الاثنين، ٣ مارس ٢٠٠٨

لو لم اكن مصرى لوددت ان اكون اسرائيلى

عنوان مستفذ ومقرف مش كده بس ايه المشكله يعنى ما كل حاجة حولينا بقت مقرفة ايه يعنى 100 ولا 150 فلسطينى يتقتلوا عادى ده بقه طبيعى واتعودنا عليه ...... وحتى الناس اللى بتتحمق وبتتكلم بيقولوا حماس هى اللى غلطانة وهى عارفة انها هتضرب صاروخ اسرائيل هترد بــ 50 يبقى ايه لازمته من الاول !!! و بيقولوا احنا مفيش حاجه فى ادينا شوفو قوتنا وشوفو قوتهم يعنى اى مواجهة مش هتبقى فى مصلحتنا وبعدين دى مش الحرب بتاعتنا وكل واحد اولى بأرضه !!! وفى ناس مستغربه وبتقول فى الغرب لو حد ضرب قطة ولا كلب ممكن يدخل السجن بس اسرائيل لو قتلت 500 واحد مش مهم ويقولولك دى ازدواجيه فى المعايير وفين الضمير العالمى وكلام كدة من اللى مبيتفهمش !!! انا بقه شايف الموضوع بطربقة تانيه خالص ..... العالم كله دلوقتى بقه مادى وكل حاجة فيه بقة ليها ثمن حتى الشعوب ليها ثمن وقيمه وعلى حسب قيمتك هتحدد اهتمام العالم بيك ..... وانا بقولها بكل شجاعة جزمة الاسرائيلى بــ 100 مواطن عربى وديه حقيقة حتى لو مش عايزين نصدقها !!! الجمله وجعتكم اوى صح ...... انتوا عارفين من حوالى اسبوعين ابن شارون كان بيتحاكم فى قضيه فساد من ايام ما كان ابوه رئيس وزراء اسرائيل واتحكم عليه بالسجن !!! شوفوا هما بيسجنوا ابن الرئيس واحنا بنورثه الحكم !!! هما لو الرئيس منفذش البرنامج الانتخابى اللى قاله يقدروا يغيروه ..... واحنا لو عايزين نغير رئيس الحى بتاعنا مش هنعرف !!! هما لو واحد مات فى حادثة يحققوا فى الحادثة ويعاقبوا الفاعل ..... واحنا مات عندنا 1000 واحد فى العبارة اللى غرقت وصاحبها عايش برة ومحدش عارف يكلمه !!! هما عندهم 3 جامعات من اهم 500 جامعة فى العالم ..... واحنا عندنا جامعة القاهرة ترتيبها رقم 14 على مستوى افريقيا !!! شوفتم بقه هما يسووا كام واحنا نسوا كام فى سوق الشعوب !!! ومحدش يقولى والنبى احنا مسلمين وهما كافرة لان ده حسابه عند ربنا يعنى احنا هندخل الجنه وهما هيدخلوا النار وحتى موضوع الجنه دة فى شك بعد البلاوى اللى بنعملها بس انا بتكلم فى الدنيا ..... ومحدش يقولى احنا فراعنه وعندنا حضارة والحوارات الفاشله دى عشان انا بحس ذى ما يكون واحد هدومه مقطعة ومش لاقى ياكل والنهار كله بيقول انا جدى كان باشا !!! احنا بقينا ملطشة العالم كله والكل بيشوط فينا من اول الرسوم المسيئة للرسول (صلى) وسب القرأن والحجاب لحد اللى بيحصل فى فلسطين والعراق ولبنان .....المفروض منستناش مساعده من حد ولا نستنى مين اللى هيكسب اوباما ولا هيلارى لان اى حد هييجى مش هيساعدنا لاننا منسواش !!! لازم الاول نغير من نفسنا وساعتها نقدر نواجه الدنيا كلها

هناك ٤٤ تعليقًا:

Desert cat يقول...

ليه بس تقليب المواجع يا حدوته
وبعدين خاف على نفسك ةمستقبلك
كدا هنعمل قطة حدوته فى ابو زعبل ان شاء الله

الطائر الحزين يقول...

وما كان ربك مهلك القرى بظلم واهلها مصلحون

ان العدل فيما بينهم يمنع تعجيل عذاب الله لهم

هذه من السنن الكونية

تحياتى

غير معرف يقول...

