسخ لابقينا رجاله ولا بقينا خوجات
الجمعة، ٢٢ فبراير ٢٠٠٨
استار اكاديمى
الاشتراك في:
تعليقات الرسالة (Atom)
هناك ٣٥ تعليقًا:
الحمد لله اني اول تعليق خصوصا اننا اسكندرانية شبه بعضينا
و الله انا شايف اننا زي اللي كان في جرة و طلع لبرة
قعدنا يامة نشتكي من كبت الحريات و الاعلام
واول ما جت فرصة اتفتحت الحريات في كل اتجاه ماعدا اتجاهها الصحيح يعني حريات في الرقص و الهلس ماشي
حريات في الدين و تلاقي عيال و شيوخ و نسوان كمان عمالين يفتوا برضه ماشي
موضة و توك شو ماشي
سياسة لا و الف لا
عموما اللي بيتفرج مش عبيط
بس هو مش لاقي حاجة مفيدة يشوفها
و حتى يتغير الوضع
اتمنى ان اعمل في الكرو بتاع البرنامج عشان ابوسلي كام مزة من اللي بييجو
و اوعدك اول ما الاحوال تنصلح اتوب و اشتغل مصلح اجتماعي
دي اول زيارة ليا في البلوج
بس قشطة
تحياتي يابن الجيهة
ايوة لا رجالة ولا (خواجات)
خيبة بعيد عنك
تحياتى
انت والله عندك حق ؛ المشكلة مش في استار اكاديميي نفسها لكن في الطريقة المعروض بيها والاختلاط بين البنات والشباب والاسفاف البيحصل بنهم وكمية العري والاحضان والبوس الي بيشوفة البنات والعيال سن 14.15.16 سن تكوين الشخصية ويشوفو الكلام ده وعرب كمان همه الموجودين بيترصخ في العقل ان البيحصل دة طبيعي وعادي بين البنات والشباب يعني البنت تنام عاااااااادي علي رجل الواد و يلعب في شعرهاو.......... وانتم عرفين ، وانا تبعت حلقة من فترة واحد منهم باس البنت امام الكاميرا عاااااااااادى بس مع كل التحفظات المذكورة يوجد اصوات جميلة جدا من البنات والشباب بس الطريقة والعيشة والاحضان شكلها غير عربى وغير اسلامي ولامسيحي وتصوير البنات وهي نايمه ديه حكاية تانية وكلامهم مع بعض والنور مطفي يا سلاااااااااام ما احلاه المهم محدش يخلي اخته الصغيرة تتفرج علي قلة الادب ديه والله يرحمن ويعفينا ويهديهم
احمد
انا متفقه معاك ان البرنامج مش كويس
وبيعرض علاقه الشباب بالنبات بطريقه سيئه ومنافيه للعقيدة والدين سواء الاسلام او المسيحيه
بس ناس كتييييييير متابعاه وانا عن نفسى بتفرج عليه لو كنت فاضيه لانى اصلا نادر لما افضى واتفرج على التلفيزيون بشكل عام
بس عارفه ان فى حاجات غلط ومش مقتنعه بحاجات كتيييييير فيه
بس هنلاقى ناس كتير فاضيين ومش وراهم غير التليفزيون والقنوات التحفه اللى موجوده وكلها بقت شبه بعض
ربنا يحفظنا ويحمينا من غزو القنوات دى جوه البيوت
ملك الكبده
والله منور المدونة
وبعدين مش انت اللى لوحدك نفسك تبوس بس برضة الواحد مبيحبش السياح
بس سيبك انت لو فى مليون بلوج برضة اسكندرية فى التوب
الطائر الحزين
والله انت ديما فاهمنى
احمد
انت متقدرش تمنع اخوك او اختك الصغيرة من انهم يتفرجوا ويتأثروا باللى بيحصل قدامهم
ده انت نفسك ممكن تتأثر غصب عنك من كتر الفرجة
بس هنعمل ايه
di el2mr
بس لازم على الاقل نبقى رافضين ده
ونبين رفضنا على قد ما نقدر
بص يا حامد ممكن كل واحد يتحكم في اخواته الصغيرين بمجرد انك تزم وترفض (حتي لو كان بالكذب )الي بيحصل وهم شيفين معاك اكيد هيسمعوا الكلام وخاصة لو كانت اختك بتحبك ووخداك مثل اعلي اكيد هتسمع كلامك وتنفذة والكلام ده عن تجربة
احمد الحاج
اولا انا عاوزة اقول انى مخنوقة من البرنامج زيك واكتر وانا فعلا شايفة ان الجهات اللى انت بتتكلم عليها نجحت فى تخريب عقول الشباب وشغلت كل طاقته واهتمامه بكلام فارغ بس انا عندى امل ان الحال ممكن ينصلح يعنى لما بشوف ناس زى عمرو خالد وغيره شغالين وبيحاولوا يفوقوا الناس بتفاءل وبحس ان ممكن بكره يبقى احلى
ana asef ene bakteb english.but idont have arabic.la7san t2olo 3alya min star academy.elmohem ana shayef en el program beymathel level mo3ayan men el nas mawgood fi egpt we kman fi el emirets.el program howa ele copy min el nas .yarab ykon klame wasalkom .thanks
يا حدوتة قول انك متغاظ
نزلت بوست عن الشباب اللى طافح الدم ومن حقه يمارس حياته الطبيعية
ولما شوفت العيال بتوع استدار اكاديمة مقضيينها بوس واحضان من غير جواز اتغظت انا عارفه ....
