الجمعة، 25 سبتمبر، 2009

اللهم لا شماته

لا انكر فرحتى العارمة بخسارة فاروق حسنى معركة اليونسكو !!!! لانه وبكل بساطه قدم كل التنازلات اللى ممكن تتقدم عشان يكسب وبرضو خسر , وياريت التنازلات دى على حسابه هو , لكن للأسف كل التنازلات دى على حسابنا احنا , من اول جائزة سيد القمنى والمايسترو الاسرائيلى والاعتراف بالمحرقة اليهودية واعتزاره لحرق الكتب الاسرائيلية , ده غير كلامه عن الحجاب , يعنى هو كان بيبعت رسايل للعالم كله وبيقول انا بتاعكم انا هكون زى ما انتم عايزين !!!! الحجاب مش عجبكم ههاجمه , شايفين العلمانية كويسه هخلى القمنى ياخد الجايزة , عمل كل حاجة اسرائيل عايزاها وبرضو خانوه فى الاخر وكانوا ضدده , واللعب على نغمه ان مصر هى اللى خسرت وان المصريين كانوا وراه , كل ده كلام فارغ وضحك على الناس !!!! لانه لو كان يستاهل كان كسب لوحده من غير كل الهيسه والدوشة اللى كان عاملهم , لكن كل الكلام بعد الخسارة على ان حصل مؤامرة او ضغط لسقوط المرشح المصرى , طب محدش فكر ان ممكن يكون السبب ان فاروق حسنى فعلا لا يستحق الفوز !!!! وحد فكر اصلا هل كان فارق حسنى هو مرشح مصر الوحيد , يعنى كان ممكن شخص تانى مصر ترشحه يكون فرصته فى الفوز اكبر , لكن النظام اتعامل مع الانتخابات هناك على انها ذى انتخابات مجلس الشعب هنا , وان الدخليه بتاعتنا هى اللى هتراقب الانتخابات , ومدام الوزير من الحزب الوطنى يبقى اكيد هيكسب , لكن فى النهاية الوزير خسر يا حرام , ورجع ايد ورى وايد قدام !!!!! احنا مش هنتكلم عن مصاريف الحمله الانتخابية اللى اندفعت من جيوبنا على الفاضى , بس المهم يخليه قد كلمته ويستقيل من الوزارة وكفايه اوى لحد كده , عشرين سنة من الجهد والعرق والمجهود الخرافى , واللى كان السبب والحمد لله انه خلى المواطن المصرى من اكثر المواطنين ثقافة ووعى , شكرا يا سياده الوزير وكفايه عشان تستريح , وتريحنا احنا كمان

هناك 13 تعليقًا:

منه مرتجى - عازفة الأوتار يقول...

هههههههه
الصورة تحفة و بتعبر عن وضعه دلوقتى

بس انا بصراحة شمتانة
لانى مش بحب اللى يتجبر و يهين حاجة خاصة بربنا بكل ثقة كدة و كأن هو اللى خلق الكون مش ربنا

يشرب بقى


بس فى ليا تعليق بالنسبة للهولوكوست

فى رأيى ان المحرقة النازية فعلا حقيقة بس اللى بيحصل من اليهود هو تهويل لإبتزاز ألمانيا

بس ده مش معناه انهم غلابة
بس المحرقة كانت اول خطوة صحيح تجاه خنازير العالم دول

ربنا يكرمنا بهتلر تانى

الفراشة الصغيرة يقول...

هههههههههههههه

يا سوسه يا حدوته

بكل كل اللى قولته ده وتقولى اللهم ما لا شماته

عموما احسن لان فى ناس كتير كانت مقتنعه بأرائة جه الوقت بقى اللى يعرفوا انهم غلط وان مثل سىء لينا صراحه من ساعه ما مسك والدنيا عماله تولع

شيه وزير التربية والتعليم من ساعه ما مسك
والبلاوى عماله تهل على التعليم

عقباله يارب مستنيه بوست منك يا احمد على وزير التعليم علشان برضه كفايه عليه كده

موناليزا يقول...

كان بيحسبها انتخابات زى عندنا والفوز مضمون

الفراغ يقول...

انا اصلا ولا على بالى لافاروق ولا اى وزير فى بلدنا
كلهم عبدة السلطان والمكان
واللى يشترى الدنيا بالاخره بيخسر الاتنين
فعلا
اللهم لاشماته

Appy يقول...

انا شمتانه وعاوزاه يستقيل ممكن تقوله او سمحت

عاليا حليم يقول...

ده تاني بوست شماتة أرقاه في الراجل
:)))))

دمتم مواكبين الحدث
:)

dina يقول...

عيييييييييييييب الكلام دا
يستقيل و كفاية؟
ليه لا سمح الله هو احنا عندنا حد ممكن يستقيل...ولا احنا فى حد عندنا بيحس على دمه لما بيغلط و بيقول حاسبونى...ولا هو فى حد بيتحاسب اصلا....دا الوزرا فى الصيم بينتحروا لما يحسوا انهم غلطوا فى حق شعوبهم...انا بقول الاخ دا كان المفروض ينتحر من أيام حرائق المسارح بصراحة

☼♫♪ عمــاد الدين يــوسف ☼♫♪ يقول...

حبيب قلبي بعد مساء الجمال ، تصحيح بسيط ( ســي فاروؤ ) بقاله 22 سنه مش بس عشرين ، حاجه تانيه بقى يراجل يوحش الريس يقوله ارمي ورا ضهرك يفاروق وانت عايزه يسيب الوزاره إخص عليكو شعب زي القطط ياكل الكتب أكل وينسى بعد الامتحان
وامانه تسلملي على اليونسكووووو

Angel يقول...


صباح الورد
والشماتة يا حدوتة


حلو أوي البوست
بس على قد ما أنا فرحانة في الخسارة ألا أن الفوز كان هيبقى مكسب لينا عشان كان هيستقيل من الوزارة
(:

تسلم على الموضوع

Angel love

عابرة السبيل يقول...

تصدقى كلامك صح 100 فى ال100

يستاهل كل اللى يجراله واكتر وهو برضه مش هيستقيل لانهم خايفين واحد يستقيل الشعب يعرف انهم بشر وعندهم دم ويطالب الشعب باستقالة الباقى

مدونة جميلة هحاول اتابعها باستمرار

أحمد عاطف يقول...

الكارثة الوحيدة في خسارة فاروق حسني

هو استمراره زير للثقافة

kochia يقول...

والله اعتقد ان الانسان المفروض يتعلم
في يوم من تجاربه
المشكلة ان ناس كتير مهما مر عليها احداث مش بتشغل نفسها بالتفكير ومش بتفهم
ومش بتتعلم
اقول ايه ؟
ربنا يهدي

Dr Ibrahim يقول...

انت كده جبت من الاخر وحاسب على نفسك بقى :)