اللهم أهلك الظالمين بالظالمين وأخرجنا من بينهم سالمين

غير معرف يقول...

لقد صدقت نبوءة رسول الله صلى الله عليه وسلم فينا ان تكالبت علينا الامم كما تتكالب الاكلة الى قصعتها وذلك لاننا غثاء كغتاء السيل

لقد وعدنا الله التمكين فى الارض بشروط مهمة جدا وهى الايمان بالله وعمل الصالحات وعبادة الله وعدم الشرك به كما جاء فى اية التمكين فى الارض سورة النور ايه 55

غير معرف يقول...

يا استاذ حدوتة

انا باختلف معاك جملة وتفصيلا للاسباب التى سوف ابديها فى الاتى


هنا فساد فى التسبيب وقصور فى الاستدلال فى اسبابك واستلالاتك ادت بك الى هذا التفكير الذى جانبه الصواب فانت يا استاذنا الفاضل لو حدث بينك وبين احد اصدقائك خلاف شديد بعض الشئ وصل الى التشابك بالايدى ما تمنيت ابدا ان تكون مثله


فما بالك بمن حاربك فى العقيدة وقتل اخ لك
او اب لك
او اخت لك
او ام لك
او طفل رضيع لا تعرفه ولم تره انما قتل لانه ولد مسلما
اعد حساباتك اخى الفاضل وتذكر ان الايام دول يوم لك ويوم عليك وليس معنى اننا مهزومون اننا على غير الصواب


اللهم انا مهزومزن فانتصر
اللهم ردنا الى دينك ردا جميلا

غير معرف يقول...

أولاً انا باشكر أ/ محمود صاحب التعليق بأسم غير معروف على رايه فى الموضوع ده وبأيده فيه بالكامل عارف ليه يا حدوته علشان فى الرد بتاع موضوع استار اكاديمي قلت ان احنا دلوقت بقينا بنصهين على كل حاجة ولو وقفنا فى وش الصهينه اكيد أكيد هنغير من من الغلط الكتير إلى ملي حياتنا وغرقنا فيه لازم نفوق ونقف فى وش الصهاينه والصهينه والله لايغير ما بقوم حتى يغيروا ما بأنفسهم قبل متتكلم على الأحوال الغلط إلى حوالينا حاول تصلح من الغلط إلى عندك يمكن لو غيرت من نفسك تبقي نقطه بدايه وعينيك تفتح على الحلو إلى مش شايفه لان اكيد فى حاجات حلوه ذى ما في حاجات وحشه مش كل حاجه وحشه حاول يمكن تشوف النور مش قصدى النور بتاع الأفلام الأجنبي وبس خلاص

غير معرف يقول...

انا مش عارف ارد عليك اذاي بس اقدر اقولك لوكل واحد اهتم بنفسه وصلح من نفسه وعرف ربنا كويس اعتقد ان ربنا مش هيسبنا لازم ينصرنا وعلي فكرة دية علامة من علامات الساعة الصغري
وفي الاخر بقولك ان كلامك مش هيفرق ؛ انت فاكر ان كلامك دة هيعمل حاجة ابق تعالي .....علي قبري انت فهمني طبعا
ممكن يا حامد تتكلم فى موضوع يفح شوية يعني انت مستلمنا بقالك كام شهر ارحمنا وفرحنا مرة واحدة
احمد الحاج

حـــــدوتـــــة يقول...

قطة الصحرء
والله انا لو عليا عايز اعمل مشروعنا النهاردة قبل بكرة
بس انتى شايفة الظروف المهببه اللى حوالين الواحد
ربنا يستر علينا

حـــــدوتـــــة يقول...

الطائر الحزين
الله ينور عليك
المشكلة فينا مش فيهم احنا اللى ضعفاء مش هما اللى اقوياء
تحياتى

حـــــدوتـــــة يقول...

عمرو
مينفعش نقضيها دعاء وبس
ربنا مش هيقبل دعائنا واحنا مبنعملش حاجة
تحياتى

حـــــدوتـــــة يقول...

غير معروف
جزاك الله كل خير
انت كدة جبت من الاخر
احنا بقينا عدد على الفاضى
تحياتى

حـــــدوتـــــة يقول...