ما تسيب العيال يبوسوا ويحضنوا فى بعض بتحقدوا عليهم ليه
المزز ابهاتهم وماماتهم فرحانيين بيهم ويازين ماربو مزز للبوس
والشباب الكوووول مش بيعرف يعمل حاجه فى حياته غير انه يبوس وياخد المصروف من مامى يبقى مستنيين منهم يعملوا ايه
" ان لم تستحى فافعل ما شئت "
ودول اهاليهم فرحانيين بيهم
جتهم وكسة
بدل ما تتعب نفسك ابقى غير القناة يا باشا
semsema
كويس انك متفقة معايه
وانا معاكى ان فى شباب كويسين برضه
حسام
والله فيك الخير انك لسه فاكر المدونه وبتعلق ربنا معاك
انا بدعيلك (وببص لقدام) لما اشوف اخرتها معاك ايه
قطة الصحراء
على فكرة انتى ديما فهمانى غلط
يا ماما لو على البوس احنا نبوس اجدعها مزة فى بلدك
بس المسئلة مسئلة مبدأ
هاى ياحدوتة ازيك
على فكرة انا زعلانة منك اوى ازاى تتكلم كده عن شباب المستقبل الجميل دول اللى هيرفعوا العرب لفوق لفوق ولا المزز اللى بتتكلم عنها احسن من الخواجات احنا رايحيين على العالمية بخطى ثابتة احنا خلاص وصلنا
لازم نساند الشباب اللذيذ والمزز الجامدة لانهم أملنا فى الارتقاء بنهضة المجتمع وهم خير من يمثلنا امام العالم عشان بس الناس بره فاكرنا لسه بنركب الجمال دلوقتى هيعرفوا ان احنا اتطورنا خالص وهنسبقهم قريبا
وسلملى على العادات والقيم والمبادىء
ربنا يصبرنا
ستاراكاديمي مجرد مسابقة بشروط معينة من حقنا نوافق عليها ومن حقنا نعترض وبعدين الناس اللي راحت ناس راحت بمزاجها مش غصب عنها
النماذج اللي على الشاشة دي خطرها مش وجودها على الشاشة انما لو انت شايف ان في خطر منهم يبقى وجود النماذج دي في المجتمع بشكل عام
تحياتي
ايه مين فين عارف كنت بتكلم من كام مع واحد صديق صدوق على الموضوع ده
مش عاوزة اقولك احنا رأينا ايه علشان عيب
بس اللى اقدر اقوله تفيد بايه يا ندم وتعمل ايه يا غلبان دى الاب ديت الجديد بتاع اغنيه ام كلثوم هههههههههههههه
نورتنى فى كوكبى
totaaaa
والله عندك حق هم يضحك وهم يبكى
انا حر
انا معاك بس خطرهم على الشاشة اكبر لانهم متشافين وبيأثروا فى الناس
appy
انتى اللى منورة المدونة
وبعدين هو فى عيب اكتر من اللى بيحصل على الشاشه قولى رأيك بصراحة
الصراحه ياحدوته البرنامج نسخه لبرنامج اجنبي تقريبا فرنسي وهو دة العايزنا نوصلوا انحلال زاى العندهم وطبعا احنا سيد من يقلد وبعدين ياعنى انت زعلان من استار اكادمي طب والفيديو كليب الصراحه الانحلال الخلقي بقه في كل حاجه انا مش عارفه هيودونا فينا بعد كده
وبوست جامد
وتحياتى
اه ياااااني على حرق الدم
ma2tshren
بس البرنامج ده تأثيره اكبر من الفيديو كليب لنه بيحسسك ان الطبيعى بقى كدة وعلاقة الولاد بالبنات عادى تبقى كدة وهى دى المصيبة
اسكندرانى اوى
سلامتك من حرقة الدم بس هنعمل اية المصايب بتتحدف علينا واحنا قاعدين بنتفرج
هو لابقي في رجالة ولا خواجات لا مواخذه بقي في صهاينه بقينا كلنا دلوقت بنصهين الأب والأم بيصهينوا على ولادهم وعاملين نفسهم مش شايفين وبيقولوا دى حرية هو الجيل دلوقت بقي كده البلد نفسها بقت بتصهين على الأفعال والتصرفات الغلط إلى موجوده بين الشباب والشابات وبيقولوا دى ديمقراطيه وحريه راى وتعبير عارف ياحدوته احنا لو بطلنا نصهين ولو وقفنا فى وش الصهينه اكيد بعد كده مش هنوافق على الغلط الى بيحصل فى أى مكان
للأسف الغرب اتأكد من زمان ان تدميرنا مش محتاج رصاص ولا قنابل ولا اى حاجة من دي كل اللى هما محتاجينوا عشان يدمرونا انهم يفرقونا سواء في التفكير أو في غيره و للأسف برضه نجحوا في كده وده اكبر مثال ان اهم فئة ممكن يخافوا منها وهي (الشباب) بقوا للأسف في الباي باي يبقى فاضل ايه..... ربنا يستر علينا من اللي جاي.
ياريت تسمعنا صوتك يا مستر حامد(حكمدارك السابق)
انا معاك ياباشا وعمرى ما حبيت اتفرج عليه مع ان كل اصحابى من اول موسم بيتفرجو وبيقولولى وكل كلامهم مش عارف ايه وميونيز باين ولا منو ايه ومين طلع النهارده ميو حاجات غريبه كده وقله ادب وفعلا هما عيزنا نبقى كده
هيافا فى هيافا
تحياتى
ento leh mish 3awzen tesada2o en fi shabab mawgoden fi egpt zay ele fi el program.. el 7al mish enna nebatal neshof el program. ana kont a3raf nas men elno3 dah fi elgam3a..el shabab de mawgoda bas homa mawgoden fi el coffe`s and desko..ana kont a3raf banat min ele btbos we to7don ..el moshkela en 99% min el nas el hi shayfen en dah 3ade we kaman bey3almohm dah..el moskela asasan fi el tarbeya wel mabade2...... el mawdoo3 keber awi ya7adoota..thank`s
Hossam Hamed
حاجة تانية
مالهاش علاقة بالموضوع
تقريبا احنا متطابقين في حاجات كتير
اسكندرية محاسبة برج اسد سنة 83
فيه ايه يابني
انت مين بالزبط
يا خوفي لتطلع خيالي
هههههههههههههههههههههه
عمرو
والله العظيم وحشنى ومش لاقى حد ازاوله من بعدك
يسلم فومك طول عمرك قارى وفاهم ومستوعب الاشياء
على فكرة نمرتك ضاعت منى ومش عارف اوصلك
الف مبروك وعقبالى
ضد الظلم
منور المدونه يا باشا
وبعدين دول شباب نايتى يعنى بابا وماما واخواتى بياكلوا مربى يوماتى
وانت فاهم بقه الحركات دى
سلالالالالالالام
حسام
لا ياحسام انت مكنتش كدة
يعنى كل اللى هيسافر هيتعوج علينا ولا اية
يعنى محدش غيرك راح دبى
اللى اداك يدينا يابا
ملك الكبدة
ده شرف كبير يا باشا
وبعدين انت نسيت حاجة كمان انا مدمن كبدة
سلالالالالالالالالالام يا صحبى
onbor feha ya boooma ....we ba3den ana fe3lan et3alemt 7agat 3omr ma7ad hyet3alemha `3er ele mesafer.... bos l2odam ya hamed.....
HOSAAM HAMED
إرسال تعليق