استاذ / محمود
انا كنت عارفك من قبل ما رحاب تقول
من الكلمتين اللى بالى بالك بتوع المر بزيادة
يا اخى الفاضل انا اكيد مش قصدى ابقى اسرائيلى ولكن دة كلام مجازى من كتر القرف اللى انا شايفة حواليا

طبعا هما اعدائنا من يوم ما اتولدنا ولحد يوم القيامة بس دة ميمنعش انهم
متميزين فى حاجات واحنا متخلفين فيها
وبعدين اعطى عدوك حقه لكى تستطيع مواجهته
وسامحنى بس انا شايف ان احنا دلوقتى مش على صواب

حـــــدوتـــــة يقول...

رحاب
الله يباركلك
طول عمر دماغك كبيرة بس محدش فاهمك
سلميلى على بوسى
وانا مش ناسى ومعاد تسليم البضاعة يوم السبت
سلالالالالالالالالالالالام

حـــــدوتـــــة يقول...

احمد
انشاء الله الكلام هيفرق وهاجى على قبرك و ...... بس انت اتكل على الله وملكش دعوة
وبعدين نقيلى انت موضوع مفرح وانا اكتبلك فيه انا كل مره ببقى ناوى اكتب حاجة لذيذة وبعدين الاقى موضوع نافخنى ومكرهنى حياتى فاكتبه
بس ربنا يسهل ممكن اكتب عن نجاح الحضرى فى الاحتراف او فوز احد المزز المصرية فى استار اكاديمى او خروجى من الجيش على قيد الحياه
سلالالالالالالالالالالالالام

غير معرف يقول...

eh ele enta katboo dah allah ye'7rebetak....ana mish a'7ooh ya gama3a ..hayraga3one metra7al min el emarat bsababk..ana oltelak bos l2odam mish bos 3ala esrael..

HOSSAM HAMED

غير معرف يقول...

enta mish la2e balad 3agbak elnezam beta3ha '3er de..we ba3den enta leh shayef enna mazlomen...ana mawgood fi el emarat we shayef kol 7aga .e7na ele 3amalna keda fe nafsena .3awez ba3d ma '7arabnaha nesebha...enta 3aref ? en 90%min el mashakel wel nasb ele fe el emarat el masreyen homa ele 3amlenha...e7na ele ben7eb el 7al dah we mabsoteen awi we7na keda ..mated7aksh 3ala nafsak ..e7na kolena benesra2 ba3d min awel sawaa el taxi le7ad el king el keber..yanefdal keda we manetkalemsh ..ya nra3e rabena fi 7ayatna ..laken mish neroo7 balad tanya wen'7aleha zayena ...
welaw makatabtesh mawade3 zay el nas ana mish 3awez akon a'7ok .hanod'7ol el segn ya booomaaa.......

HOSSAM HAMED

انين الحزن يقول...

حـــــــــــــدوته


انت بجد بجد كلامك صح نو كومنت فعلا
مفيش كلام بعده


ربنا يتولنا


تقبلي تحياتي

وزة

ماء تشرين يقول...

ولا تشكو لناس جرحا انت صانعه
كلنا مشاركون
وتحياتى
ولا عزاء للمسلمين

غير معرف يقول...

تحياتى الى حدوتة
وانا بشاركك فى الراى مع تحفظى على بعض العبارات القاسية ولكن خد عندك بعض عينات الاسئلة التى توضح اجاباتها ماتريده انت بالظبط
* لو فى خناقة او مشكلة فى بلدنا وطلبنا شرطة النجدة كم من الوقت يمضى حتى تحضر الشرطة ؟
* لو حصلت حريقة وطلبنا المطافى تيجى المطافى بعد اد ايه ؟ وتشتغل بكفاءة كام فى المية ؟
* لو فى حادثة وفى مصابين وناس بتحتضر وطلبنا الاسعاف ممكن الاسعاف تيجى لك بعد اد ايه ؟ واذا حضرت الاسعاف واخدت المصابين هتوصلهم المستشفى امتى فى ظل الشوارع المغلقة والمتوقف المرور فيها تماما ؟
قارن بين وضعنا ووضع البلد اللى انت بتتكلم عليها فى الامور ديه علشان تعرف الفرق وعلى فكرة انا عندى مايقرب من ميت سؤال لكن مش عايز اطول وعلى فكرة انا لسة برده عندى امل فى بكرة

حـــــدوتـــــة يقول...

حسام
لا فعلا انت الغربه غيرتك
فين القلب الجامد بتاع زمان
يا بنى لو حالنا ذى حالهم مكنتش اتغربت عن اهلك وبلدك وكان زمانك عايش مبسوط وشغال ويمكن متجوز كمان
سلالالالالالام يا خويا

حـــــدوتـــــة يقول...

انين الحزن
ديما منورانى
تحياتى

حـــــدوتـــــة يقول...

ma2tshren
انا مبشتكيش ولا حاجة بس بقول اللى جوايا وبشوف رأى الناس اللى هتقرا الموضوع معايا ولا فى رأى تانى انا مش شايفه
تحياتى

حـــــدوتـــــة يقول...

راجل عجوز
عزرا على كلماتى ولكن الكلمة على قد الوجع
وحضرتك كده وصلت الى صلب الموضوع وهى ان قيمتنا قلت عندهم وعندنا احنا كمان
شكرا للاهتمام
تحياتى

Empress appy يقول...

شوفوا هما بيسجنوا ابن الرئيس واحنا بنورثه الحكم
الله انت زعلان ليه كل واحد حر فى ورثه يا اخى هى مش مصر رجعت ملكيه ولا انا فقدت الذاكرة هههههههههههههه
ربنا يستر بس هدى اعصابك شويه اصل الدنيا كلها بقت بتستفذنا واحنا مش ناقصين

di el2mr يقول...

للاسف دة فعلا حالنا ودى حقيقه اللى وصلناله

وياعالم ده هيتغير ولا لأ لان واضح ان مفيش امل طول ماحنا حاكمنا ناس بتفهم قوى كدااااا

الفراشة الصغيرة يقول...

حدوته يا احلى حدوته
بحب حماس الشباب اللى فيك بجد مش مجمله
عارف لو اننا كلنا بجراتتك يمكن كنا اتغيرنا وعملنا انقلاب فى الحكم والحكومه
بما انها مش عارفه تحل اى مشكله من مشاكلنا
ولكن مشكلتنا فى اننا بقى عدنا لا مبالاه
والامبالاه دى بدأه من فوق مش من تحت
يعنى من القيادات الهامه من الشعب
وانت عارف المشكله الاكبر ايه
انهم لما بيستضيفوا مسئول فى التليفزيون
دايما بيقول كلمتين
هنعمل هنروح هنزل
كله ها ها ها مفيش عا عا عا عملنا روحنا نزلنا حلينا بجد واقع مؤلم قووى

حـــــدوتـــــة يقول...

appy
على رأيك دى مرجعتش ملكيه وبس دى بقت عزبة لصاحبها حسنى وولده
سلالالالالالالام

حـــــدوتـــــة يقول...

di el2mr
بس احنا برضو لازم نفهم الدنيا ماشية اذاى عشان نعرف نعمل ايه
واكيد فى امل بس نحاول
سلالالالالالالالام

حـــــدوتـــــة يقول...

الفراشة الصغيرة
ايوة كده اضحكى عليا وابلفينى عشان معتبكيش على التأخير
عموما ربنا يخليكى على الكلام الحلو ده
ويا رب يكون مش مجاملة
بس والله فى اوقات كتيرة بحس بأن الامل موجود
وفى شباب كتير مستعدة تشتغل بجد وتغير بس لسة مشافوش اول الطريق
سلالالالالالالالالام

فرنسا هانم يقول...

اول زياره
ماكنتش احب اشوف فيها العلم الاسرائيلى
عموما
نسيب العلم
ونرجع للكلام
هى اسرائيل فعلا عندها ديمقراطيه اكتر من جميع الدول العربيه بعشرات المرات
وعندها تقدم علمى رهيب ويكفى ان احصائيه لا اذكر ارقامها تتحدث عن البحوث العلميه فكانت اسرائيل تسبق الدول العربيه مجتمعه فى مجال البحوث العلميه
تحياتى للتدوينه من غير العلم الاسرائيلى

غير معرف يقول...

والله عندك حق فى كل كلمة قلتها

Unknown يقول...

ازيك ياحدوتة ايه الاخبار
بجد تدوينة جامدة جدااا وكلامك فى اغلبه صحيح
بس مش لدرجة لو لم اكن مصريا لوددت ان اكون اسرائيليا
بس باحييك فعلا على البوست
ومنتظرة المزيد

Unknown يقول...

للاسف
منطق شديد القوه
منطق مؤلم
؟؟!!
أشعر بالحسره
لا اعرف لماذا
لعلها بعض من المراره التي شعرت انت بها وانت تكتبين هذا المقال

حـــــدوتـــــة يقول...

فرنسا هانم
منورة المدونة من غير العلم الاسرائيلى
انا مرضتش اكمل بقيت الارقام اللى اعرفها عشان متشلش
تحياتى

حـــــدوتـــــة يقول...

nirfana
اول زيارة ويا ريت متكنش الاخيرة
تحياتى

حـــــدوتـــــة يقول...

totaaaa
حمد الله على السلامة
بقالك فترة مش باينه
انا بقول كده من غلبى ومن القرف اللى انا شايفة
تحياتى

حـــــدوتـــــة يقول...

انا إنسان
انت كدة فهمتنى
الواحد من كتر اللى بيشوفه بيحصل هناك وفى نفس الوقت بيحس انه متكتف بيجيلة احساس بالعجز والمرارة
بس ربنا قادر يغيير الاوضاع بس احنا نتغير وندعى
تحياتى

Unknown يقول...

برافو عليك برافو عليك بجد

نفس وجهة نظرى الى اعترضت عليها صاحبتى و استعجبت لما قلتلها الكلام ده

اليهود فعلا مش ملومين هما بيعملوا واجبهم تجاه وطنيته و دينهم بيخافوا على بعض متحدين

احنا فين من كل ده احنا بنشتم بعض فى المؤتمرات

خالص تحياتى

مدحت محمد يقول...

اقلك اسرائيل بتحب اسرائيل
وعشان كدة متفوقين
واسرائيل بتكره المسلمين وعشان كدة على اد المنافسة معانا قادرين
اما احنا
بنبوس جزمة الوزير ونقف على باب الزعيم
علشان كدة متخلفين
واكتر حاجة بنكرهها
فى دنيتنا
اللى يهوب نحية لقمتنا
عشان كدة
موكوسين موكوسين موكوسين
ياولدى

حـــــدوتـــــة يقول...

عاليا حليم
ديما منورانى فى المدونة
والحمد الله انى لقيت حد متفق مع رأيى
انا سمعت شتيمه من صحابى تكفينى سنه قدام بعد ما شافوا البوست
اسرائيل بتعمل كدة وهتعمل اكتر من كدة عشان ضعفنا مش عشان قوتها
احنا مش فالحين غير فى الشتيمة والخناق مع بعض شوفوا هما وصلوة لايه واحنا وصلنا لايه
تحياتى

حـــــدوتـــــة يقول...

مدحت محمد
اول زيارة منور يا صديقى
الله يفتح عليك
اللى انا قلته فى صفحة
قلته انت فى كلمتين
بس فى الصميم

سلالالالالالالالالالالالام

Desert cat يقول...

مبروك النيو لوك الجديد يا حدوته
كلك زوق يا جوز بنتى
loooooooooool

فزلوكة يقول...

كلام حضرتك بيوجع أوى
هو صح وجايز عشان كده مؤلم

لكن أنا حاسة إن الوضع إتغير
الجيل التالت إللى هو إحنا بقى عنده تمرد ورغبة فى التغيير غير أجدادنا وآباءنا

اليهود على فكرة مش حلوين أوى كده
أؤمن بأن منهجنا أفضل
المشكلة فينا إحنا
إذا فلنكن حلا للمشكلة وليس تعقيدا لها

دمت متفائلا
بيفيد على فكرة

حـــــدوتـــــة يقول...

فزلوكة
اولا منورة المدونة
فعلا الكلام بيوجع بس يمكن مش اكتر من الوجع اللى بنحس بيه لما نشوف الاوضاع هناك عاملة اذاى
يا رب يكون كلامك صح ويكون الجيل ده يقدر يعمل اللى الاجيال اللى فاتت مقدرتش عليه
تحياتى